మేకింగ్ ఆఫ్ నేషనల్ మహాకూటమి..! రేపు ఢిల్లీలో రాహుల్ తో చంద్రబాబు భేటీ..!!

ఆంధ్రప్రదేశ్ ముఖ్యమంత్రి, తెలుగుదేశం పార్టీ అధ్యక్షుడు చంద్రబాబు రాహుల్ గాంధీతో సమావేశం కాబోతున్నారు. గురువారం ఢిల్లీకి వెళ్తున్న ఆయన .. జాతీయ స్థాయిలో బీజేపీకి ప్రత్యామ్నాయ కూటమి ఏర్పాటు కోసం ప్రయత్నిస్తున్నారు. వారంలో రెండో సారి హస్తినకు వెళ్తున్న చంద్రబాబు… ఎజెండా… చాలా పెద్దగానే ఉంది. సేవ్ నేషన్ పేరుతో జాతీయ స్థాయి మహాకూటమిని సిద్దం చేసి.. జనవరి కల్లా ప్రకటించే అవకాశాలు కనిపిస్తున్నాయి. గురువారం రాహుల్ తో పాటు… శరద్ పవార్, ఫరూక్ అబ్ధుల్లా, సమాజ్ వాదీ పార్టీ నేత అఖిలేష్ యాదవ్ తో సమావేశం అవుతారు. గత ఢిల్లీ పర్యటనలో బీఎస్పీ అధినేత్రి మాయావతి, సీపీఐ జాతీయ కార్యదర్శి సురవరం సుధాకర్ రెడ్డిని కలిశారు. రేపు సీతారాం ఏచూరిని కూడా కలవనున్నారు.

ప్రధానమంత్రి నరేంద్రమోడీ వ్యవస్థల్నీ నిర్వీర్యం చేస్తున్నారన్న భావనలో ప్రజల్లో ప్రారంభమయింది. అందుకే సేవ్ నేషన్ పేరుతో ప్రాంతీయ పార్టీలన్నింటినీ ఏకం చేయాలనుకుంటున్నారు. చంద్రబాబు ఆధ్వర్యంలో కూటమి ఏర్పాటు చేస్తే కలిసేందుకు తాము సిద్దంగా ఉన్నామని పలు ప్రాంతీయ పార్టీ నేతలు ముందుకు వచ్చారు. ప్రాంతీయ పార్టీలుగా రాష్ట్రాలలో , జాతీయ స్థాయిలో ప్రత్యామ్నాయ శక్తిగా ఎదగాలని కూటమి లక్ష్యంగా నిర్ణయించుకున్నారు. రాజకీయ అవసరాల కోసం ప్రాంతీయ పార్టీలను అణగదొక్కుతున్న బిజెపిని ఐకమత్యంగా ఎదుర్కోవాలని నిర్ణయించారు. ఈ కూటమి రూపురేఖలు ఎలా ఉండాలనే అంశంతో పాటు .. భావసారూప్యత ఉన్న పార్టీ నేతలతో ఒక భారీ బహిరంగ సభ నిర్వహించాలనే యోచనలో చంద్రబాబు ఉన్నారు. చంద్రబాబు ఢిల్లీ పర్యటనలో ముందుగా రాహుల్ గాంధీతో సమావేశం లేదు. కానీ చంద్రబాబు గురువారం ఢిల్లీ వస్తున్నారని తెలుసుకున్న రాహుల్ గాంధీ …తన కార్యాలయం నుంచి చంద్రబాబు ఢిల్లీ టూర్ షెడ్యూల్ ను అడిగి తెలుసుకున్నారు. ఇరువురి భేటీకి సమయం ఖరారు చేసుకున్నారు. గురువారం మధ్యాహ్నంలోపు రాహుల్ గాంధీ, చంద్రబాబు మధ్య భేటీ జరగనుంది. ఈ భేటీలో తెలంగాణాలో మహా కూటమి అంశాలు, జాతీయస్థాయిలో ప్రత్యామ్నాయ కూటమి ఏర్పాటు వంటి అంశాలపై ఇరువురు మధ్య చర్చ జరగనుంది.

