అమిత్ షా నుంచి టీడీపీ ఎంపీలకు “ఆశించిన” భరోసా లభించిందా..!?

ఆంధ్రప్రదేశ్‌లో వైసీపీ వ్యతిరేక నేతలందరికీ హోంమంత్రి అమిత్ షా ఒకే సారి అపాయింట్‌మెంట్ ఇచ్చారు. ఎంత కాలం నుంచి అడుగుతున్నారో కానీ.. టీడీపీ ఎంపీలకు అపాయింట్‌మెంట్ ఇచ్చారు. వారంతా.. ఇచ్చిన సమయానికి తాము చెప్పాల్సిన.. చేయాల్సిన ఫిర్యాదులన్నీ రాసుకెళ్లి ఇచ్చి వచ్చారు. లోపలికి ఇంకేమైనా మాట్లాడారో లేదో కానీ.. బయట మాత్రం.. ఏపీలో దిగజారిపోతున్న శాంతిభద్రతల అంశాన్ని ప్రధానంగా ప్రస్తావించినట్లుగా చెప్పుకొచ్చారు. రాజ్యాంగ వ్యవస్థలపై దాడి.. న్యాయస్థానాలపై దూషణలు, మండలిరద్దు అంశాలను అమిత్‌షా దృష్టికి తీసుకెళ్లామని ఎంపీలు చెప్పుకొచ్చారు. అచ్చెన్న, పట్టాభిపై వైసీపీ దాడులు.. ఆలయాలపై దాడులు, మత మార్పిడులు అంశాలను ఆధారాలతో వివరించామన్నారు.

రాష్ట్ర పరిస్థితులపై అమిత్‌షాకు నివేదిక ఇచ్చామని.. ఇంకా ఆధారాలు ఉంటే పంపించాలని కోరారన్నారు. అన్నింటిపై త్వరలో సమీక్షిస్తామని హామీ ఇచ్చారని టీడీపీ ఎంపీలు సంతోషంగా చెప్పుకొచ్చారు. ప్రశ్నించిన ప్రతిపక్షనేతలు, మీడియాపై కేసులు పెడుతున్నారని చెప్పినప్పుడు.. ఇలాంటివి జరుగుతుంటే చూస్తూ ఊరుకోబోమని హామీ ఇచ్చినట్లుగా టీడీపీ ఎంపీలు చెబుతున్నారు. టీడీపీ ఎంపీల బేటీ ముగియగానే… వైసీపీ రెబల్ ఎంపీ రఘురామకృష్ణరాజుకు.. అమిత్ షా సమయం ఇచ్చారు. ఆయన కూడా.. ఏీపలో పరిస్థితులు రాజ్యాంగ వ్యవస్థలపై జరుగుతున్న దాడుల గురించి ఫిర్యాదు చేశారు.

గత ఎన్నికల్లో పరాజయం తర్వాత బీజేపీతో మళ్లీ సంబంధాలు పెంచుకునేందుకు టీడీపీ ప్రయత్నిస్తోంది. అందు కోసమే బీజేపీపై ఎలాంటి విమర్శలు చేయడం లేదు. కేంద్ర నిర్ణయాలనూ సమర్ధిస్తోంది. టీడీపీ అధికారంలో ఉన్నప్పుడు.. వైసీపీ వ్యవహరించినట్లుగానే వ్యవహరిస్తున్నారు. ఈ కారణంగానే తమకు కేంమద్రం వైపు నుంచి ఒత్తిడి లేదని.. రాష్ట్ర ప్రభుత్వమే వేధిస్తోందని నమ్ముతున్నారు. ఇప్పుడు జగన్మోహన్ రెడ్డిపై ప్రజా వ్యతిరేకత పెరుగుతోందని నమ్ముతున్న టీడీపీ నేతలు… బీజేపీతో మరింత దగ్గరై వైసీపీపై పోరాటానికి నైతిక మద్దతు పొందాలనుకుంటున్నట్లుగా తెలుస్తోంది. బయటకు వచ్చి కాన్ఫిడెంట్‌గా అమిత్ షా భరోసా గురించి చెప్పారు కానీ.. లోపల ఎంత వరకూ వారికి భరోసా లభించిందో మాత్రం క్లారిటీ లేదు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

5 నెలల్లో రూ. 40వేల కోట్లు గల్లంతయ్యాయట !

ఏపీ బడ్జెట్ నిర్వహణ గురించి ప్రత్యేకంగా సర్టిఫికెట్లు ఇవ్వాల్సిన పని లేదు. బడ్జెట్ వ్యవహారం ఇప్పుడు కూడా నడుస్తోంది. ఈ ఐదు నెలల్లో రూ. నలభైవేల కోట్లకుపైగా లెక్కలు తెలియడం లేదని గగ్గోలు...

‘గాడ్ ఫాద‌ర్‌’ హిట్‌… నాగ్ హ్యాపీ!

ఈ ద‌స‌రాకి మూడు సినిమాలొచ్చాయి. గాడ్‌ఫాద‌ర్‌, ది ఘోస్ట్‌, స్వాతిముత్యం. గాడ్ ఫాద‌ర్‌కి వ‌సూళ్లు బాగున్నాయి. స్వాతి ముత్యంకి రివ్యూలు బాగా వ‌చ్చాయి. ది ఘోస్ట్ కి ఇవి రెండూ లేవు....

వైసీపీ సర్పంచ్‌ల బాధ జగన్‌కూ పట్టడం లేదు !

వారు వైసీపీ తరపున సర్పంచ్‌లుగా ఎన్నికయ్యారు. ప్రత్యర్థి పార్టీనో.. సొంత పార్టీలో ప్రత్యర్థుల్నో దెబ్బకొట్టడానికి పెద్ద ఎత్తున ఖర్చు పెట్టుకున్నారు. గెలిచారు. కానీ ఇప్పుడు వారికి అసలు సినిమా కనిపిస్తోంది. వీధిలైట్...

చిరంజీవి ఫ్యాన్స్ Vs బ్రాహ్మణ సంఘాలు..

చిరంజీవి ఫ్యాన్స్ Vs బ్రాహ్మణ సంఘాలు.. ఇప్పుడు బంతి... వాళ్లిద్ద‌రి చేతికీ చిక్కింది. ఇక ఆడుకోవ‌డ‌మే త‌రువాయి. అవును... అల‌య్ బ‌ల‌య్‌... కార్య‌క్ర‌మంలో చిరంజీవి - గ‌రిక‌పాటి మ‌ధ్య ఏం జ‌రిగిందో తెలిసింది. చిరుని...

HOT NEWS

css.php
[X] Close
[X] Close