ఒక్క చంద్రబాబుని చూసే తెరాస నేతలు ఉలికి పడుతున్నారెందుకో?

వైకాపా అధ్యక్షుడు జగన్మోహన్ రెడ్డి హైదరాబాద్ లోనే ఉంటునప్పటికీ ఎన్నడూ తెలంగాణాలో అడుగుపెట్టలేదు కానీ వరంగల్ ఉపఎన్నికలలో మూడు రోజుల పాటు స్వయంగా ప్రచారం చేసారు. ఆయన కంటే ముందుగా, చిత్తూరు జిల్లా నగరి వైకాపా ఎమ్మెల్యే రోజా కూడా వచ్చి ప్రచారం చేసారు. వారు తెలంగాణా ప్రభుత్వంపై కూడా కొన్ని విమర్శలు చేసారు. కానీ తెరాస నేతలెవరికీ అది తప్పుగా అనిపించ లేదు. ఎవరూ అభ్యంతరాలు వ్యక్తం చేయలేదు. అలాగే డిల్లీ నుంచి దిగ్విజయ్ సింగ్, గులాం నబీ ఆజాద్, బీజేపీ తరపున పురందేశ్వరి, కేంద్రమంత్రులు రాదా మోహన్ సింగ్, వెంకయ్య నాయుడు తదితరులు హైదరాబాద్ వచ్చి గ్రేటర్ ఎన్నికలలో ప్రచారం చేసినా తెరాస నేతలెవరికీ అభ్యంతరం ఉండదు. కానీ తెలంగాణాలో కూడా తెదేపా ఉన్నపుడు ఆ పార్టీ జాతీయ అధ్యక్షుడు చంద్రబాబు నాయుడు వచ్చి ప్రచారం చేస్తే మాత్రం వారికి తప్పుగా కనిపిస్తోంది. అభ్యంతరాలు వ్యక్తం చేస్తుంటారు.

“ఆంధ్రా ముఖ్యమంత్రికి ఇక్కడ ఏమి పని?’ కేసీఆర్ అంటే, “అమరావతికి నిధులు తెచ్చుకోలేని వ్యక్తి హైదరాబాద్ అభివృద్ధికి ఏవిధంగా తెస్తారని” మంత్రి కె.టి.ఆర్. ప్రశ్నిస్తారు. మాజీ తెదేపా సభ్యుడు, మంత్రి తుమ్మల నాగేశ్వర రావు మరో అడుగు ముందుకు వేసి ‘ఒక ఊరికి రాజు మరొక ఊరికి తలారి’ అని సామెతలు కోట్ చేస్తున్నారు.

ఎన్నికల ప్రచార సమయంలో రాజకీయ నాయకులు ఒకరినొకరు విమర్శించుకోవడం చాలా సహజమే. కానీ చంద్రబాబు నాయుడు వచ్చి ప్రచారం చేసినప్పుడే తెరాస నేతలు అందరూ ఉలిక్కిపడుతూ ఆయనపై మూకుమ్మడిగా దాడి చేయడం ఆశ్చర్యం కలిగిస్తుంది. ఆయనపై వారు చాలా గొప్పగా దాడి చేస్తున్నట్లు పైకి కనిపిస్తున్నప్పటికీ, తద్వారా ఆయనను తెలంగాణా గడ్డపై చూసి వారందరూ తీవ్ర అభద్రతా భావానికి గురవుతున్నారనే భావం ప్రజలకు కల్పిస్తున్నారు. వారిలో అటువంటి అభద్రతా భావమే లేకుంటే మిగిలిన పార్టీల నేతలలాగే ఆయనను పట్టించుకోకుండా ఉండేవారు కదా?

తెలంగాణాలో తెరాసకు మరొక పార్టీ నుంచి పోటీయే ఉండకుండా ‘రాజరిక పరిపాలన’ చేయాలని తహతహలాడుతున్నప్పుడు దానికి తెదేపా సవాలు విసురుతుంటే జీర్ణించుకోవడం కష్టమే. అదే కారణం చేత ఇంత కాలం రెండు రాష్ట్ర ప్రభుత్వాల మధ్య ఘర్షణలు జరిగేవి. కానీ చంద్రబాబు నాయుడు విజయవాడకి తరలిపోయిన తరువాత తెలంగాణా ముఖ్యమంత్రి కేసీఆర్, తెరాస నేతల వైఖరిలో చాలా మార్పు రావడం అందరికీ తెలుసు. చంద్రబాబు నాయుడు కేవలం ఆంధ్రాకే పరిమితమయి ఉంటే వారికి ఆయనతో ఎటువంటి సమస్యలు ఉండవు…కనబడవు. కానీ తెలంగాణాలో అడుగుపెడితే అందరికీ అభ్యంతరమే.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

చైనా ప్రొడక్ట్స్ బ్యాన్ చేద్దాం అన్న నాగబాబు, కౌంటర్ ఇచ్చిన నెటిజన్లు

భారత్ చైనాల మధ్య ఉద్రిక్తతలు 1960వ దశకం నుండి ఉన్నాయి. అప్పుడప్పుడు హిందీ చీనీ భాయి భాయి అంటూ సత్సంబంధాలు నెరపడం, మళ్ళీ అప్పుడప్పుడు చైనా కయ్యానికి కాలు దువ్వడం దశాబ్దాలుగా జరుగుతోంది....

పరిహారం, పర్యావరణానికి ఎల్జీ పాలిమర్స్ కట్టిన రూ.50 కోట్లు ..!

ఎల్జీ పాలిమర్స్ సంస్థ కలెక్టర్ వద్ద డిపాజిట్ చేసిన యాభై కోట్ల రూపాయలను..పర్యావరణ పునరుద్ధరణ.. బాధితులకు పరిహారం కోసం వినియోగించాలని నేషనల్ గ్రీన్ ట్రిబ్యూనల్ స్పష్టమైన తీర్పును వెల్లడించింది. కేంద్ర పర్యావరణ...

మరో మూడు నెలలు సీఎస్‌గా సహాని..!

ఆంధ్రప్రదేశ్ ప్రభుత్వ ప్రధాన కార్యదర్శి నీలం సహానికి మరో మూడు నెలల పొడిగింపు లభించింది. మామూలుగా ఆమెకు జూన్ 30వ తేదీతో రిటైర్ కావాల్సి ఉంది. అయితే.. ప్రభుత్వం కేంద్ర ప్రభుత్వానికి...

ప్రజల కోసం ప్రభుత్వాన్ని నిలదీస్తానంటున్న ఆనం..!

ప్రజల కోసం ప్రభుత్వాన్ని... అధికారులను నిలదీయడానికి సిద్దమని ప్రకటించారు వైసీపీ ఎమ్మెల్యే ఆనం రామ నారాయణరెడ్డి. అధికారులను సరే కానీ..ప్రభుత్వాన్ని నిలదీస్తామనే మాటే నెల్లూరు రాజకీయాల్లో హాట్ టాపిక్ అవుతోంది. అంతటితో వదిలి...

HOT NEWS

[X] Close
[X] Close