టికెట్ రేట్ల గురించి మాట్లాడ‌డం రాజ‌కీయమా?

టికెట్ రేట్ల వ్య‌వ‌హారంపై నాగార్జున క‌ప్ప‌దాటు వైఖ‌రి… విస్మ‌ర ప‌రిచే విష‌య‌మే. `టికెట్ రేట్ల‌తో నాకు ఇబ్బంది లేదు..` అంటూ ఈ విష‌యంపై మాట్లాడ‌డానికి నాగార్జున నిరాక‌రించ‌డం చిత్ర ప‌రిశ్ర‌మ‌లో ఓవ‌ర్గానికి మింగుడుప‌డ‌డం లేదు. చిత్ర‌సీమ అంతా.. టికెట్ రేట్లు పెంచండి బాబూ.. అంటూ మొత్తుకుంటుంటే, `నాకు ఎంతున్నా ఫ‌ర్వాలేదు..` అని నాగ్ చెప్ప‌డం ఆశ్చ‌ర్య‌ప‌రిచే విష‌యమే.

సీనియ‌ర్ హీరోగా చిత్ర‌సీమ ఇబ్బందుల గురించి మాట్లాడాల్సిన బాధ్య‌త నాగార్జున‌కు ఉంది. పైగా నాగార్జున ఓ నిర్మాత కూడా. ప‌రిశ్ర‌మ గురించి, ఇక్క‌డి ఇబ్బందుల గురించి ప్ర‌భుత్వంతో సంప్ర‌దింపులు జ‌రిపే వ్య‌క్తుల్లో ముందు వ‌రుస‌లో ఉండే పేరు నాగార్జున‌. ఆమ‌ధ్య ఏపీ ప్ర‌భుత్వ ప్ర‌తినిధుల్ని క‌లిసిన‌ప్పుడు, తెలంగాణ‌లో శ్రీ‌నివాస యాద‌వ్ తో స‌మావేశం అయిన‌ప్పుడు నాగార్జున ఉన్నాడు. మ‌రి ఇప్పుడెందుకు ఈ క‌ప్ప‌దాటు వ్య‌వ‌హారం? `సినిమా వేదిక‌ల‌పై రాజ‌కీయం మాట్లాడ‌ను` అన్న‌ది నాగ్ మాట‌. సినిమా రేట్ల గురించి, ఓ సినిమా వేడుక‌లో మాట్లాడ‌డం రాజ‌కీయం ఎందుకు అవుతుంది? ఇప్పుడు రాంగోపాల్ వ‌ర్మ గొంతు చించుకుని ట్వీట్లు చేస్తున్నాడు.. అది రాజ‌కీయ‌మా? నాని.. టికెట్ రేట్ల వ్య‌వ‌హారంలో మాట్లాడ‌డం రాజ‌కీయ‌మా?

బంగార్రాజు ఈనెల 14న విడుద‌ల అవుతోంది. ఇప్పుడు ఏం మాట్లాడితే.. త‌న సినిమాకి ఏమ‌వుతుందో అన్న‌ది నాగ్ భ‌యం కావొచ్చు. ఏపీలో త‌గ్గిన టికెట్ రేట్ల‌తో… క‌చ్చితంగా వ‌సూళ్ల‌లో భారీ మార్పులు క‌నిపిస్తాయి. రావాల్సిన లాభాలు త‌గ్గుతాయి. సినిమా అటూ ఇటూ అయితే.. న‌ష్టాలూ త‌ప్ప‌క‌పోవొచ్చు. వాట‌న్నింటికీ నాగ్ సిద్ధ‌మ‌య్యాడు. ఈ సినిమాని ముందే.. జీ సంస్థ‌కు అమ్మేశాడు నాగార్జున‌. ఇప్పుడు లాభాలొచ్చినా, న‌ష్టాలొచ్చినా తన‌కొచ్చిన ఇబ్బందేం లేదు. అందుకే సైలెంట్ గా తప్పుకున్నాడు. కాక‌పోతే.. ప‌రిశ్ర‌మ త‌ర‌పున నిల‌బ‌డి, ప‌రిశ్ర‌మ వైపు నుంచి మాట్లాడాల్సిన త‌రుణంలో.. నాగ్ ఇలా మౌనంగా ఉండిపోవ‌డం, రేటు ఎంతున్నా ఫ‌ర్వాలేదు అన‌డం.. ప‌రిశ్ర‌మ‌కు మేలు చేసే విష‌యం ఎంత‌మాత్రం కాదు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

రంగీలాలో చిరు – ర‌జ‌నీ – శ్రీ‌దేవి..?

రంగీలా... రాంగోపాల్ వ‌ర్మ త‌డాఖాని బాలీవుడ్ కి రుచి చూపించిన సినిమా. ఊర్మిళ‌ని ఈ సినిమా సూప‌ర్ స్టార్ ని చేసింది. నిజానికి.. ఈ క‌థ చిరంజీవి, ర‌జ‌నీ కాంత్, శ్రీ‌దేవిల‌తో చేయాల్సింద‌ట‌....

‘స‌లార్’ రిలీజ్ డేట్ .. పెద్ద ప్లానే ఉంది!

పాన్ ఇండియా ప్రాజెక్టు స‌లార్ రిలీజ్ డేట్ వ‌చ్చేసింది. 2023 సెప్టెంబ‌రు 28న ఈ చిత్రాన్ని విడుద‌ల చేస్తున్నారు. ఇది.. `రెబ‌ల్` రిలీజ్ డేట్. దాంతో ప్ర‌భాస్ అభిమానులు కంగారు ప‌డుతున్నారు.కాక‌పోతే... ఈ...

ఆ ఇద్ద‌ర్నీ గీతా ఆర్ట్స్ భ‌లే ప‌ట్టేసింది

సినిమా విడుద‌ల అయ్యాక, రిజ‌ల్ట్ ని బ‌ట్టి ద‌ర్శ‌కుడి చేతిలో అడ్వాన్సులు పెట్ట‌డం స‌ర్వ సాధార‌ణ‌మైన సంగ‌తే. ఏ సినిమా హిట్ట‌వుతుందా? అని నిర్మాత‌లు ఆశ‌గా ఎదురు చూస్తుంటారు. అయితే.. విడుద‌ల‌కు...

‘బింబిసార 2’లో… దిల్ రాజు హ్యాండ్‌

ఎవ‌రూ ఊహించ‌లేనంత పెద్ద విజ‌యాన్ని న‌మోదు చేసింది బింబిసార‌. క‌ల్యాణ్ రామ్ కెరీర్‌లో ఇదే బిగ్గెస్ట్ హిట్. ఇప్పుడు అంద‌రి దృష్టీ పార్ట్ 2పై ఉంది. బింబిసార విజ‌యంతో.. పార్ట్ 2పై న‌మ్మ‌కాలు...

HOT NEWS

css.php
[X] Close
[X] Close