చైతన్య : రణవీర్ చేస్తే చూడలేరు.. హీరోయన్లు చేస్తే చూస్తారా !?

రణవీర్ సింగ్ న్యూడ్‌గా ఫోటో షూట్ చేశారని గగ్గోలు రేగుతోంది. కొంత మంది అపర మేధావులు.. పని లేని వాళ్లు ఆయన న్యూడ్ ఫోటో షూట్ చేశారని.. ఇలా ఎలా చేస్తారని రెచ్చిపోతున్నారు. మరికొంత మంది పోలీస్ స్టేషన్లో కేసు పెట్టారు. ఈ వ్యవహారం అంతా విచిత్రంగా సాగుతోంది. రణవీర్ న్యూడ్ ఫోటో షూట్ చేశారు కానీ అందులో ఆయన ప్రైవేటు పార్టులేమీ కనిపించకుడా జాగ్రత్తలు తీసుకున్నారు. మిగతా భాగమంతా సినిమాల్లో అండర్ వేర్‌తో ఎన్నో సార్లు కనిపించిన రూపమే. అయనా సరే ఇప్పుడు కొంత మంది దీన్ని ఎథిక్స్‌కు సంబంధించిన మేటర్‌గా ప్రచారంలోకి తెచ్చేస్తున్నారు.

రణవీర్ ఫోటో షూట్‌ మగవారి పరువు తీసిందా !?

రణవీర్ ఫోటో షూట్ విషయంలో చాలా మంది విచిత్రంగా స్పందిస్తున్నారు. మగవాడై ఉండి అలా ఫోటో షూట్ చేయడమేమిటని.. మన సంస్కృతి , సంప్రదాయాలు ఏమైపోవాలని ప్రశ్నిస్తున్నారు. ఈ ప్రశ్నలు చాలామందికి విచిత్రంగా అనిపిస్తున్నాయి. ఇందులో అంత అసహ్యం ఏముందన్నది వారి డౌట్. సంస్కృతి, సంప్రదాయల ముసుగులో ప్రతీది వివాదం చేసే కొంత మంది తప్ప.. రణవీర్ ఫోటో షూట్‌లో ఎవరూ వివాదం చూడటం లేదు. ఒకప్పుడు సూపర్ మోడల్స్‌గా ఉన్న మధుసప్రే, మిలింద్ సోమన్ ఓ షూ కంపెనీ కోసం పూర్తి న్యూడ్‌గా చేసిన ఫోటో షూట్ సంచలనం సృష్టించింది. అది మూడు దశాబ్దాల క్రితమే. ఇన్నేళ్ల తర్వాత ఓ మగవ్యక్తి ఒక్కరే అలాంటి ఫోటో షూట్ చేస్తే ఎందుకు రచ్చ చేస్తున్నారో ?

హీరోయిన్లు అంతకు మించి చేస్తున్నా గుటకలు మింగుతూ చూస్తున్నారే !

రణవీర్ సింగ్ చేసిన ఫోటో షూట్ వ్యవహారం కలకలం రేపవచ్చు కానీ.. హీరోయిన్లు చేస్తున్న ఫోటో షూట్ల గురించిమాత్రం ఎవరూ స్పందించడం లేదు. ఇప్పుడు ప్రతి ఒక్క హీరోయిన్ ఫోర్ట్ ఫోలియోలో టూపీస్ బికినీ ఫోటోలు కామన్. ఎంతగా అంటే బాడీ ఒంపుసొంపులన్నీ చూపించాల్సిందే. ప్రైవేటు పార్టులు మాత్రమే మూసేసుకుని ఫోటోలు దిగడం కామన్. పెళ్లి చేసుకున్న తర్వాత కూడా కత్రీనా కైఫ్ లాంటి మోడలింగ్ నుంచి సినిమాలకు వచ్చిన హీరోయిన్లు అలా ఫోటోలు తీసుకుంటూనే ఉన్నారు. ఎందుకంటే అది తప్పని వారు అనుకోవడం లేదు. చూసేవాళ్లూ అనుకోవడం లేదు. గుడ్లు మిటకరించి చూస్తున్నారు. కానీ తప్పని అనడం లేదు.

ఆలోచనల్లో వస్తున్న మార్పు !

