సెటైర్ : బాక్టీరియా పుణ్యస్నానాలు !

సర్వరకాల బాక్టీరియా ఈ మధ్యనే ఒక కూటమిగా ఏర్పడ్డాయి. దానికో పేరు కూడా పెట్టుకుని మురిసిపోయాయి. ప్రొగ్రెసీవ్ బాక్టీరియా ఫ్రంట్ అన్న పేరు స్థిరపడగానే బాక్టీరియాలో ఎగురుళ్లూ, గెంతుళ్ళూ…
బాక్టీరియా ఫ్రంట్ తన తొలి మహానాడును రాజమండ్రిలో నిర్వహించుకుని ముచ్చట తీర్చుకున్నాయి. ఈ సందర్భంగా అధ్యక్షులవారు తన ప్రసంగాన్ని కొనసాగిస్తూ…
`మనం, అనగా సర్వ రోగ బాక్టీరియా అయిన మనం ఎంతో సంతోషించాల్సిన సుదినం. తొలిసారిగా ఐక్యత సాధించి ఈ కూటమిని ఏర్పాటుచేయగలగడం ముదాహవం. మనలో చాలామంది రాజమండ్రిలోనే ఫ్రంట్ తొలి సమావేశం ఎందుకు పెట్టుకోవాలని నన్ను అడిగారు. మీ అందరికీ తెలుసు, కేవలం కొద్ది రోజుల వ్యవధిలో మన సంఖ్య ద్విగుణీకృతమవడానికి కారణం ఈ రాజమండ్రే. అలాంటప్పుడు ఈ ప్రాంతాన్ని ఎలా మరచిపోగలం చెప్పండి. అందుకే తొలి మహానాడు ఇక్కడే గోదావరి వొడ్డునే పెట్టుకున్నాము. పైగా గోదావరి మహా పుష్కరాలు రావడం మన అదృష్టం. మన జనాభా భారీగా పెరగడానికి కారణమైన ఈ మానవజాతికి థాంక్స్ చెప్పాలి. లక్షల సంఖ్యలో వారు వచ్చి నదీ స్నానాలు చేయడంతో రోగకారకమైన మనలో జీవశక్తి మరింతగా విజృభించింది. అంతే, రెచ్చిపోయాము.
లక్షల కోట్లకు మన జనాభా చేరడం ఓ శుభపరిణామం. ఇందుకు పాలకులకు కూడా థాంక్స్ చెప్పాలి. ఎందుకని? అని మీరు అడగొచ్చు. ఎందుకంటే, బాక్టీరియా అంటే మనం పెరగడానికి చక్కటి పరిస్థితులు కల్పిస్తున్నారు. వారిసహాయసహకారాలు మనకు ఇక ముందు కూడా ఉండాలని కోరుకుంటున్నాను.
ఎవరో ఈ మధ్య నదిలో నుంచి చాలా కొద్ది నీటిని తీసుకుని పరీక్షించి ఆశ్చర్యపోయాడట. పోడా మరి, ఇప్పుడు మన బలం అంతగా పెరిగిపోతే నోరెల్లబెట్టడూ… సరే, మన వృద్ధి చూసి ఓర్వలేనివారు యాక్షన్ ప్లాన్ అంటున్నారు. మిత్రులారా, వాళ్లు యాక్షన్ కి దిగేలోపే మనం ఈ భూమిమీద మహాసామ్రాజ్యాన్ని స్థాపించాలి. కొంతమంది మనల్ని టెర్రరిస్టులంటున్నారు. మనం ఎవర్నీ టెర్రర్ కు గురిచేయడంలేదు. వాళ్ల అసమర్థతే మన ఆయుధం. ఆ విషయం వారు గుర్తుపెట్టుకోవాలి.
నేను ఈ సమావేశానికని పరిగెత్తుకుంటూ వస్తుంటే, ఒక మానవుడు అడ్డు తగిలి, `మీరెందుకు ఇక్కడికి ? ‘ అంటూ ప్రశ్నించాడు. ఏం మనలాంటి వాళ్లం నదీ పుష్కర ప్రాంతానికి రాకూడదా ? పుణ్య స్నానాలు చేసే హక్కు వాళ్లకేనా, మనకు లేదా? సదరు పుణ్యమంతా మూటగట్టుకునేది వాళ్లేనా ?? మనకు ఆ అవకాశం ఇవ్వరా ?? అని నేను సూటిగా ప్రశ్నిస్తున్నాను. మిత్రులారా, అందుకే ఈ సమావేశం తీర్మానించిన మొదటి అంశం, బాక్టీరియా అయిన మనం తండోపతండాలుగా గోదావరి నదీ స్నానం చేద్దాం. మనం సైతం పుణ్యం మూటగట్టుకుందాం. భగవంతుడనేవాడు ఒకడుంటే, ఈ మానవుల్ని ఎలా సృష్టించాడో, మనల్నీ అలాగే సృష్టించాడు. ఆయన దృష్టిలో అంతా సమానమైనప్పుడు ఏక కణంతో ఉన్న మనకు లేని ఆ పుణ్యం, బహుకణసమూహమైన మానవులకు ఎలా వస్తుందని మనం ప్రశ్నించుకోవాలి. పుణ్య స్నానమన్నది కేవలం మానవులకే కాదు, సకలజీవ కోటికని నిరూపించడానికే కదలివచ్చాం. ఇప్పటికే మన దండు చూసి వాళ్లు మూర్ఛపోతున్నారు. ఇది ఆరంభం. ఇక ముందు రచ్చరచ్చే కాచుకోండని వాళ్లకు సవాలు విసురుతూ గోదావరి నదిలోనే తిష్టవేద్దాం. ఎన్ని మునకలేసైనా ఆ పుణ్యాన్ని మూట కట్టుకుందాం. పదండి, ముందుకు, తోసుకుతోసుకు, దూసుకుదూసుకు పోదాం పోదాం గోదాట్లోకి… ‘
ఇలా అధ్యక్షులవారు చెప్పగానే బాక్టీరియా కూటమి సభ్యులంతా `ఛలో గోదావరి…
అంటూ ఎగిరిపోయాయి. గోదావరి నీట్లో కలిసిపోయాయి.
– కణ్వస
kanvasa19@gmail.com

