మీడియా వాచ్ : టీవీ9 రజనీకాంత్ వైసీపీ తరపున మీడియేటరా..?

మీరు మీరు కొట్టుకుని టీడీపీకి అవకాశం ఇవ్వవొద్దు..!. మీరు రాసిన లేఖ చాలు.. మిమ్మల్ని పార్టీ నుంచి బహిష్కరించడానికి..! ….ఇలాంటి మాటలు సాధారణంగా ఎవరు అంటారు. పార్టీ నేతలు అంటారు. ధిక్కరిస్తున్న పార్టీ నేతను బుగ్గరించడానికో.. హెచ్చరించడానికో చేస్తారు. కానీ.. ఈ వ్యాఖ్యలను.. అంతకు మించి వైసీపీ తరపున మీడియేటర్ తరహాలో వ్యాఖ్యలను టీవీ9 ప్రైమ్ టైమ్ యాంకర్ రజనీకాంత్ చేస్తున్నారు. వైసీపీలో రచ్చ చేస్తున్న నర్సాపురం ఎంపీ రఘురామకృష్ణంరాజును పదే పదే డిబేట్లకు పిలిచి.. ఆయనను ఎదో విధంగా కాంప్రమైజ్ చేయాలని తాపత్రయ పడుతున్నారు. ఈ క్రమంలో మీరు మీరు గొడవపడి టీడీపీ చాన్సివొద్దని ఓ సారి వ్యాఖ్యానించి అందర్నీ అవాక్కయ్యేలా చేశారు. నిన్నటికి నిన్న… పార్టీ నుంచి బహిష్కరించడానికి లేఖ చాలని.. నేరుగా రఘురామకృష్ణంరాజనే హెచ్చరించారు. దాంతో ఎంపీకి మండిపోయింది. తన పార్టీకి అధ్యక్షుడు జగన్మోహన్ రెడ్డినా.. రజనీకాంతా అని సూటిగా అడిగేశారు. తనకు అనిపించింది చెప్పానంటూ.. రజనీకాంత్ నీళ్లు నమలాల్సి వచ్చింది.

రవిప్రకాష్‌ను టీవీ9 నుంచి గెంటేసిన తర్వాత ఆ చానల్ బాధ్యతలను కొత్త యాజమాన్యం రజనీకాంత్‌కే ఇచ్చింది. ఆయన రవిప్రకాష్‌కు బాగా దగ్గరి వ్యక్తి అని తెలిసినా… టీవీ9 కొత్త యాజమాన్యం తనపై నమ్మకం పెట్టుకునేలా చేయడంలో రజనీకాంత్ సక్సెస్ అయ్యారు. ఓ దశలో.. రజనీకాంత్ డిబేట్లు .. ఔట్ డేటెడ్ అయ్యాయని.. కొంత కాలం పాటు పక్కన పెట్టేశారు. తర్వాత ఎలాగోలా మల్లీ స్క్రీన్‌పై స్పేస్ దక్కించుకున్నారు. అయితే.. తర్వాత టీవీ9 వాటాల అమ్మకాలతో రజనీకాంత్ దశ తిరిగింది. రవిప్రకాష్‌ను గెంటేయడంతో ఆయన కొత్త యాజమాన్యం విశ్వాసం పొందారు. ఇప్పుడు.. చక్రం తిప్పుతున్నారు. కొత్త యాజమాన్యం మనసులో ఏముందో ఇట్టే కనిపెట్టి.. దానికి తగ్గట్లుగా వార్తలను.. డిబేట్లను.. మల్చడంలో తన నైపుణ్యాన్ని ప్రదర్శిస్తున్నారు.

టీవీ9 కొత్త యాజమాన్యం అధికార పార్టీలకు కావాల్సిన వాళ్లు. అందుకే.. ఎక్కడా అధికార పార్టీలకు ఇబ్బంది కలిగించే వార్తలు రావు. ఇంకా కావాలంటే.. వారికి ఇబ్బంది కలిగిస్తే.. తానే ముందుండి పరిష్కరిస్తానంటూ.. డిబేట్ల ద్వారా తయారయ్యారు రజనీకాంత్. ఎలా ఉండేవారు.. ఎలా అయిపోయారని… ఆయన డిబేట్లు చూస్తున్నవారు ఆశ్చర్యపోవాల్సి వస్తోంది. జర్నలిస్టులకు సొంత వ్యక్తిత్వాలు ఉండవని.. యాజమాన్యం అవసరాలకు తగ్గట్లుగా మారాల్సిందేనని.. రజనీకాంత్ లాంటి వారిని చూస్తే అర్థమైపోతుందని అనుకుంటున్నారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

మీడియా వాచ్ : ఓనర్లు కాదు.. వాళ్లే టీవీ5ని అమ్మేశారు..!

ప్రముఖ మీడియా సంస్థ టీవీ5 అమ్మేశారని కొత్త యాజమాన్యం చేతుల్లోకి వెళ్లిపోయిందని ఒక్క సారిగా ఓ పార్టీ వాళ్లు ప్రచారం ప్రారంభించేశారు. దీంతో తెలుగు మీడియాలో అందరూ ఉలిక్కిపడ్డారు. నిజమా అని చెక్...

సాగర్‌కు ఓకే కానీ సీమకు కృష్ణా నీళ్లు పంపొద్దంటున్న తెలంగాణ..!

శ్రీశైలం ప్రాజెక్ట్ నిండుతున్నా .. రాయలసీమకు నీరు విడుదల చేయడానికి ఇబ్బంది పడే పరిస్థితి తలెత్తింది. ప్రాజెక్టులన్నీ కృష్ణాబోర్డు పరిధిలోకి వెళ్లడంతో ఇప్పుడు వారి దగ్గర నుంచి అనుమతి తీసుకోవాల్సిన పరిస్థితి ఏర్పడింది....

టీ బీజేపీ నుంచి పోయేవాళ్లను ఎవరూ ఆపడం లేదేంటి..!?

తెలంగాణ బీజేపీకి వలసల ఫీవర్ పట్టుకుంది. దుబ్బాక, గ్రేటర్ ఎన్నికల తర్వాత టీఆర్ఎస్‌కు ప్రత్యామ్నాయం అంటూ అంచనాలు రావడంతో కాంగ్రెస్ నుంచి పెద్ద ఎత్తున నేతలు బీజేపీ బాట పట్టారు....

మండలి రద్దు తీర్మానాన్ని ఇంకా పరిశీలిస్తున్నారట..!

శాసనమండలిని రద్దు చేయాలంటూ ఏపీ ప్రభుత్వం అసెంబ్లీలో చేసిన తీర్మానం పరిశీలనలో ఉందని.. కేంద్ర మంత్రి రిజుజు రాజ్యసభలో తెలిపారు. టీడీపీ రాజ్యసభ సభ్యుడు కనకమేడల రవీంద్రకుమార్ అడిగిన ప్రశ్నకు.. లిఖితపూర్వక సమాధానం...

HOT NEWS

[X] Close
[X] Close