జి.హెచ్.ఎం.సి. ఎన్నికలు..మళ్ళీ అదే పాట

జి.హెచ్.ఎం.సి. ఎన్నికలు నిర్వహణపై హైకోర్టులో నేడు వాదోపవాదాలు జరుగుతున్నాయి. సుమారు ఏడాది పూర్తవుతున్నా ఇంకా జి.హెచ్.ఎం.సి. ఎన్నికలు ఎందుకు నిర్వహించలేదని హైకోర్టు ప్రశ్నించడం, దానికి తెలంగాణా ప్రభుత్వం తరపున వాదిస్తున్న న్యాయవాది ఎప్పటిలాగే వార్డుల పునర్విభజన, ఓటరు కార్డులతో ఆధార్ అనుసంధానం వంటి కారణాలు చెప్పడం జరిగింది. గత ఏడాది డిశంబర్ 3వ తేదీతో జి.హెచ్.ఎం.సి.బోర్డు గడువు ముగిసింది. అప్పటి నుండి ఇప్పటి వరకు కూడా తెలంగాణా ప్రభుత్వం అదే పాట పాడుతూ కోర్టు నుంచి గడువు తీసుకొంటూనే ఉంది. మళ్ళీ ఇవ్వాళ్ళ కూడా అదే పాట పాడి జనవరి నెలాఖరు వరకు గడువు కోరింది. కాకపోతే ఈసారి ఆ గడువులోగా తప్పకుండా జి.హెచ్.ఎం.సి. ఎన్నికలు నిర్వహిస్తామని మాట ఇచ్చింది.

వార్డుల పునర్విభజన పేరిట కాంగ్రెస్, బీజేపీ, తెదేపాలకు బలం ఉన్న వార్డులను కుదించి, తెరాసకు అనుకూలంగా ఉన్న ప్రాంతాలలో వార్డులను విభజించి వాటి సంఖ్య పెంచాలని తెలంగాణా ప్రభుత్వం భావించింది. కానీ వార్డుల పునర్విభజన సాధ్యం కాదనే సాకుతో దానిని నిలిపివేస్తూ తెలంగాణా ప్రభుత్వమే రెండు మూడు నెలల క్రితం ఉత్తర్వులు జారీ చేసింది. అదేవిధంగా ఓటర్ల జాబితా సవరణ పేరిట తెరాసను వ్యతిరేకించే ఆంధ్రా ఓటర్లను ఓటర్ల జాబితా నుంచి తొలగించాలనుకొంది. సుమారు 6.3 లక్షల మంది ఓటర్ల పేర్లను తొలగించింది కూడా. కానీ అందుకు కేంద్ర ఎన్నికల కమీషన్ పంపిన బృందం చేత చివాట్లు తినవలసి వచ్చింది కనుక ఓటర్ల జాబితాలను సవరించే అవకాశం ఇక లేనట్లే. బహుశః అందుకే జనవరి నెలాఖరులోగా జి.హెచ్.ఎం.సి. ఎన్నికలు నిర్వహిస్తామని హామీ ఇస్తోందని భావించవచ్చును. ఇప్పటికే చాల సార్లు గడువు పొడిగించిన హైకోర్టు ఈసారి ఆ హామీని నోటిమాటగా కాకుండా అఫిడవిట్ రూపంలో అందజేయాలని కోరింది. అంటే జనవరిలో జి.హెచ్.ఎం.సి. ఎన్నికలు జరిగే అవకాశం ఉందని భావించవచ్చును.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

న్యాయం కోసం మరో దారి వెదుక్కుంటున్న వివేకా కుమార్తె..!

వైఎస్ వివేకానందరెడ్డి హత్య ఇప్పటికీ మిస్టరీగానే ఉంది. అంతా బహిరంగరహస్యమే కానీ.. ఎవరికీ తెలియనట్లుగా పరిస్థితి మారిపోయింది. ప్రభుత్వాలు ప్రత్యేక దర్యాప్తు బృందాలు వేశాయి.. కోర్టు సీబీఐ విచారణకు ఆదేశించింది..కానీ పరిస్థితిలో మాత్రం...

చినజీయర్‌ ఆలయాల యాత్ర వెనుక బీజేపీ ఉందా..!?

దుండగుల దాడుల్లో ధ్వంసమైన ఆలయాలు అన్నింటినీ చూస్తేందుకుయాత్ర చేస్తానని ప్రకటించిన చినజీయర్ స్వామి... ఆ యాత్రను ఆదివారం నుంచి ప్రారంభిస్తున్నారు. దీంతో ఏపీలో రాజకీయ మరింత వేడెక్కే అవకాశం కనిపిస్తోంది. తెలుగు రాష్ట్రాల్లో...

టీఆర్‌పీ స్కాంలో పీఎంవోనీ తెచ్చిన ఆర్నాబ్..!

రిపబ్లిక్ టీవీ ఓనర్ కం జర్నలిస్ట్ ఆర్నాబ్ గోస్వామి వ్యవహారం ఇప్పుడు.. మీడియా వర్గాల్లో పెను సంచలనంగా మారుతోంది. టీఆర్‌పీలను మార్ఫింగ్ చేసిన స్కాంపై జరుగుతున్న విచారణలో సంచలన విషయాలు వెలుగులోకి వస్తున్నాయి....

ఎన్నికలపై ఓవర్ టైం వర్క్ చేస్తున్న కేటీఆర్..!

తెలంగాణ రాష్ట్ర సమితి వర్కింగ్ ప్రెసిడెంట్ కేటీఆర్‌ ఇప్పుడు అసలైన పరీక్షను ఎదుర్కొంటున్నారు. అందుకే ఆయన పండుగ మూడ్‌లో లేరు. అసలు సంక్రాంతిని పట్టించుకోకుండా... పూర్తిగా పార్టీ పనిపైనే దృష్టి పెట్టారు. మూడు...

HOT NEWS

[X] Close
[X] Close