శ్రీమంతుడుకి డోకా లేదు, కానీ…

మహేష్ బాబు నటించిన శ్రీమంతుడు సినిమా ఈరోజు విడుదలయింది. సినిమా విడుదలకు ముందు నుంచే చాలా మంచి పాజిటివ్ టాక్ సంపాదించుకొంది. శ్రీమంతుడు సినిమా గురించి మహేష్ బాబు చాలా గొప్పగా చెప్పారు. పైగా దానిని ‘మిర్చి’ తో హిట్ కొట్టిన కొరటాల శివ దర్శకత్వం వహించడంతో అంచనాలు మరింత భారీగా పెరిగిపోయాయి. దానికి వస్తున్న ఆ ‘హైప్’ చూసి శ్రీమంతుడు బాహుబలిని దెబ్బేసేస్తాడేమోనని చాలామంది కంగారు పడిపోయారు కూడా. కానీ సినిమా రివ్యూలు చూసాక శ్రీమంతుడుని చూసి బాహుబలి మరీ అంత టెన్షన్ పడనవసరంలేదని స్పష్టం అవుతోంది.

శ్రీమంతుడు గురించి క్లుప్తంగా చెప్పుకొంటే హీరో కోటీశ్వరుడి కొడుకు. కానీ అతనికి కోటు వేసుకోవలనే ఆసక్తి కూడా ఉండదు. ఇక తండ్రి సంపాదించిన కోట్ల రూపాయలపై ఏమి ఇంట్రెస్ట్ ఉంటుంది? అందుకే చాలా సింపుల్ గా ఉండాలనుకొంటాడు. తెలుగు సినిమా ఫార్ములా ప్రకారం హీరోయిన్ తో లవ్వులో పడగానే ఆమె అతనికి కర్తవ్యం భోదిస్తుంది. అప్పుడు అతనికి తన ఊరిని ఉద్దరించాలని అర్ధమవుతుంది. సాధారణంగా అటువంటప్పుడు ఆ ఊరు విలన్ చేతిలోనే ఉంటుంది కనుక మహేష్ బాబు ఊరు కూడా సంపత్ రాజు అనే విలన్ చేతిలోనే ఉంటుంది. ఇంతవరకు చెపితే మిగిలిన కధను జనాలే చెప్పేయగలరు. ఒకవేళ ఆ ఊరు విలన్ చేతిలో కాకుండా చాలా మంచి వ్యక్తి చేతిలో ఉండి ఉంటే అప్పుడు శ్రీమంతుడు ఏమి చేసేవాడో చూపించి ఉంటే బాగుండేది.

కానీ మహేష్ బాబు సినిమాలో ఓ నాలుగు ఫైట్లు పడకపోతే కిక్కు రాదు గాబట్టి ఊరి పెద్ద విలన్ అయ్యి ఉండక తప్పదు. అలాగే శృతి హాస్సన్ వంటి అందగత్తెని పెట్టుకొని మహేష్ బాబు ఊరిని ఉద్దరిస్తూ కూర్చుంటే ఎవరూ చూస్తూ కూర్చోలేరు. కనుక హీరోయిన్ తో ఓ ఐదారు పాటలు తప్పలేదు. అంటే తెలుగు సినిమా ఫార్ములా ప్రకారం పడవలసినవన్నీ సమపాళ్ళలోనే పడ్డాయి. కనుక సినిమాకి డోకా లేదని ఖచ్చితంగా చెప్పవచ్చును. ఫస్ట్ హాఫ్ లో హీరో, హీరోయిన్ల లవ్వుతో సాగదీసి, సెకండ్ హాఫ్ లో నాలుగు ఫైట్స్, మూడు ఇమ్మోషనల్ సీన్స్ తో ముగించేసాడు దర్శకుడు కొరటాల.

ఈ సినిమాలో మహేష్ బాబు క్యారక్టరైజేషన్, అతని నటన చాలా బాగుంది. కెమెరా, సంగీతం కూడా బాగుంది. మిగిలినవన్నీ రొటీన్. కాకపోతే మన తెలుగు సినీ ఇండస్ట్రీ చేసుకొన్న అదృష్టం ఏమిటంటే తెలుగు సినీ ప్రేక్షకులు అపరిచితుడు వంటి ఊహించలేని కధలేవో చూడాలని తపించిపోరు. ఉన్నదానినే మళ్ళీ కొత్తగా చూపించగలిగితే చాలని తృప్తిపడే అల్పసంతోషులు. పైగా కోటీశ్వరుడు అయిన హీరో అంత సింపుల్ గా వ్యవహరిస్తూ, తను సెంటు రాసుకోకపోయినా జనాల కోసం డబ్బు ఎడాపెడా అలాగా ఖర్చు పెట్టేస్తుంటే తెగ త్రిల్ అయిపోతారు. అందుకే ఇప్పుడు త్రిల్ అయిపోతూ శ్రీమంతుడిని మరింత శ్రీమంతుడుగా చేస్తారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

చ‌రిత్ర సృష్టించిన ధావ‌న్

ఐపీఎల్ లో మ‌రో రికార్డ్ న‌మోద‌య్యింది. ఈసారి శేఖ‌ర్ ధావ‌న్ వంతు. ఐపీఎల్ లో వ‌రుస‌గా రెండు సెంచ‌రీలు చేసిన బ్యాట్స్‌మెన్‌గా ధావ‌న్ రికార్డు సృష్టించాడు. ఓ బ్యాట్స్‌మెన్ వ‌రుస‌గా రెండు మ్యాచ్‌ల‌లో...

జాతికి జాగ్రత్తలు చెప్పిన మోదీ..!

ప్రధానమంత్రి నరేంద్రమోదీ.. మధ్యాహ్నం నుంచి ఉత్కంఠ రేపిన ఆరు గంటల ప్రసంగంలో కీలకమైన విధానపరమైన ప్రకటనలు ఏమీ లేవు. పండగల సందర్భంగా ప్రజలు స్వేచ్చగా తిరుగుతున్నారని.. ఈ సమయంలో జాగ్రత్తగా ఉండాలని చెప్పేందుకు...

ఏపీకి విరాళాలివ్వట్లేదా..! జగన్ అడగలేదుగా..?

సినీ స్టార్లు, పారిశ్రామికవేత్తలు తెలంగాణకు పెద్ద ఎత్తున విరాళాలు ప్రకటిస్తున్నారు. భారీ వర్షాల కారణంగా ఇబ్బందుల్లో పడిన హైదరాబాద్‌ను.. అక్కడి ప్రజలను ఆదుకోవడానికి సీఎంఆర్ఎఫ్‌కు విరాళాలివ్వాలని సీఎం కేసీఆర్ పిలుపునిచ్చారు. ఇలా పిలుపునిచ్చారో...

కేసీఆర్ పిలుపు… విరాళాల వెల్లువ..!

ముఖ్యమంత్రి సహాయనిధికి విరివిగా విరాళాలివ్వాలని తెలంగాణ సీఎం కేసీఆర్ పిలుపునిచ్చారు. వరదల కారణంగా హైదరాబాద్ ప్రజలు తీవ్ర ఇబ్బందులు పడుతున్నారు. వారిని ఆదుకోవడంతో పాటు పెద్ద ఎత్తన ధ్వంసం అయిన రోడ్లు, విద్యుత్...

HOT NEWS

[X] Close
[X] Close