చింతమనేని..ఎవరినీ ఖాతరు చేయడు!

తెదేపా దెందులూరు ఎమ్మెల్యే మరియు ప్రభుత్వ చీఫ్ విప్ చింతమనేని ప్రభాకర్ మళ్ళీ వార్తలలోకి ఎక్కారు. ఈసారి కూడా మళ్ళీ తప్పు చేసినందుకే వార్తలకెక్కారు. అటవీ శాఖ అధీనంలో ఉన్న నిషేధిత ప్రాతమయిన కొల్లేరు సరస్సు మధ్యలో ఆటపాక నుండి కోమటి లంక వరకు నిన్న రాత్రి మూడు గంటల సమయంలో మట్టి రోడ్డు నిర్మించారు. దానిని అడ్డుకోవడానికి ప్రయత్నించిన అటవీ శాఖ డిప్యూటీ రెంజర్ ఈశ్వరరావును బెదిరించి అక్కడి నుండి పంపించి వేసి రోడ్డు నిర్మాణం పూర్తి చేసారు. “కావాలంటే నా మీద పోలీసులకు పిర్యాదు చేసుకోమని” ఉచిత సలహా కూడా ఇచ్చారు.

కొల్లేరు సరస్సులో ఎటువంటి నిర్మాణాలు చేప్పట్టకూడదని సుప్రీం కోర్టు ఉత్తర్వులు జారీ చేసింది. అదే విషయం తెలియజేస్తూ అక్కడ అటవీ శాఖ ఒక బోర్డును కూడా ఏర్పాటు చేసింది. కానీ చింతమనేని ప్రభాకర్ తన అనుచరులు దగ్గరుండి సుమారు 500 లారీల మట్టితో ఆటపాక నుండి కోమటి లంక వరకు రోడ్డు నిర్మించారు. దాని కోసం అనేక ప్రోక్లేయిన్లను కూడా ఉపయోగించారు. అటవీ శాఖ అధికారులు అక్కడికి రాకుండా దారిలో ప్రోక్లేయిన్లను అడ్డుగా గోడలా నిలబెట్టించి కేవలం రెండు మూడు గంటల వ్యవధిలోనే రోడ్డు నిర్మాణం పూర్తి చేసారు. అటవీ శాఖా అధికారులు ఇక చేసేదేమీ లేక కైకలూరు పోలీసులకి పిర్యాదు చేసారు. వారు చింతమనేని ప్రభాకర్, అయన అనుచరులపై కేసు నమోదు చేసారు.

కోమటి లంకలో బినామీ పేర్లతో ఉన్న తన చేపల చెరువులకు ట్రాక్టర్లు, మినీ లారీలలో ఆహారం వగైరా తరలించేందుకే చింతమనేని రోడ్డు నిర్మించినట్లు సమాచారం. ఆ గ్రామస్తులకు ఊళ్లోకి రావడానికి సరయిన రహదారి లేకపోవడం చేతనే రోడ్డు నిర్మించినట్లు చింతమనేని చెప్పుకొంటున్నారని తెలుస్తోంది. ప్రజా ప్రతినిధిగా, ఒక భాద్యతాయుతమయిన పదవిలో ఉన్న చింతమనేని సుప్రీంకోర్టు ఉత్తర్వులను ఉల్లంఘించి నిషేధిత ప్రాంతమయిన కొల్లేరు సరసు మధ్యలో రోడ్డు నిర్మాణం చేయడంపై విమర్శలు వెల్లువెత్తుతున్నాయి.

సంక్రాంతి సందర్భంగా కోడి పందాలు నిర్వహించడంపై రాష్ట్రంలో నిషేధం ఉన్నప్పటికీ చింతమనేని చాలా నిర్భయంగా ఆ నిషేదాజ్ఞాలు ఉల్లఘించడం పరిపాటే. అలాగే ఇంతకుముందు ఒకసారి ఆయన అక్రమ ఇసుక రవాణా చేస్తున్నప్పుడు తనని అడ్డుకొన్న ముసునూరు తహసిల్దార్ వనజాక్షిని, ఆమెతో వచ్చిన రెవెన్యూ సిబ్బందిని కొట్టారు. దానిపై చాలా వివాదం చెలరేగింది. కానీ చివరికి ముఖ్యమంత్రి చంద్రబాబు నాయుడు ఆయననే వెనకేసుకొని వచ్చి, వనజాక్షిదే తప్పంతా అని తేల్చి చెప్పడంతో ఆయన కూడా విమర్శలు మూటగట్టుకొన్నారు. మరి ఇప్పుడూ చింతమనేని ప్రభాకర్ చేసిన ఈ పనిని కూడా ముఖ్యమంత్రి వెనకేసుకు వస్తారో లేక ఇప్పుడయినా ఆయనపై చర్యలు తీసుకొంటారో చూడాలి.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

2018-19 పంచాయతీ అవార్డుల క్రెడిట్‌ను ఖాతాలో వేసుకున్న జగన్ సర్కార్..!

ఆంధ్రప్రదేశ్ ప్రభుత్వం గ్రామాల్లో చేపట్టిన సంస్కరణలను మెచ్చి కేంద్ర ప్రభుత్వం 15 అవార్డులు ఇచ్చింది. " ఈ - పంచాయతీ పురస్కార్‌" కేటగిరిలో ఏపీ రెండో స్థానంలో నిలిచింది. సాధారణ కేటగిరిలో ప.గో...

“జై అమరావతి” అంటే బీజేపీలో సస్పెన్షనే..!

అమరావతి రైతుల కోసం పోరాడతామని భారతీయ జనతా పార్టీ ఓ వైపు చెబుతోంది. ఆ రైతులకు మద్దతు చెప్పేందుకు వెళ్లిన నేతలపై మాత్రం సస్పెన్షన్ల వేటు వేస్తోంది. గతంలో అమరావతికి మద్దతుగా ఓ...

మోడీకి జగన్ అభినందనలు..!

నిజమే.. మీరు కరెక్ట్‌గానే చదివారు. ప్రధానమంత్రి నరేంద్రమోడీకి జగన్ అభినందనలు తెలిపారు. మోడీ ఆ అభినందులు రిసీవ్ చేసుకుని .. జగన్ అభినందించినందుకు పొంగిపోయారో లేదో తెలియదు కానీ.. మోడీని జగన్ అభినందించిన...

క్రైమ్ : ఒకరిది ఆత్మహత్య…మరొకరిది హత్య..! ఇద్దరు తండ్రుల కథ..!

వారిద్దరూ ఆడపిల్లల తల్లిదండ్రులు. కని పెంచి.. అల్లారుముద్దుగా పెంచి.. తమకు చేతనయినంతలో మంచోళ్లు అనుకునే వాళ్లకే కట్టబెట్టారు. కానీ వారు అనుకున్నంత మంచోళ్లు కాదు. ఆ విషయం తెలిసి తమ కూతుళ్లు జీవితాలు...

HOT NEWS

[X] Close
[X] Close