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

కేసీఆర్ “రండ” రచ్చ !

తెలంగాణ సీఎం కేసీఆర్ సోమవారం బీజేపీని కిషన్ రెడ్డిని తిట్టిన తిట్టు తిట్టకుండా తిట్టారు. కేంద్రం ధాన్యం కొనబోమని చెప్పిందని .. కానీ కిషన్ రెడ్డి అబద్దాలు చెబుతున్నారని మండిపడ్డారు. అయన...

పాజిటివ్ స్టెప్‌తో టీ కాంగ్రెస్‌కు టీఆర్ఎస్‌ షాక్ !

కాంగ్రెస్ విషయంలో టీఆర్ఎస్ తీసుకుంటున్న నిర్ణయాలు అనూహ్యంగా ఉంటున్నాయి. తెలంగాణలో కాంగ్రెస్ పార్టీని ఇబ్బంది పెట్టేలా ఢిల్లీలో టీఆర్ఎస్ నిర్ణయాలు తీసుకుంటోంది. కాంగ్రెస్ నేతృత్వంలోని విపక్షాల కూటమి భేటీకి టీఆర్ఎస్ నేత కేశవరావు...

సిరివెన్నెల సీతారామశాస్త్రి కన్నుమూత

దిగ్గజ సినీ గీత రచయిత సిరివెన్నెల సీతారామశాస్త్రి కన్నుమూశారు. ఇటీవల సిరివెన్నెల అనారోగ్యానికి గురైన సంగతి తెలిసిందే. చికిత్స కోసం ఆయన సికింద్రాబాద్‌లోని కిమ్స్‌ ఆస్పత్రిలో చేరారు. చికిత్సపొందుతూ కొద్దిసేపటిక్రితం తుది శ్వాశ...

అత్యంత విష‌మంగా సీతారామ‌శాస్త్రి ఆరోగ్యం

ప్ర‌ముఖ గీత ర‌చ‌యిత సీతారామ‌శాస్త్రి ఆరోగ్యం అత్యంత విష‌మ ప‌రిస్థితుల్లో ఉన్న‌ట్టు తెలుస్తోంది. ప్ర‌స్తుతం ఆయ‌న హైద‌రాబాద్ లోని ఓ ప్రైవేటు ఆసుప‌త్రిలో చికిత్స పొందుతున్నారు. నాలుగు రోజుల క్రితం ఆసుప‌త్రిలో చేరిన...

HOT NEWS

[X] Close
[X] Close