టాలీవుడ్ లో టైటిళ్ల‌కు కొర‌త వ‌చ్చిందా? ప‌రిస్థితి చూస్తుంటే అదే అనిపిస్తోంది. త‌మ సినిమాల‌కు ఎలాంటి టైటిల్ పెట్టాలో అర్థం కాక, ఒక‌టే టైటిల్ తో మూడు సినిమాలు తీసేస్తున్నారు. టాలీవుడ్ లో ఇదో విచిత్ర‌మైన ప‌రిస్థితి.
`కల్ట్` అనే మాట… `బేబీ` సినిమాతో పాపుల‌ర్ అయ్యింది. ఆ సినిమా నిర్మాత‌లు త‌మ త‌దుప‌రి చిత్రానికి `కల్ట్` అనే టైటిల్ పెడుతున్న‌ట్టు ప్ర‌క‌టించారు. అయితే.. అప్ప‌టికే విశ్వ‌క్‌సేన్ `కల్ట్` అనే సినిమా ప్ర‌క‌టించేశాడు. తాజుద్దీన్ ద‌ర్శ‌కుడిగా ప‌రిచ‌యం అవుతున్నారు. విశ్వ‌క్‌సేన్ ముందుగానే ఈ టైటిల్ రిజిస్ట‌ర్ చేయించేయ‌డంతో.. ఇప్పుడు ఆ టైటిల్ పై ఆయ‌న‌కే హ‌క్కు ఉంద‌నుకోవాలి.
అయితే… ఇప్పుడు `కల్ట్ ల‌వ్ స్టోరీ` అనే పేరుతో మరో సినిమా రూపుదిద్దుకొంటోంద‌ని స‌మాచారం. నీల్ ద‌ర్శ‌కుడు. స‌త్య‌నారాయ‌ణ మ‌ల్లిడి నిర్మాత. బ‌న్నీ, ఢీ లాంటి సూప‌ర్ హిట్స్ త‌ర‌వాత స‌త్య‌నారాయ‌ణ మ‌ల్లిడి తీస్తున్న సినిమా ఇది. ఈ టైటిల్ కూడా ఛాంబ‌ర్‌లో రిజిస్ట‌ర్ అయిపోయింది. ఇప్ప‌టికైతే మూడు టైటిళ్ల‌పై మూడు సినిమాలూ సెట్స్‌పై ఉన్నాయి. కానీ.. ఇవి మూడూ ఒకేసారి విడుద‌లైతే ప‌రిస్థితి ఏమిటో అర్థం కావ‌డం లేదు. టైటిల్ విష‌యంలో ఛాంబ‌ర్‌లో పంచాయితీ న‌డ‌వ‌డం గ్యారెంటీ అనిపిస్తోంది. ఏం జ‌రుగుతోందో చూద్దాం.