నగ్నత్వం ఎప్పుడూ చెడు కాదు. నగ్నత్వం స్వచ్చం. అందుకే విదేశాల్లో న్యూడ్ అనేదానికి విపరీతమైన గౌరవం ఉంది. కానీ మన దగ్గర బాడీని చూపించుకోవడం అంటే.. అదో షేమ్‌లా ఫీలవుతూంటారు. కానీ చూసేవాళ్లవి మాత్రం చాటుగానే చూస్తూ ఉంటారు. కారణం ఏదైనా రణవీర్ ఫోటో షూట్‌పై చర్చకు వస్తున్న ప్రతికూల స్పందనలకు కౌంటర్లు వస్తున్న మార్పులకు సంకేతాలు. ఫోటోలు చూసి ఎంజాయ్ చేయనివ్వండి అని విద్యాబాలన్ నేరుగానే చెప్పారు.. ఇష్టం లేకపోతే చూడమాకండి అని సలహా ఇచ్చారు. ఆమె మాటల్లో చాలా వాస్తవం ఉంది. అందులో సందేహం లేదు. ఇక రణవీర్ భార్య దీపికా కూడా అంతే. గతంలో ఆమె క్లీవేజ్ చూపిస్తున్నారంటూ టాప్ యాంగిల్‌లో ఫోటో తిసి ప్రచారం చేసిన పత్రికకు గట్టికౌంటర్ ఇచ్చారు. తనకు అద్భుతమైన బాడీ ఉంది చూపించుకుంటానని చాలెంజ్ చేశారు.

చూసే చూపుల్లోనే అంతా ఉంది !

ఏదైనా చూసే చూపుల్లోనే అంతా ఉంటుంది. రణవీర్ సింగ్ ఎలా చూడాలనుకుంటున్నారో అలా చూసుకోవచ్చు. అది సంప్రదాయంగానా..లేకపోతే బరి తెగించిన వ్యక్తిగానా అన్నది చూసే వ్యక్తుల వ్యక్తిత్వాన్ని..మనస్థత్వాన్ని బట్టి ఉంటుంది. అలాంటివి రణవీర్ సింగ్ లాంటి వాళ్లకు డోంట్ కేర్. అదే అసలైన వ్యక్తిత్వం.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

ఎడిటర్స్ కామెంట్ : ట్యాపింగ్ – దొరికినవాడే దొంగ !

"టెక్నాలజీ మన జీవితాల్లోకి చొచ్చుకు వచ్చాక మన ప్రతి కదలికపై మరొకరు నిఘా పెట్టడానికి అవకాశం ఇచ్చినట్లే. తప్పించుకునే అవకాశం లేదు.." కాకపోతే ఈ అవకాశం అధికారం ఉన్న వారికే వస్తుంది....

బీఆర్ఎస్ కు బిగ్ షాక్ – కాంగ్రెస్ లోకి కేకే , కడియం..!!

లోక్ సభ ఎన్నికలు సమీపిస్తున్న వేళ బీఆర్ఎస్ కు వరుస షాకులు తగులుతున్నాయి. ఇప్పటికే పలువురు నేతలు కాంగ్రెస్ లో చేరగా.. తాజాగా కేసీఆర్ సన్నిహిత నేతలు కూడా హస్తం గూటికి చేరేందుకు...

‘లెజెండ్’ ఎఫెక్ట్.. జయం మనదే

బాలకృష్ణ లెజెండ్ సినిమా ఈనెల 30న రీ రిలీజ్ చేస్తున్నారు. ఈ సినిమా పదేళ్ళు పూర్తి చేసుకున్న నేపధ్యంలో రీరిలీజ్ కి పూనుకున్నారు. ఈ సినిమా 2014 ఎన్నికల ముందు వచ్చింది. ఆ...

కేకేను తిట్టి పంపించిన కేసీఆర్

రాజ్యసభ ఎంపీ కేకే, ఆయన కుమార్తె హైదరాబాద్ మేయర్ విజయలక్ష్మి శనివారం కాంగ్రెస్ పార్టీలో చేరాలని నిర్ణయించుకున్నారు. తనను పార్టీలో చేర్చుకుని రెండు సార్లు రాజ్యసభ సీటు ఇచ్చిన కేసీఆర్ కు ఓ...

HOT NEWS

css.php
[X] Close
[X] Close