చైతన్య : పక్క రాష్ట్రంలో జరిగితే ఆవేశం.. సొంత రాష్ట్రంలో జరిగితే నిర్లక్ష్యం !

ఏపీలో అమ్మాయిలపై.. మహిళలపై ఆకృత్యాలు ఎందుకు పెరిగిపోతున్నాయి ? . తాను పదవి చేపట్టిన తర్వాత హైదరాబాద్‌లో “బైక్ టోల్ కట్టేందుకు వెళ్లిన అమ్మాయి”ని దుండగులు అత్యాచారం చేసి చంపేశారని మనసు చలించిపోయి.. ఏపీలో అలాంటివి జరగకూడదని ఆవేశ పడి మూడు వారాల్లో ఉరిశిక్ష వేసేలా దిశ చట్టాన్ని తీసుకొచ్చారు జగన్. కానీ అక్కడ కంటే ఏపీలో ఇప్పుడు ఘోరాలు ఎక్కువగా జరిగిపోతున్నాయి. ఏ దిశ వారిని ఆదుకోవడం లేదు. మీడియాలో హైలెట్ అయిన వారికి పదో .. పరకో పరిహారం ఇస్తున్నారు. అంతకు మించి రాజకీయం చేస్తున్నారు. అంతే.. బాధితులు మాత్రం బాధితులుగానే ఉండిపోతున్నారు. వారి సంఖ్య పెరిగిపోతూనే ఉంది.

నేరాలు జరగనిది ఎక్కడ ?

అనంతపురంలో ఓ బ్యాంక్ లో పని చేసుకుంటున్న అమ్మాయిని చంపేసి కాల్చేశారు. ఆ నిందితులేమయ్యారు…? గుంటూరులో చిన్నారిని.. ఓ యువతిని.. ఇలా దారుణంగా హత్యలు చేశారు.? వారేమయ్యారు. ఇలా చెప్పుకుంటూ పోతే ప్రతి ఊళ్లోనూ ఈ మూడేళ్లలో దురాగతాలు బయటపడ్డాయి. ఇంకా పెరుగుతూనే ఉన్నాయి. కానీ వ్యవస్థ విఫలం కావడంతో ఎవరికీ శిక్షలు పడటం లేదు. నిందితుల్ని కులం, మతం, ప్రాంతం కోణంలో చూడటంతోనే అసలు సమస్య వస్తోంది. అలా చూసే పాలకులు ఉండటంతో బాధితులు కూడా బాధితులుగానే మిగిలిపోతున్నారు.

నేరస్తులకు అభయం కల్పిస్తున్న పాలన !

భయం.. భయం .. ఉంటే ఎవరైనా నేరం జరగడానికి భయపడతారని సీఎం జగన్ చెప్పారు. ఆ భయం కల్పించకపోగా అభయం కల్పించినట్లుగా ఉన్నారు ఏపీ పాలకులు. అందుకే నేరస్తులు చెలరేగిపోతున్నారు. నిత్యం ఇలాంటి ఘోరాలు నేరాల సంఖ్య అంతకంతకు పెరిగిపోతూనే ఉంది. చిన్నా పెద్దా తేడా లేదు..అడ్డూ అదుపూ అసలే లేదు..ఎన్ని రకాల చట్టాలు వచ్చినా, మానవ మృగాల పీడ వదలడం లేదు. ఉన్న చట్టాలకే చిన్నపాటి సవరణలు చేసి వాటికి నిర్భయ, దిశ అని పేర్లు పెట్టినంతనే మహిళలకు రక్షణ కల్పించినట్లు ప్రచారం చేసుకోవడంతోనే సమస్య వస్తోంది. బాధితులకు వేధింపులు.. నేరస్తులకు అభయం కల్పిస్తోంది ఈపాలన.

ప్రచారానికి మాత్రం హద్దే లేదు !

