స‌లార్‌కి సంబంధించిన ఎలాంటి అప్ డేట్స్ రాక‌పోవ‌డం, ఫ‌స్ట్ లుక్‌, టీజర్, గ్లిమ్స్… ఇలాంటివేం బ‌య‌ట‌కు వ‌ద‌ల‌క‌పోవ‌డం వ‌ల్ల ప్ర‌భాస్ ఫ్యాన్స్ అసంతృప్తికి గుర‌వుతున్నారు. వాళ్లంద‌రికీ ఇది ఓ స్వీట్ న్యూస్‌. ఆదిపురుష్‌కి వెళ్తే.. `సలార్`ని చూసేయొచ్చు.
జూన్ 16న ఆదిపురుష్ ప్రేక్ష‌కుల ముందుకు వ‌స్తోంది. ఈ సినిమా విడుద‌ల అయిన థియేట‌ర్ల‌లో… సలార్ గ్లిమ్స్‌ని చూపించాల‌న్న‌ది సలార్ బృందం ఆలోచ‌న. అంటే.. జూన్ 16న ఆదిపురుష్ తో పాటుగా సలార్ గ్లిమ్స్ కూడా విడుద‌ల అవుతోంద‌న్న‌మాట. అదే.. జ‌రిగితే, ప్ర‌భాస్ ఫ్యాన్స్‌కి ఇది డ‌బుల్ బొనాంజానే అనుకోవాలి. ప్ర‌శాంత్ నీల్ దర్శకత్వంలో రూపొందుతున్న స‌లార్‌పై భారీ అంచ‌నాలున్నాయి. ఈ సినిమాని రెండు భాగాలుగా రూపొందిస్తున్నారు. తొలి భాగానికి సంబంధించిన చిత్రీక‌ర‌ణ ఇప్ప‌టికే పూర్త‌య్యింది.
