రాంచీలో భారత్-దక్షిణాఫ్రికా మొదటి వన్డే మ్యాచ్‌లో విరాట్ కోహ్లీ, రోహిత్ శర్మలు రికార్డుల వర్షం కురిపించారు. దక్షిణాఫ్రికా టాస్ గెలిచి ఫీల్డింగ్ ఎంపిక చేసుకుంది. మొదట బ్యాటింగ్ చేసిన భారత్ ఆటగాళ్లు పరుగుల వర్షం కురిపించారు. కోహ్లీ సెంచరీ చేశాడు. ఇది 52వ వన్డే సెంచరీ. ఇప్పటి వరకూ మరో ఆటగాడు వన్డేల్లో ఇన్ని సెంచరీలు చేయలేదు. రోహిత్ శర్మ 51 బంతుల్లో 57 పరుగులు చేశాజు. వన్డేల్లో అత్యధిక సిక్సర్ల రికార్డు సృష్టించారు.
విరాట్ కోహ్లీ ఇన్నింగ్స్ తో. భారత్ స్కోరు పరుగులు పెట్టింది. ఫస్ట్ డౌన్ లో వచ్చిన 25/1 స్కోర్ వద్ద బ్యాటింగ్‌కు వచ్చిన కోహ్లీ, మొదటి బంతికే బౌండరీతో మొదలెట్టారు. రోహిత్‌తో కలిసి 136 పరుగుల భాగస్వామ్యం నెలకొల్పారు. మార్కో జాన్సెన్, నాంద్రే బర్గర్‌ల బౌలింగ్‌లో ఆకర్షణీయ షాట్లు కొట్టారు. 55 బంతుల్లో హాఫ్ సెంచరీ పూర్తి చేశాడు. బౌండరీతో సెంచరీ పూర్తి చేసిన తర్వాత హిట్టింగ్‌కు దిగారు.
ఈ సెంచరీతో కోహ్లీ వన్డేల్లో 52 శతకాలు సాధించి, ఒకే ఫార్మాట్‌లో అత్యధిక సెంచరీల రికార్డు సృష్టించారు. సచిన్ టెండుల్కర్ 51 టెస్ట్ సెంచరీల రికార్డును దాటారు. దక్షిణాఫ్రికాపై 6వ సెంచరీతో సచిన్, డేవిడ్ వార్నర్‌లతో ఉన్న రికార్డును బద్దలు కొట్టారు. మొత్తం ఇంటర్నేషనల్ క్రికెట్‌లో నెంబర్-3 పొజిషన్‌లో అత్యధిక సిక్సర్లు (217)తో రికీ పొంటింగ్‌ను అధిగమించారు. రాంచీలో కోహ్లీకి ఇది 3వ సెంచరీ .