దిశ బిల్లు, దిశ పోలీసు స్టేషన్లు, దిశ వాహనాలు, దిశ యాప్‌ అంటూ చేసిన హడావిడి అంతా ఇంతా కాదు. ప్రకటనలకు కోట్లు ఖర్చు పెట్టారు. దిశ చట్టం ద్వారా ముగ్గురికి ఉరి వేశామని అప్పటి హోంమంత్రి ప్రకటించి నవ్వులపాలయ్యారు. అసలు ఆ చట్టానికే కేంద్రం ఆమోదం లభించలేదు. ప్రచార్భాటం తప్ప ఆకృత్యాలను అడ్డుకునేందుకు చిత్తశుద్ధితో చేపట్టిన చర్యలే లేవు. దిశ చట్టం ఇంత వరకూ కేంద్రం ఆమోదం పొందలేదు. కానీ దిశ పేరుతో పోలీస్టేషన్లు పెట్టారు. యాప్ తెచ్చి మీట నొక్కితే.. పోలీసులు ఎక్కడ అమ్మాయి ఆపదలో ఉందో గుర్తించి అక్కడికి చేరుకుంటారని ప్రచారం చేశారు. కానీ అంతా ప్రచారానికే పరిమితమైంది. చివరికి ప్రజలు బలవుతున్నారు.

పక్క రాష్ట్రంలో దిశ ఘటన జరిగినప్పుడు ఆవేశపడిన వైనం చూసి.. అహా.. ఓహో అనుకున్నారు. కానీ అసలు పాలన చూసి భయపడాల్సిన పరిస్థితి. చిత్తశుద్ధి లేకుండా ఏం చేసినా అంతే ఉంటుంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

ఇది కూడా కేంద్రం ర్యాంకులే.. బీహార్ కంటే ఏపీ ఘోరం !

2020 నాటికి ప్రామాణికంగా తీసుకున్న ఈజ్ ఆఫ్ డూయింగ్ బిజినెస్.. ఈవోడీబీ ర్యాంకుల్లో ఏపీ అగ్రస్థానానికి వచ్చిందని విపరీతంగా ప్రచారం చేసుకున్నారు. ఇప్పుడు కేంద్రం స్టార్టప్స్ ఎకో సిస్టం బాగున్న రాష్ట్రాలకు ర్యాంకులు...

విజయసాయిరెడ్డి తండ్రి హంతకుడు – ఇవిగో రఘురామ బయట పెట్టిన డీటైల్స్ !

విజయసాయిరెడ్డి తండ్రి సుందరరామిరెడ్డి కూడా హంతకుడని వైసీపీ రెబల్ ఎంపీ రఘురామకృష్ణరాజు ప్రకటించారు. ఇటీవల విజయసాయిరెడ్డి ట్విట్టర్‌లో అత్యంత దారుణంగా బూతులు తిడుతూండటంతో దానికి పోటీగా రఘురామ కృష్ణరాజు కూడా అదే లాంగ్వేజ్...

ఇద్దరు మహానుభావులని గుర్తు తెచ్చిన… సీతా రామం

మహా గాయకుడు ఎస్పీ బాలసుబ్రమణ్యం లేని లోటు పూడ్చలేనిది. చివర్లో ఆయన పాటలు పాడటం తగ్గించేసిన్నప్పటికీ ఆయన తప్పా మరో గాయకుడు వద్దు అనుకునే పాటలు, సందర్భాలు అనేకం. అయితే ఇప్పుడా ఆయన...
video

మెగా లుక్‌: గాడ్ ఫాద‌ర్ ఆగ‌మనం

https://www.youtube.com/watch?v=WuCjEeyQrq8 మ‌ల‌యాళంలో పెద్ద విజ‌యాన్ని అందుకొన్న చిత్రం... లూసీఫ‌ర్‌. తెలుగులో చిరంజీవితో గాడ్ ఫాద‌ర్ గా రీమేక్ చేస్తున్న సంగ‌తి తెలిసిందే. మోహ‌న్ రాజా ద‌ర్శ‌కుడు. ఈ సినిమా నుంచి ఫ‌స్ట్ లుక్ బ‌య‌ట‌కు...

HOT NEWS

css.php
[X] Close
[X] Close