ఆ రెండే ప్రమాదమన్న మోదీ

ప్రధానమంత్రి మోదీ దృష్టిలో ఈ ప్రపంచాన్ని గడగడలాడిస్తున్నవి రెండేనట. అందుకే ఆ రెండు సవాళ్లను ఎదుర్కోగలిగితే ప్రపంచ మానవాళి సుఖంగా ఉంటుందని ఆయన పూర్తిగా విశ్వసిస్తున్నారు. ఇంతకీ ఆ రెండు ఏమిటంటే..
మనం హాయిగా ఉండాలంటే మనకు ప్రమాదం కలిగించే వాటికి దూరంగానైనా ఉండాలి లేదా అవి లేకుండానైనా చేసుకోవాలి.
మోదీ చెప్పిన రెండు సవాళ్లలో మొదటిది – ప్రపంచ దేశాలను గడగడలాడిస్తున్న ఉగ్రవాదం. రెండవది – వాతావరణలో పెనుమార్పులు. ప్రధానమంత్రి తుర్కెమెనిస్థాన్ రాజధానిలో మాట్లాడుతూ, ప్రస్తుతం ప్రపంచం ఎదుర్కుంటున్న పెద్ద సవాళ్లు టెర్రరిజం, వాతావరణలో వస్తున్న పెనుమార్పులేనని చెప్పారు. శాంతి స్థాపన ద్వారా ఉగ్రవాదమన్నది లేకుండా చేయవచ్చనీ, అలాగే పర్యావరణాన్ని కాపాడుతుంటే, వాతావరణంలో పెనుమార్పులు లేకుండా చూసుకోవచ్చని మోదీ అభిప్రాయపడ్డారు. ఈ సందర్భంగా ఆయన జాతిపిత గాంధీని స్మరించుకున్నారు. గాంధీ మార్గంలో సాగితే ఈ రెండు సవాళ్ల నుంచీ మనం బయటపడవచ్చని చెప్పారు. యోగా ద్వారా మనసు ప్రశాంతంగా ఉంచుకోవచ్చనీ, అప్పుడే చెడు ఆలోచనల నుంచి దూరంగా ఉండేందుకు వీలు చిక్కుతుందని మోదీ అక్కడివారికి హితవు పలికారు.

ప్రపంచ యోగా గురువు మోదీ !

యోగాతో నూతన ప్రపంచ ఆవిష్కరణ జరుగుతుందని మోదీ గట్టిగా నమ్ముతున్నారు. అందుకే ఏ దేశమేగినా ఎందుకాలిడినా యోగా ఉపన్యాసాలే దంచికొడుతున్నారు. ప్రపంచ సవాళ్లకు విరుగుడు గాంధీ సిద్ధాంతాల్లోనూ, యోగాలోనూ ఉన్నదని ఆయన నొక్కి వక్కాణిస్తున్నారు. అప్పుడెప్పుడో స్వామీ వివేకానందులవారు, మహాత్మా గాంధీ వంటి వారు విదేశాల్లో మన సంస్కృతిలోని పరమోన్నత శక్తిని విశదపరిస్తే, మళ్ళీ ఇన్నాళ్లకు మోదీ ఆ పని చేయడం నిజంగా సంతోషించదగినదే. రాజకీయాలు, వ్యూహాలు వంటి వాటిని పక్కనబెడితే, మోదీ ఆలోచనలు ప్రపంచ దేశాలన్నీ ఆచరింపదగినవేనని శాంతి కాముకులు అంటున్నారు. ప్రపంచ వ్యాప్తంగా యోగాను పరిచయం చేయడంలో ఆయన తొలి విజయం సాధించారు. ఆత్మశక్తికి మించిందిలేదనీ, మహాత్మా గాంధీ అనుసరించిన మార్గం అత్యుత్తమమైనదని మోదీ బల్లగుద్ది మరీ చెబుతున్నారు. ఇలా, ఇలా సాగుతూ ఆయన ప్రపంచ యోగ గురువుగా మారిపోయినా ఆశ్చర్యపోనక్కర్లేదు.
                                                                                                                                                           – కణ్వస

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

‘ఆహా’ కి క‌లిసొచ్చిన చిన్న సినిమాలు

ఈమ‌ధ్య మ‌ల‌యాళం డ‌బ్బింగుల్ని ఎక్కువ‌గా న‌మ్ముకొంది `ఆహా`. వ‌రుస‌గా మ‌ల‌యాళం డ‌బ్బింగులే వ‌స్తోంటే... `ఆహా`లో డబ్బింగులు మాత్ర‌మే వ‌స్తాయా? అంటూ సెటైర్లు కూడా వేసుకున్నారు సినీ అభిమానులు. కానీ చిన్న సినిమాల్ని కొనే...

నానికి కోసం ఇద్ద‌రు కాదు.. ముగ్గురు హీరోయిన్లు

నాని సినిమా అంటే దాదాపుగా సోలో హీరోయినే ఉంటుంది. ఈమ‌ధ్య హీరోయిన్ల సంఖ్య‌ని రెండుకు పెంచుకుంటూ వ‌చ్చాడు. ఇప్పుడు ముగ్గురు హీరోయిన్ల క‌థ‌ని ఎంచుకున్నాడు. నాని క‌థానాయ‌కుడిగా తెర‌కెక్క‌బోతున్న చిత్రం `శ్యాం సింగ‌రాయ్‌`....

‘న‌ర్త‌న‌శాల‌’పై బాల‌య్య ఆశ‌లు

అప్పుడెప్పుడో మొద‌లెట్టి ఆపేసిన `న‌ర్త‌న శాల‌` ఏటీటీ పుణ్య‌మా అని బ‌య‌ట‌కు రావ‌డం నంద‌మూరి అభిమానుల్ని ఆనందంలో ముంచెత్తింది. సినిమా ఎలా వుంది? టికెట్ ధ‌ర 50 రూపాయ‌లు గిట్టుబాటు అయ్యిందా,...

అమరావతి రైతులపై ఎన్నెన్ని కేసులో..!?

అమరావతి రైతులు కాలు కదిపితే కేసు పెట్టాలని ప్రభుత్వం నిర్ణయించుకున్నట్లుగా కనిపిస్తోంది. ప్రస్తుతం.. కొంత మంది దళిత రైతులపై కేసులు నమోదు చేశారు. ఆ కేసులు నమోదు చేయాలని ఫిర్యాదు చేసిన వ్యక్తి...

HOT NEWS

[X] Close
[X] Close