నీకోసం సినిమాతో దర్శకుడిగా పరిచయమైన శ్రీనువైట్ల అంచలంచెలుగా ఎదుగుతూ స్టార్ హీరోల సినిమాలను డైరెక్ట్ చేసే స్థాయికి వచ్చాడు. కామెడీని కమర్షియల్ థోరణిలో చెప్పడంలో డైరక్టర్ శ్రీనువైట్లకు పెట్టింది పేరు. ఆయన తీసిన రెడీ,డీ సినిమాలు ఎన్ని సార్లు చూసిన బోర్ కొట్టవు. కాని ప్రస్తుత పరిస్థితులు చూస్తుంటే శ్రీనువైట్ల పని అయిపోయినట్టుగా కనిపిస్తుంది. సూపర్ స్టార్ మహేష్ తో దూకుడు లాటి ఇండస్ట్రీ హిట్ ఇచ్చి తన స్టామినా ఏంటో ప్రూవ్ చేసుకున్న శ్రీనువైట్ల ఎన్టీఆర్ ను బాధ్షాగా చూపినా అంతగా ఆకట్టుకోలేదు.
ఇక మళ్లీ మహేష్ తో తీసిన ఆగడు సినిమా హిట్ అవడం అటుంచితే దర్శకుడిగా చాలా విమర్శలు ఫేస్ చేశాడు శ్రీనువైట్ల. ఆగడు ఫ్లాప్ తో కసి మీద చెర్రి సినిమా హిట్ కొడటాడనుకుంటే మళ్లీ అదే పాత చింతకాయ పచ్చడి లాంటి సినిమాను తెరకెక్కించి దెబ్బ పడేలా చేసుకున్నాడు. తన మూల కథ అయినా సరే తన ఆస్థాన రచయితలు కోన వెంకట్, గోపీ మోహన్ ల సహాయంతో సినిమాను ఓ రేంజ్లో తీస్తాడనుకుంటే.. సినిమాను తను అలవాటు పడ్డ పాత థోరణిలోనే నడిపించి ఆడియెన్స్ కి విరక్తి కలిగేలా చేశాడు.
మెగాస్టార్ రీ ఎంట్రీ అనే సందర్భం లేకుండా బ్రూస్ లీ కనుక వచ్చి ఉంటే చరణ్ కిది ఆగడు సినిమా రిజల్ట్ ని ఇచ్చిండేది. అందుకే శ్రీనువైట్ల ఇక స్టార్ హీరోల సినిమాలకు పనికిరాడని డిసైడ్ అయ్యారు. వారి ఇమేజ్ ని డ్యామేజ్ చేసి ఊహించని విధంగా ఫ్లాప్స్ చవిచూసేలా చేస్తున్న శ్రీనువైట్ల ఇక నుండి మళ్లీ చిన్న హీరోల సినిమాలే చేసుకోవాల్సిన పరిస్థితి వచ్చినట్టే ఉంది చూస్తుంటే.
వరుసెంట ఫ్లాప్స్ ఇస్తున్న దర్శకుడికి ఏ హీరో మాత్రం పిలిచి అవకాశం ఇస్తాడు చెప్పండి. ఏమన్నా మళ్లీ తన థోరణి పూర్తిగా మార్చుకుని క్రియేటివ్ గా పనిచేస్తే తప్పా.. మళ్లీ శ్రీనువైట్లకు స్టార్ హీరోల డేట్స్ దొరికే ఛాన్స్ లేదు.
