కొన్ని రోజుల క్రితం విడుదలయిన ‘భలే మంచి రోజు’ సినిమాతో హీరోయిన్ గా పరిచయమయిన పంజాబీ అందాల భామ వామిక గబ్బి తన మొట్టమొదటి సినిమాతోనే టాలీవుడ్ ని ఆకట్టుకొంది. మంచి అందానికి తోడు బాగా నటించగలగడంతో ఆమెకు వెంటనే మరో సినిమాలో అవకాశం దక్కించుకొంది. ఆనంద్ దర్శకత్వంలో నిఖిల్ హీరోగా తీయబోతున్న సినిమాలో హీరోయిన్ గా నటించేందుకు ఆమెకు అవకాశం దక్కింది. ఆ సినిమాలో అవికా గోర్, హేబ పటేల్ ప్రధాన పాత్రలకు ఎంపికయ్యారు. ఇప్పుడు వారితో బాటు వామిక గబ్బి కూడా హీరోయిన్ గా అవకాశం దక్కించుకొంది. ప్రస్తుతం ఆ సినిమా షూటింగ్ కోసం ప్రీ-ప్రొడక్షన్ పనులు జరుగుతున్నాయి. సంక్రాంతి తరువాత ఎప్పుడయినా సినిమా రెగ్యులర్ షూటింగ్ మొదలవవచ్చునని సమాచారం.
అప్పుడే మరో చాన్స్ కొట్టేసిన వామిక గబ్బి
