సునీత, షర్మిలపై సోషల్ మీడియాలో బెదిరింపులకు పాల్పడుతున్న వారిపై తెలంగాణ పోలీసులు కేసులు నమోదు చేశారు. వైఎస్ సునీత రెడ్డి ఇచ్చిన ఫిర్యాదు పై FIR నమోదు చేసిన సైబరాబాద్ సైబర్ క్రైమ్ పోలీసులు.. 509, 506 IPC తో పాటు 67 IT యాక్ట్ వంటి కఠినమైన సెక్షన్లను చేర్చారు. తమని , సోదరి షర్మిల ను చంపుతామని బెదిరిస్తున్నారని… ఆధారాలు సమర్పించారు సునీత. వర్రా రవీందర్ రెడ్డి అనే వ్యక్తి సోషియల్ మీడియా పోస్టింగ్ లు పరిశీలించి కేసు నమోదు చేశారు. శత్రు శేషం ఉండకూడదు, ఇద్దరిని లేపేయ్ అన్నాయ్ .. ఎన్నికలకు పనికొస్తారు అని పోస్టింగ్ లు ఉండటం.. గతంలో జరిగిన చరిత్రను చూస్తే.. సీరియస ఇష్యూగానే పోలీసులు గుర్తించారు. దీంతో వర్రా రవీంద్రారెడ్డిని..నేడో .. రేపో అరెస్టు చేసే అవకాశాలు ఉన్నాయి.
తెలంగాణ ప్రభుత్వాన్ని కూల్చేస్తామన్నట్లుగా విజయసాయిరెడ్డి మాట్లాడిన కొద్ది గంటల్లోనే తెలంగాణ పోలీసులు ఈ కేసు నమోదు చేయడం ఆసక్తికరంగా మారింది., ఇన్ని రోజులు.. ఏపీ రాజకీయాల వైపు తెలంగాణ అధికారపక్షం చూడలేదు. షర్మిలకు రేవంత్ రెడ్డి ఎక్కడా బలమైన మద్దతు ఇస్తున్నట్లుగా కూడా కనిపించలేదు.కానీ ఇప్పుడు వైసీపీ నేతల వ్యవహారంతో… షర్మిలకు తెలంగాణ వైపు నుంచి గట్టి మద్దతు ఇవ్వాలన్న అభిప్రాయానికి వచ్చినట్లుగా కనిపిస్తోంది.
గత ఎన్నికల్లో జగన్ రెడ్డికి.. తెలంగాణ పోలీసుల్ని యథేచ్చగా వాడుకునే అవకాశాన్ని కల్పించారు కేసీఆర్. అందుకే డేటా చోరీ అంటూ పనికి మాలిన కేసుల్ని పెట్టి టీడీపీ యాప్ ను నిర్వహిస్తున్న ఐటీ కంపెనీలపై సోదాలు చేసి… టీడీపీ డేటా మొత్తం పోలీసుల సాయంతోనే చోరీ చేశారు. పైగా అంజనీకుమార్ వంటి ఐపీఎస్ అధికారులు మ్యాప్ లు ప్రదర్శించి ఇలా జరిగిందంటూ.. సొల్లు కథలు చెప్పి తప్పుడు ప్రచారాలు కూడా చేశారు. అదొక్కటే కాదు… చాలా ేసులు నమోదు చేశారు. అప్పట్లో ఏపీ పోలీసులపై నమ్మకం లేదని జగన్ రెడ్డి బహిరంగంగానే చెప్పేవారు. తర్వాత ఆయన చేతిలోకి ఏపీ పోలీసులు వచ్చారు. వారిని ఆయన ఎలా వాడుకున్నారో అందరూ చూశారు. ఇప్పుడు రివర్స్ లో తెలంగాణ పోలీసులు షర్మిల, సునీతకు అండగా నిలిచే అవకాశాలు కనిపిస్తున్నాయి.
