జోరుగా వాహనాలు కొనుగోలు: తెలంగాణ ఖజానాకు తూట్లు

హైదరాబాద్: తెలంగాణ ఏర్పడిననాటినుంచి కొట్టొచ్చినట్లు కనబడుతున్న మార్పు ఏదైనా ఉందీ అంటే అది – తళతళలాడుతున్న కొత్త ప్రభుత్వ వాహనాలు. ముఖ్యమంత్రి దగ్గరనుంచి కానిస్టేబుల్ వరకు అందరూ కొత్త వాహనాలు తప్పితే మరోదానికి ససేమిరా అంటున్నారు. ముఖ్యమంత్రి కేసీఆర్ ఇప్పటికి మూడుసార్లు కాన్వాయ్ మార్చి మొన్నీ మధ్యే కోటిన్నర చొప్పున కొన్న ఐదు రేంజ్ రోవర్ వాహనాలకు సెటిల్ అయ్యారు. ఇదికాక ఐదుకోట్లతో కొనుగోలు చేసిన బెంజ్ కంపెనీ లగ్జరీ బస్సు ఉండనే ఉంది. ఆవు చేలో మేస్తుంటే దూడ గట్టున మేస్తుందా అన్న సామెత చందాన, మన ప్రజా ప్రతినిధులు, అధికారులు కూడా వాహనాల కొనుగోలును ఉద్యమస్థాయిలో చేపట్టారు. ఇక పోలీస్ శాఖ గురించి చెప్పేదేముంది. ప్రభుత్వం కొలువు తీరగానే, తెలంగాణ పోలీస్ శాఖకు కొత్త ఇమేజ్, కొత్త రూపురేఖలు తీసుకురావాలంటూ కేసీఆర్ దొరగారు కొత్త వాహనాలకోసం రు.312 కోట్లు మంజూరు చేశారు. వీటితో 694 ఇన్నోవాలు, 260 బొలేరోలు, 426 టాటా సుమోలు, 500 బైకులు కొనుగోలు చేశారు. ఐపీఎస్‌లకు టొయోటో ఫార్చ్యూనర్ వాహనాలను కొన్నారు. ఇక అటవీశాఖకు రు.28.86 కోట్లతో కొత్త వాహనాలను కొనుగోలు చేశారు. జిల్లా పరిషత్ ఛైర్మన్‌లందరికీ ఇన్నోవాలు మంజూరయ్యాయి. జిల్లా పరిషత్‌లోని ఉన్నతాధికారులకుకూడా రు.13 నుంచి రు.16 లక్షల రేంజ్‌లో కొత్త వాహనాలను కొనుగోలుచేశారు.

ఇక పంచాయతీరాజ్, గ్రామీణాభివృద్ధి శాఖలుకూడా వాహనాల కొనుగోలులో పోటీపడుతున్నాయి. పంచాయతీరాజ్ శాఖ కేటీఆర్ కింద ఉన్న సంగతి తెలిసిందే. పంచాయతీ రాజ్ శాఖవారి వాహనాల కొనుగోలు ఎంత దూకుడుగా ఉందంటే, ఇంకా శాంక్షన్ కాని పోస్టులకోసంకూడా ఇప్పుడే వాహనాలు కొనేసేటంత. పంచాయతీరాజ్ శాఖలో మంజూరుకాబోయే పోస్టులకోసమంటూ జీవో నంబర్ 87 ద్వారా వాహనాలు కొనుగోలుకు మార్గం సుగమం చేసినవైనం ఇటీవల బయటకొచ్చింది. మరోవైపు ఆర్థికశాఖలో ఉన్నతాధికారులు రు.30.70 లక్షల చొప్పున కొరోలా ఆల్టిస్, ఇన్నోవా వాహనాల కొనుగోలుకోసం నిధులు విడుదలయ్యాయి. మరిన్న ప్రభుత్వశాఖలనుంచి వాహనాల కొనుగోలుకోసం ఇండెంట్‌లు తయారయ్యాయట. వీటికి పర్చేజ్ ఆర్డర్‌లు ప్రస్తుతం తయారవుతున్నాయని తెలిసింది.

ఎప్పుడూ ఫీల్డ్‌లో తిరుగుతూ ఉండే పోలీస్, ఫారెస్ట్ శాఖలకోసం వాహనాల కొనుగోలు ఫరవాలేదని, మిగిలిన ప్రభుత్వ శాఖలలో ఐదేళ్ళుకూడా నిండని వాహనాలను పక్కనపెట్టి కొత్తవి కొనుగోలు చేస్తున్నారని కొందరు అధికారులు వాపోతున్నారు. జీహెచ్ఎమ్‌సీ, ఫైర్ సర్వీసెస్ వంటి శాఖలలో ఎన్నో ఏళ్ళనాటి పాత వాహనాలను వాడుతుంటే వాటిని మార్చే దిక్కులేదనికూడా వారు ఆరోపిస్తున్నారు. ఏది ఏమైనా కేసీఆర్ తన ప్రభుత్వ అధికారులకు, ప్రజాప్రతినిధులకు ఇలా కొత్తవాహనాలను సంతర్పణ చేసుకుంటూపోతే ధనిక రాష్ట్రంకాస్తా పేదరాష్ట్రం కావటానికి ఎంతో సమయంపట్టదు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

“జై అమరావతి” అంటే బీజేపీలో సస్పెన్షనే..!

అమరావతి రైతుల కోసం పోరాడతామని భారతీయ జనతా పార్టీ ఓ వైపు చెబుతోంది. ఆ రైతులకు మద్దతు చెప్పేందుకు వెళ్లిన నేతలపై మాత్రం సస్పెన్షన్ల వేటు వేస్తోంది. గతంలో అమరావతికి మద్దతుగా ఓ...

మోడీకి జగన్ అభినందనలు..!

నిజమే.. మీరు కరెక్ట్‌గానే చదివారు. ప్రధానమంత్రి నరేంద్రమోడీకి జగన్ అభినందనలు తెలిపారు. మోడీ ఆ అభినందులు రిసీవ్ చేసుకుని .. జగన్ అభినందించినందుకు పొంగిపోయారో లేదో తెలియదు కానీ.. మోడీని జగన్ అభినందించిన...

క్రైమ్ : ఒకరిది ఆత్మహత్య…మరొకరిది హత్య..! ఇద్దరు తండ్రుల కథ..!

వారిద్దరూ ఆడపిల్లల తల్లిదండ్రులు. కని పెంచి.. అల్లారుముద్దుగా పెంచి.. తమకు చేతనయినంతలో మంచోళ్లు అనుకునే వాళ్లకే కట్టబెట్టారు. కానీ వారు అనుకున్నంత మంచోళ్లు కాదు. ఆ విషయం తెలిసి తమ కూతుళ్లు జీవితాలు...

ఐవైఆర్ కూడా అమరావతినే ఉంచమంటున్నారు..!

వారం రోజులు ఆలస్యంగా తన పెన్షన్ వచ్చిందని... మూడు రోజులుగా ఐవైఆర్ కృష్ణారావు.. రాష్ట్ర ఆర్థిక పరిస్థితిపై ఆందోళన చెందుతున్నారు. ఆయన రోజువారీగా... ఏం చేయాలన్నదానిపై ముఖ్యమంత్రి జగన్‌కు సలహాలిస్తూ ట్వీట్లు చేస్తున్నారు....

HOT NEWS

[X] Close
[X] Close