2019 ఎన్నికల్లో కాంగ్రెస్ పార్టీ అధికారంలోకి వస్తే ఏపికి ప్రత్యేక హోదా ఇస్తూ మొదటి ఫైల్ పై సంతకం చేస్తానని … విభజన చట్టంలో ఇచ్చిన హామీలన్నింటినీ నెరవేరుస్తామని రాహుల్ గాంధీ పదే పదే చెబుతున్నారు. రాష్ట్ర ప్రయోజనాలను నెరవేర్చేందుకు ముందుకు వచ్చే ఏ పార్టీతోనైనా కలిసి పనిచేసేందుకు సిద్దంగా ఉన్నామని తెలుగుదేశం ఇప్పటికే ప్రకటించింది. ఏపికి ప్రత్యేకహోదా ఇచ్చేది లేదని బిజెపి చెప్పినందున.. ఇక ఆ పార్టీతో తాడో, పేడో తేల్చుకోవాలని తెలుగుదేశం నిర్ణయించింది. జాతీయ స్థాయి మహాకూటమి కోసం ఇప్పటి వరకూ ఎవరూ పూర్తి స్థాయిలో చొరవ తీసుకోలేదు. ఇప్పుడు చంద్రబాబు ముందడుగు వేస్తున్నారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

మళ్లీ తెలంగాణలో డ్రగ్స్ కేసుల కలకలం !

హైదరాబాద్, సైబరాబాద్‌కు ఇప్పుడు ఉన్న కమిషనర్ల నేరస్తును ఓ ఆట ఆడిస్తున్నారు. సైబరాబాద్ కమిషనర్ సైబర్ ఫ్రాడ్‌ల మీద దృష్టి పెడితే.. హైదరాబాద్ కమిషన్ సీవీ ఆనంద్ డ్రగ్స్ కేసుల్ని వెలికి తీస్తున్నారు....

ఎన్నికల జిమ్మిక్ అనుకున్నా సరే.. ప్రధాని స్టైల్ అదే !

ప్రధానమంత్రి నరేంద్రమోడీ రిపబ్లిక్ డే వేడుకల్లో భిన్నంగా కనిపించారు. భగత్ సింగ్ తరహా టోపీ..  ఓ విభిన్నమైన కండువాతో వేడుకల్లో పాల్గొన్నారు. టోపీపై బ్రహ్మకమలం ముద్ర ఉంది. కాసేపటికే నెటిజన్లు అవి ఎక్కడివో...

అదే నరసింహన్ గవర్నర్ అయితే ఇలా జరిగేదా !?

రిపబ్లిక్ డే రోజున కేసీఆర్ రాజ్యాంగాన్ని అవమానించారని హుజురాబాద్ ఎమ్మెల్యే ఈటల రాజేందర్ ఫైరయ్యారు. కారణం ఏమిటంటే రాజ్‌భవన్‌లో జరిగే రిపబ్లిక్ డే వేడుక.. జెండా పండుగకు కేసీఆర్ వెళ్లలేదు. కనీసం సీనియర్...

“కొత్త జిల్లాల పని” చేస్తామంటున్న ఉద్యోగ సంఘాలు !

ఉద్యోగులంతా ఉద్యమంలో ఉన్న సమయంలో ప్రజల దృష్టి మరల్చేందుకే కొత్త జిల్లాలంటూ ప్రభుత్వం ప్రకటనలు చేసిందని ఆరోపణలు వస్తున్న సమయంలో ఉద్యోగ సంఘాలు భిన్నంగా స్పందించాయి. ఐఏఎస్‌లు మినహా ఉద్యోగలంతా సమ్మెలోకి...

HOT NEWS

css.php
[X] Close
[X] Close