అంబర్ పేట రివ్యూ : కిషన్ రెడ్డికి అడ్వాంటేజ్ ఉందా..?

ఉమ్మడి ఆంధ్రప్రదేశ్ లో.. 2009లో భారతీయ జనతా పార్టీ పరువు నిలిపిన అసెంబ్లీ నియోజకవర్గం అంబర్ పేట. ఆ ఒక్క స్థానం నుంచే కిషన్ రెడ్డి విజయం సాధించారు. ఈ సారి కూడా.. అందరి దృష్టి అదే నియోజకవర్గంపై ఉంది. గత ఎన్నికల్లోనే కిషన్ రెడ్డి.. అంబర్ పేట నుచి తప్పుకుని.. సికింద్రాబాద్ పార్లమెంట్ కు పోటీ చేయాలనుకున్నారు. కానీ దత్తాత్రేయకు హైకమాండ్ సీటు ఇచ్చింది. ఈ సారి కూడా.. జమిలీ ఎన్నికలు వస్తే.. అంబర్ పేటను భార్యకు ఇచ్చి.. తాను సికింద్రబాద్ నుంచి పోటీ చేయాలనుకున్నారు. కానీ ముందస్తు రావడంతో బరిలోకి దిగక తప్పలేదు. గత రెండు ఎన్నికల్లో అంబర్ పేట నుంచి తిరుగులేని మెజారిటీతో విజయం సాధించారు. అంతకుముందు ఆయన హిమాయత్ నగర్ నుంచి కూడా ఒకసారి ఎమ్మెల్యేగా విజయం సాధించారు.

మూడుసార్లు ఈ నియోజకవర్గం నుంచి విజయం సాధించిన కిషన్ రెడ్డి ఈ స్థానాన్ని కంచుకోటగా మార్చుకున్నారు. అందుబాటులో ఉంటారనే పేరు, ప్రజల్లో మంచి గుర్తింపు ఉంది. కానీ ఇదేదీ.. గ్రేటర్ ఎన్నికల్లో బీజేపీని కాపాడలేదు. అన్ని డివిజన్లలోనూ టీఆర్ఎస్ విజయం సాధించింది. ఈ బలంతోనే ఈ సారి.. ప్రత్యేకమైన వ్యూహాన్ని టీఆర్ఎస్ అధినేత రెడీ చేశారు. మాజీ కార్పొరేటర్, అడ్వకేట్ కాలేరు వెంకటేష్ ను కిషన్ రెడ్డి అభ్యర్థిగా ప్రకటించారు. ప్రస్తుతం కాలేరు వెంకటేష్ భార్య కార్పొరేటర్ గా ఉన్నారు. 15 ఏళ్లుగా ఎమ్మెల్యేగా ఉన్న కిషన్ రెడ్డిపై సహజంగానే ఏర్పడే వ్యతిరేకత తమకు కలిసి వస్తుందని టీఆర్ఎస్ భావిస్తోంది. ఇక నియోజకవర్గంలో పెద్దసంఖ్యలో ఉన్న ముస్లిం ఓట్లు కూడా తమకు కలిసివస్తుందని నమ్మకంగా ఉంది. గత ఎన్నికల్లో ఇక్కడి నుంచి ఎంఐఎం అభ్యర్థి బరిలో దిగగా 17 వేల ఓట్లు సాధించి మూడో స్థానంలో నిలిచారు. ఈ ఎన్నికల్లో ఆ పార్టీ టీఆర్ఎస్ కే మద్దతు ఇస్తోంది.

