క‌మ‌ల్‌హాస‌న్ `విక్రమ్` విడుద‌ల‌కు సిద్ధ‌మైంది. ఈ సినిమాని తెలుగులో శ్రేష్ట్ మూవీస్ సంస్థ విడుద‌ల చేస్తోంది. క‌మ‌ల్ హాసన్, ఫ‌హ‌ద్ ఫాజిల్‌, విజ‌య్‌సేతుప‌తి.. ఇలా హేమా హేమీలు క‌లిసి న‌టించిన సినిమా ఇది. `ఖైది`లాంటి సూప‌ర్ హిట్ తీసిన. లోకేష్ క‌న‌గరాజ్ ద‌ర్శ‌క‌త్వం వ‌హించాడు. కాబ‌ట్టి.. అంచ‌నాలు భారీగాఉన్నాయి. తెలుగు ప్రేక్ష‌కులు సైతం.. ఈ సినిమాపై ఓ లుక్ వేసే అవ‌కాశం ఉంది. జూన్ 3న.. తెలుగులో పెద్ద‌గా సినిమాలేం రావ‌డం లేదు. కాబ‌ట్టి.. విక్రమ్ కి టికెట్లు తెగే ఛాన్స్ ఉంది. ట్రైల‌ర్ కూడా బాగుండంతో… ఆస‌క్తి ఇంకాస్త పెరిగింది.
ఈ సినిమాని శ్రేష్ట్ మూవీస్ రూ.6 కోట్ల‌కు కొనుగోలు చేసింది. క‌మ‌ల్ హాసన్ సినిమాకి రూ.6 కోట్లంటే చీప్ గా కొట్టేసిన‌ట్టే. అయితే నితిన్ ప్ర‌మోష‌న్ల‌పై దృష్టి పెడుతున్నాడు. ప్ర‌మోష‌న్ల‌కు మ‌రో రూ.4 కోట్లు ఖ‌ర్చ‌యినా ఫ‌ర్వాలేద‌న్న‌ది త‌న ఉద్దేశం. సినిమాకి ఏ మాత్రం పాజిటీవ్ టాక్ వ‌చ్చినా.. భారీ లాభాల్ని మూట‌గ‌ట్టుకోవ‌డం ఖాయం. యావ‌రేజ్‌గా న‌డిచినా.. త‌న పెట్టుబ‌డికి ఢోకా లేన‌ట్టే. ఇటీవ‌ల విడుద‌లైన వ‌రుణ్ డాక్టర్, డాన్ లాంటి సినిమాలు ఎలాంటి ప‌బ్లిసిటీ లేకపోయినా, మౌత్ టాక్ తో మంచి వ‌సూళ్లు ద‌క్కించుకొన్నాయి. వ‌రుణ్ డాక్టర్ అయితే.. నిర్మాత‌ల‌కు రెండు రెట్లు లాభాల్ని తెచ్చిపెట్టింది. విక్రమ్ ఎలాంటి ఫ‌లితాన్ని ఇస్తుందో చూడాలి.
