టిజి వెంకటేష్ కోసం మళ్ళీ రాష్ట్ర విభజన చేయాలా?

రాష్ట్ర విభజన వలన తెలంగాణా రాష్ట్రం లాభపడగా ఆంద్రప్రదేశ్ మాత్రం చాలా నష్టపోయింది. ఆర్ధికంగా చాలా దెబ్బ తినడమే కాకుండా రాష్ట్రాన్ని మళ్ళీ మొదటి నుండి పునర్నిర్మించుకోవలసిన పరస్థితి ఏర్పడింది. కానీ ఇదంతా కళ్ళారా చూసిన తరువాత కూడా మళ్ళీ రాష్ట్ర విభజన చేసి రాయలసీమను ప్రత్యేక రాష్ట్రంగా ఏర్పాటు చేసేందుకు పోరాటాలు చేస్తామని ఎవరయినా చెపితే ఏమనుకోవాలి? ఆ మాట అధికార పార్టీకి చెందిన వ్యక్తే చెపుతుంటే ఇంకెలా ఉంటుంది?

రాయలసీమ, ఉత్తరాంధ్రా హక్కుల వేదిక అధ్యక్షుడు మరియు తెదేపా సీనియర్ నేత టి.జి. వెంకటేష్ ఈ హెచ్చరిక చేస్తున్నారు. రాయలసీమకు ప్రత్యేక హక్కులు, ప్యాకేజీ కల్పిస్తేనే ఆంద్రప్రదేశ్ రాష్ట్రంతో కలిసి ఉంటామని లేకుంటే విడిపోతామని చెపుతున్నారు. ఇంతకు ముందు హైదరాబాద్ నుండి రాయలసీమ ప్రజలను తరిమివేశారని మున్ముందు అమరావతి నుండి కూడా తరిమివేసే ప్రమాదం ఉందని అన్నారు. కనుక అమరావతిని ‘ఫ్రీ జోన్’ గా ప్రకటించాలని ఆయన డిమాండ్ చేసారు. హైదరాబాద్ విషయంలో చేసిన తప్పునే మళ్ళీ అమరావతిలో పునరావృతం చేయవద్దని ఆయన హెచ్చరించారు.

అధికార పార్టీలో ఉన్న టి.జి. వెంకటేష్ రాయలసీమలో కేంద్ర, రాష్ట్ర ప్రభుత్వాలు చేపడుతున్న అనేక ప్రాజెక్టులు, అభివృద్ధి కార్యక్రమాల గురించి ప్రజలకు వివరించి, ఇంకా తమ జిల్లాలకు ఏమి అవసరం ఉన్నాయో అవన్నీ సాధించుకొనే ప్రయత్నం చేయకుండా ప్రభుత్వాన్ని ఈవిధంగా ఎందుకు బ్లాక్ మెయిల్ చేస్తున్నారంటే ఆయనని తెదేపా అధిష్టానం బొత్తిగా పట్టించుకోకపోవడం వలననేనని చెప్పవచ్చును. ఆయనకు మంత్రి పదవి ఇచ్చి ఉండి ఉంటే బహుశః రాయలసీమ వెనుకబాటు తనం గురించి మాట్లాడటం మాని, కేంద్ర, రాష్ట్ర ప్రభుత్వాలు చేపడుతున్న సీమలో చేపడుతున్న అభివృద్ధి కార్యక్రమాల గురించి ప్రచారం చేసి ఉండేవారు. రాయలసీమ అభివృద్ధి గురించి ఇప్పుడు చాలా బాధపడిపోతున్న టి.జి. వెంకటేష్ ఇంతకు ముందు కాంగ్రెస్ ప్రభుత్వంలో మంత్రిగా ఉన్నప్పుడు రాష్ట్ర విభజన గురించి మాట్లాడలేదు. రాయలసీమ వెనుకబాటు తనం గురించి కూడా మాట్లాడలేదు. మంత్రిగా ఉన్నప్పుడు తన సీమ జిల్లాలను అభివృద్ధి చేసుకోలేదు. తనకి మంత్రి పదవి దక్కితే రాయలసీమలో సమస్యలు తీరిపోయినట్లే భావిస్తారేమో? అధికారం కోసం ఆశపడి రాష్ట్రాన్ని ముక్కలు చేయాలనుకొంటున్న స్వార్ధ రాజకీయపరుల మాటలను ప్రజలు నమ్మినట్లయితే అప్పుడు దేశంలో ఒక్కో జిల్లాని, గల్లీని ఒక్కో రాష్ట్రంగా ఏర్పాటు చేసుకోవలసి వస్తుంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

బీఆర్ఎస్ కు బిగ్ షాక్ – కాంగ్రెస్ లోకి కేకే , కడియం..!!

లోక్ సభ ఎన్నికలు సమీపిస్తున్న వేళ బీఆర్ఎస్ కు వరుస షాకులు తగులుతున్నాయి. ఇప్పటికే పలువురు నేతలు కాంగ్రెస్ లో చేరగా.. తాజాగా కేసీఆర్ సన్నిహిత నేతలు కూడా హస్తం గూటికి చేరేందుకు...

‘లెజెండ్’ ఎఫెక్ట్.. జయం మనదే

బాలకృష్ణ లెజెండ్ సినిమా ఈనెల 30న రీ రిలీజ్ చేస్తున్నారు. ఈ సినిమా పదేళ్ళు పూర్తి చేసుకున్న నేపధ్యంలో రీరిలీజ్ కి పూనుకున్నారు. ఈ సినిమా 2014 ఎన్నికల ముందు వచ్చింది. ఆ...

కేకేను తిట్టి పంపించిన కేసీఆర్

రాజ్యసభ ఎంపీ కేకే, ఆయన కుమార్తె హైదరాబాద్ మేయర్ విజయలక్ష్మి శనివారం కాంగ్రెస్ పార్టీలో చేరాలని నిర్ణయించుకున్నారు. తనను పార్టీలో చేర్చుకుని రెండు సార్లు రాజ్యసభ సీటు ఇచ్చిన కేసీఆర్ కు ఓ...

అవినాష్ రెడ్డికి ఎన్నికల ముందే బెయిల్ రద్దు గండం ?

అవినాష్ రెడ్డి బెయిల్ రద్దు చేయాలని అప్రూవర్ గా మారిన దస్తగిరికి పిటిషన్ వేసే హక్కు ఉందని హైకోర్టు స్పష్టం చేసింది. దీంతో ఆయన వేసిన పిటిషన్‌పై విచారణ జరగనుంది. ఏప్రిల్...

HOT NEWS

css.php
[X] Close
[X] Close