కిషన్ రెడ్డి లాంటి బలమైన నాయకుడు ఉన్న నియోజకవర్గంలో కాంగ్రెస్ పార్టీ అభ్యర్థిని ఎంపిక చేయడంలో.. నిర్లక్ష్యం చేసింది. టీజేఎస్ కు కేటాయింస్తారని ప్రచారం జరిగింది . అయినా చివరి నిమిషంలో తీవ్ర హైడ్రామా మధ్య కాంగ్రెస్ కూడా అంబర్ పేటలో పోటీకి దిగింది. కానీ కాంగ్రెస్ కానీ.. టీజేఎస్ అయినా పోటీ ఇచ్చే పరిస్థితి లేదు . అంబర్ పేటలో పోటీ.. బీజేపీ, టీఆర్ఎస్ మధ్యే ఉండనుందని చెప్పుకోవచ్చు. కాలేరు వెంకటేష్ ను టీఆర్ఎస్ అభ్యర్థిగా ప్రకటించిన తర్వాత.. జి.కిషన్‌రెడ్డికి సొంత పార్టీ కార్యకర్తలే షాక్‌ ఇచ్చారు. నామినేషన్‌ దాఖలు చేసిన తర్వాత గోల్నాక, అంబర్‌పేట, నల్లకుంట డివిజన్లకు చెందిన నేతలు బీజేపీకి రాజీనామా చేశారు. అంబర్‌పేట డివిజన్‌కు చెందిన బీజేపీ రాష్ట్ర కార్యవర్గ సభ్యుడు జి.ఆనంద్‌గౌడ్‌ పార్టీకి రాజీనామా చేసి కిషన్‌రెడ్డిపై తీవ్ర విమర్శలు గుప్పించారు. నల్లకుంట డివిజన్‌ రత్నానగర్‌కు చెందిన బీజేపీ సీనియర్‌నాయకుడు ప్రశాంత్‌ ముదిరాజ్‌, పార్టీకి రాజీనామా చేశారు. ఆనంద్‌గౌడ్‌ ను బుజ్జగించడానికి కేంద్ర మాజీ మంత్రి బండారు దత్తాత్రేయ సైతం రంగంలోకి దిగినప్పటికీ ఫలితం లేకపోయింది. ఈ అసంతృప్తులు, ఆయనపై వ్యతిరేకత .. పుట్టిముంచితే.. ఆశ్చర్యం లేదన్న అంశం.. అంబర్ పేటలో చక్కర్లు కొడుతోంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

రమేష్ హాస్పిటల్ తరఫున హీరో రామ్ వకాల్తా, సోనూసూద్ ని చూసి నేర్చుకోమంటున్న నెటిజన్లు

హీరో రామ్ పోతినేని, "ఇది స్వాతంత్ర దినోత్సవమా లేక స్వర్ణా ప్యాలెస్ సంఘటనకు సంబంధించిన దినమా" అంటూ ప్రశ్నించడమే కాకుండా ఈ ఘటన విషయంలో ముఖ్యమంత్రి జగన్ ని అప్రతిష్టపాలు చేసే కుట్ర...

రాజ్యాంగం, చట్ట ప్రకారం నడుచుకుంటేనే అభివృద్ధి : జగన్

రాజ్యాంగం, చట్ట ప్రకారం నడుచుకుంటేనే అభివృద్ధి సాధ్యమవుతుందని ముఖ్యమంత్రి జగన్మోహన్ రెడ్డి స్వాతంత్య్ర దినోత్సవ సందేశం ఇచ్చారు. విజయవాడలోని ఇందిరాగాంధీ మున్సిపల్ స్టేడియంలో ఆయన జాతీయ పతాకాన్ని ఆవిష్కరించి... ప్రసంగించారు. ఈ సందర్భంగా...
video

మ‌రో అవార్డు ఖాయ‌మా కీర్తి.??

https://youtu.be/rjBv3K5FMoU మ‌హాన‌టితో జాతీయ ఉత్త‌మ న‌టిగా అవార్డు అందుకుంది కీర్తి సురేష్. ఆ అవార్డుకి కీర్తి అర్హురాలు కూడా. అప్ప‌టి నుంచీ.. ప్రాధాన్య‌త ఉన్న పాత్ర‌ల‌నే ఎంచుకుంటోంది. అందులో భాగంగా కీర్తి న‌టించిన మ‌రో...

కోలుకుంటున్న బాలు

ప్ర‌ముఖ గాయ‌కుడు ఎస్‌.పి. బాల‌సుబ్ర‌హ్మ‌ణ్యం ఆరోగ్యం క్షీణించింద‌న్న వార్త‌లు రావ‌డంతో.. యావ‌త్ చిత్ర‌సీమ ఉలిక్కిప‌డింది. ఆయ‌న ఆరోగ్యం బాగుండాల‌ని, క్షేమంగా తిరిగిరావాల‌ని అభిమానులంతా ప్రార్థించారు. ఆ ప్రార్థ‌న‌లు ఫ‌లిస్తున్నాయి. బాలు ఆరోగ్యం క్ర‌మంగా...

HOT NEWS

[X] Close
[X] Close