ఫ్లాష్ బ్యాక్‌: ఒకే ట్యూన్ రెండు పాట‌లు

ఇళ‌య‌రాజా – వంశీల‌ది అద్భుత‌మైన కాంబినేష‌న్‌. వీళ్ల సినిమాల్లో పాట‌లంటే ఇప్ప‌టికీ చెవులు కోసేసుకొంటారు సంగీత ప్రియులు. ఈ కాంబినేష‌న్‌లో ‘అన్వేష‌ణ‌’ అనే సినిమా వ‌చ్చింది. సూప‌ర్ డూప‌ర్ హిట్ట‌య్యింది. థ్రిల్ల‌ర్ చిత్రాల్లో అదో మైల్ స్టోన్‌. పాట‌లూ సూప‌ర్ హిట్టే. ఇందులో `ఇల‌లో..` అనే పాటొక‌టి వుంది. ప‌ల్ల‌వి వ‌ర‌కూ.. కొత్త ట్యూనే. కానీ చ‌ర‌ణం వ‌ర‌కూ వ‌చ్చేసరికి `ప్రేమ ఎంత మ‌ధురం` పాట గుర్తొస్తుంది. ఈ చ‌ర‌ణాన్ని అచ్చు గుద్దిన‌ట్టు ‘అన్వేష‌ణ‌`లో వాడేశారు. ఈ రెండు సినిమాలకూ ఇళ‌య‌రాజానే సంగీత ద‌ర్శ‌కుడు. తాను వాడిన ట్యూన్ అదే భాష‌లో.. మ‌రో పాట‌కు వాడ‌డం ఇళ‌య‌రాజా చ‌రిత్ర‌లోనే లేదు. మ‌రి… ఈ ‘కాపీ’ ఎలా జ‌రిగింది? ఎందుకు జ‌రిగింది? అస‌లు విష‌యం ఏమిటంటే..

‘ప్రేమ ఎంత మ‌ధురం’ ట్యూన్ లోనే ఓ క‌న్న‌డ సినిమా కోసం పాట కంపోజ్ చేశారు ఇళ‌య‌రాజా. అప్ప‌ట్లో వంశీతో ఇళ‌య‌రాజాకు మంచి చ‌నువు, అభిమానం ఉండేవి. ఇళ‌య‌రాజా ఏ పాట చేసినా… ముందు వంశీనే వినేవారు. అలా.. క‌న్న‌డ చిత్రానికి సంబంధించిన ట్యూన్ వంశీ విన్నారు. ‘ఇది బాగుంది… మ‌న సినిమాలో వాడుకొందాం’ అని వంశీ చెప్ప‌డం, దానికి ఇళ‌య‌రాజా ఒప్పుకోవ‌డం జ‌రిగిపోయాయి. అయితే… అదే ట్యూన్‌లో ‘అభినంద‌న‌’కు ఓ పాట కంపోజ్ చేసిన విష‌యం ఇళ‌య‌రాజాకు గుర్తు లేదు. ఆ సంగ‌తి వంశీకీ తెలీదు. అలా… ‘ఇల‌లో’ పాట పుట్టింది. జాగ్ర‌త్త‌గా గ‌మ‌నిస్తే `ప్రేమ ఎంత మ‌ధురం` ప‌ల్ల‌వి ‘ఇల‌లో’ పల్ల‌వి రెండూ వేర్వేరు ట్యూన్లు. చ‌ర‌ణాలు మాత్రం ఒక‌టే ట్యూన్‌లో సాగుతాయి. ‘అభినంద‌న‌’ 1987లో విడుద‌ల అయితే ‘అన్వేష‌ణ‌’ 1985లో వ‌చ్చింది. నిజానికి ఈ రెండు సినిమాల‌కూ సంబంధించిన సంగీత ప‌నులు దాదాపు ఒకేసారి జ‌రిగాయి. కానీ ‘అభినంద‌న‌’ అనివార్య కార‌ణాల వ‌ల్ల ఆల‌స్యంగా విడుద‌లైంది. దాంతో… ‘అన్వేష‌ణ‌’ ట్యూన్ ని ‘అభినంద‌న‌’ కోసం ఇళ‌య‌రాజానే మ‌ళ్లీ కాపీ కొట్టార‌ని అనుకొంటారంతా.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

గురి తప్పిన ట్వీట్… వైసీపీ ప్లాన్ బూమరాంగ్!

ఎన్నికల్లో ఘోర పరాజయంతో పార్టీ మనుగడనే ప్రశ్నార్ధకం చేసుకున్న వైసీపీ... సోషల్ మీడియా పుణ్యమా అని తన గోతిని తనే తవ్వి తీసుకుంటున్నట్లు కనబడుతోంది. కూటమి సర్కార్ ను టార్గెట్ చేయబోయి తన...

టీడీపీ అధ్యక్షుడిగా పల్లా శ్రీ‌నివాస్

ఏపీ టీడీపీ అధ్యక్షుడిగా పల్లా శ్రీనివాస్ ను నియమించారు ఆ పార్టీ అధినేత చంద్రబాబు. ప్రస్తుతం అధ్యక్షుడిగా కొనసాగుతోన్న అచ్చెన్నాయుడు మంత్రిగా బాధ్యతలు చేపట్టడంతో ఆయన స్థానంలో పల్లాకు పార్టీ పగ్గాలు అప్పగించినట్లు...

ప‌వ‌న్ ఇక సినిమాల‌కు గుడ్ బై చెప్పిన‌ట్లేనా?

డిప్యూటీ సీఎం... గ్రామీణాభివృద్ధి, పంచాయితీరాజ్, గ్రామీణ తాగునీటితో పాటు అడ‌వులు లాంటి కీల‌క శాఖ‌లు. అంటే ప్ర‌తిరోజు జ‌నంతో మ‌మేకం అయ్యే శాఖ‌లే. ప్ర‌తి రోజు అలుపెర‌గ‌కుండా ప‌ర్య‌టిస్తూ, రివ్యూలు చేస్తూ, నిర్ణ‌యాలు...

శాఖ‌ల కేటాయింపు… పొత్తుల్లో మోడీనే ఫాలో అయిన చంద్ర‌బాబు

రెండ్రోజులుగా ఎదురుచూస్తున్న మంత్రుల‌కు శాఖ‌ల కేటాయింపు ఏపీలోనూ పూర్త‌యింది. గ‌తానికి భిన్నంగా ఈసారి శాఖ‌ల కేటాయింపు కాస్య ఆల‌స్య‌మైనా...స‌మ‌తుల్యంగా కేటాయించిన‌ట్లు క‌న‌ప‌డుతోంది. అయితే, ఈ శాఖ‌ల కేటాయింపులో చంద్ర‌బాబు -మోడీ ఒకేవిధంగా...

HOT NEWS

css.php
[X] Close
[X] Close