చెట్టుమీద దెయ్యం – నాకేం భ‌య్యం.. అంటూ చిన్న‌ప్పుడు త‌మాషాగా ఆట‌లాడుకునేవాళ్లం. ఆ దెయ్యాన్ని ఇంట్లోకి తీసుకొచ్చి సినిమాలు తీశారు మ‌న ద‌ర్శ‌కులు. హార‌ర్ సినిమా అంటే… ఓ దెయ్యం, ఓ ఇల్లు, కాస్త కామెడీ, ఇంకాస్త హార‌ర్.. ఇదే తంతు. అయితే వాటిలోనే హిట్లు ప‌డ్డాయి. ఈ లైన్ దాటి కొత్త‌గా ఆలోచించిన‌వాళ్లూ హిట్లొచ్చాయి. ఇప్పుడు సందీప్ కిష‌న్ అదే చేశాడు. `అద్దంలో దెయ్యాన్ని` చూపించి ఆక‌ట్టుకునే ప్ర‌య‌త్నంలో ఉన్నాడు. సందీప్ కిష‌న్ కొత్త సినిమా `నిను వీడ‌ని నీడ‌ను నేను`. కార్తీక్ రాజు ద‌ర్శ‌కుడు. వెన్నెల కిషోర్ కీల‌క పాత్ర పోషించాడు. ట్రైలర్ విడుద‌లైంది. ట్రైలర్ చూస్తుంటే… ఈమ‌ధ్య వ‌చ్చిన హార‌ర్ కామెడీల‌తో పోలిస్తే భిన్నంగానే ఉంది. భ‌యం, కామెడీ రెండూ వ‌ర్క‌వుట్ అయిన‌ట్టు క‌నిపిస్తున్నాయి. పోసాని, ముర‌ళీ శర్మ, వెన్నెల కిషోర్.. వీళ్లంతా న‌వ్వించే ప్ర‌య‌త్నం చేశారు. పాయింట్‌గా చూస్తే… తెర‌పై న‌వ్వులు పంచే స‌త్తా, భ‌య‌పెట్టే స్టామినా ఈ క‌థ‌లో క‌నిపిస్తున్నాయి. మ‌రి ద‌ర్శ‌కుడు ఎలా హ్యాండిల్ చేశాడో చూడాలి. త‌మ‌న్ నేప‌థ్య సంగీతం ఈ చిత్రానికి ప్ల‌స్ పాయింట్‌గా క‌నిపిస్తోంది. విజువ‌ల్స్ కూడా బాగానే ఉన్నాయి. మొత్తానికి చాలా కాలం త‌ర‌వాత సందీప్‌కిష‌న్ సినిమాకి హిట్ ల‌క్ష‌ణాలు క‌నిపిస్తున్నాయి. ఏం జ‌రుగుతుందో చూడాలి.
అద్దంలో దెయ్యం – సందీప్ కొత్త‌గా ట్రైచేశాడుగా!
