ఏపీహోదాపై మరో ట్విస్ట్

ఏపీకి ప్రత్యేక హోదాపై తలెత్తుతున్న అనుమానాలకు కేంద్రమంత్రి నిర్మలా సీతారామన్ తెరదించే ప్రయత్నం చేశారు. పార్లమెంట్ లో ప్రణాళికా శాఖమంత్రి ఇందర్ జిత్ సింగ్ చేసిన ప్రకటన బీహార్ కు సంబంధించినదేతప్ప, అది ఆంధ్రప్రదేశ్ కు సంబంధించినది కాదని మీడియా ఎదుట ఇవ్వాళ నిర్మలా సీతారామన్ స్పష్టంచేశారు. బీహార్ ను ఆంధ్రప్రదేశ్ తో కలిపిచూడలేమన్నారు. విభజన సమయంలో కేంద్రం ఇచ్చిన మాటకు తాము కట్టుబడి ఉంటామనీ, దీనిపై ఎలాంటి సందేహాలుపెట్టుకోవాల్సిన అవసరం లేదని ఆమె వివరణఇచ్చారు. మీడియా లేనిపోని రాద్ధాంతాలు చేయకుండా ఉండేందుకే వివరణ ఇచ్చినట్టు ఆమె ఆఫ్ ద రికార్డ్ గా చెప్పారు.

కొద్దిరోజుల కిందట, పార్లమెంట్ లో అడిగిన ఒక ప్రశ్నకు కేంద్రమంత్రి ఇంద్రజిత్ సమాధానం చెబుతూ, బీహారుకు కూడా ప్రత్యేకప్యాకీజీ ఇవ్వడం జరిగిందేతప్పించీ, ప్రత్యేకహోదా ఇవ్వలేదని చెప్పడంతో అనేక అనుమానాలు తలెత్తాయి. ఏపీకి ప్రత్యేక హోదా హుళక్కే అన్న సంకేతాలు పాతుకుపోయాయి.

కాగా, తెలుగుదేశం ఎంపీ మురళీమోహన్ మీడియాతో మాట్లాడుతూ, ప్రత్యేకహోదా వచ్చేవరకు పోరాటం ఆపమనీ, ప్రత్యేకహోదాకంటే తమకు ఎంపీ పదవి ముఖ్యంకాదనీ, అవసరమనుకుంటే పదవికి రాజీనామాచేసి పోరాడతామని చెప్పారు.

అంతకు ముందు ముఖ్యమంత్రి చంద్రబాబు ఇదేవిషయంపై మాట్లాడుతూ, 14వ ఆర్థికసంఘం నివేదిక ఆధారంగానే పార్లమెంట్ లో కేంద్రం ప్రకటన చేసిందని, ప్రత్యేక హోదా విషయంలో ఏపీది ప్రత్యేక పరిస్థితని గుర్తుచేశారు. అసమగ్ర విభజనచేసి రాష్ట్రాన్ని నష్టాల్లోకి నెట్టారనీ, అన్ి రాష్ట్రాలతో పోటీపడేస్థాయికి వచ్చేవరకు కేంద్రం సహకరించాల్సిందేనని ఇందుకోసం తుదివరకు పోరాడతామని బాబు తేల్చిచెప్పారు. మరోపక్క ఏపీకి ప్రత్యేక హోదా కోసం దాదాపు అన్ని పార్టీల్లో కదలికవచ్చింది. ఇది తెలుగువారి ఆత్మగౌరవానికి సంబంధించిన అంశంగా వివిధపార్టీల నాయకులు చెబుతున్నారు. అయితే, ఈ అనుమానాలను స్వయంగా ప్రధానమంత్రే పార్లమెంట్ లో నివృత్తిచేయాలని పలువురు కోరుకుంటున్నారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

పోలీసులు కొట్టారని RRR ఫిర్యాదు, పోలీసుల పై హైకోర్టు ఆగ్రహం

రాష్ట్రాన్ని కరోనా వైరస్ అతలాకుతలం చేస్తుంటే, అదే సమయంలో వైఎస్ఆర్సీపీ ఎంపీ రఘురామకృష్ణంరాజు ని జగన్ రెడ్డి సర్కార్ అరెస్టు చేయడం రాష్ట్రంలో తీవ్ర దుమారం రేపుతోంది. విపక్షాలు మొదలుకొని సామాజిక వర్గ...

ఆహా కోసం రెండు క‌థ‌లు సిద్ధం చేసిన మారుతి

మెగా కుటుంబంతో మారుతికి విడ‌దీయ‌రాని అనుబంధం ఉంది. అల్లు శిరీష్ తో త‌ప్ప‌.. మెగా హీరోలెవ‌రితోనూ సినిమాలు చేయ‌క‌పోయినా మంచి రాపో ఏర్ప‌డింది. అల్లు అర్జున్ కి మారుతి చాలా క్లోజ్‌. అల్లు...

టెన్త్ పరీక్షలు నిర్వహిస్తాం : ఏపీ సర్కార్

పదో తరగతి పరీక్షలు రద్దు చేయాలంటూ ముఖ్యమంత్రి జగన్‌కు లోకేష్ రాసిన లేఖపై ఏపీ విద్యా మంత్రి సురేష్ పరోక్షంగా స్పందించారు. పరీక్షలు జరిగితీరుతాయని విద్యార్థులు ప్రిపేర్ కావాలని ఆయన పిలుపునిచ్చారు. షెడ్యూల్...

పవన్ సరే ఆ బాధ్యత అధికార పార్టీకి లేదా..!?

రఘురామకృష్ణరాజును అరెస్ట్ చేయడంపై పవన్ కల్యాణ్ స్పందించారు. ఇది కరెక్ట్ సమయం కాదని .. ముందు కోవిడ్ రోగుల గురించి పట్టించుకోవాలని ఆయన డిమాండ్ చేశారు. అయితే.. పవన్ కల్యాణ్ లేఖపై వైసీపీ...

HOT NEWS

[X] Close
[X] Close