ముఖ్యమంత్రి వీళ్ల ఆశలూ తీరుస్తాడా?

ఆర్టీసీ కార్మికులను సుదీర్ఘకాలం ఏడిపించిన తెలంగాణ ముఖ్యమంత్రి కేసీఆర్‌ చివరకు వారి మొహాల్లో నవ్వులు పూయించాడు. వారిని సంతోష సాగరంలో ఓలలాడించాడు. వారిని విజయవంతంగా యూనియన్ల నుంచి వేరు చేశాడు. ఇక యూనియన్ల మాట, యూనియన్‌ నాయకుల మాట ఎత్తకుండా చేశాడు. కొందరు కార్మికులు అమాయకంగా ఆత్మహత్యలు చేసుకున్నారు. కొందరు అనవసరంగా అందోళనకు గురై ప్రాణాలు కోల్పోయారు. చివరి వరకు ఓపికగా ఉండి, సమ్మె విరమించి డ్యూటీల్లో చేరిన కార్మికులు బొనాంజ అందుకున్నారు. ముఖ్యమంత్రి దరిదాపుల్లోకి కూడా వెళ్లే అర్హత లేని ఆర్టీసీ కార్మికులు ఆయనతో కలిసి కూర్చుని భోజనం చేసి, శుభవార్తలతో ఇంటిదారి పట్టారు. వీరి వైభవం చూసిన ప్రభుత్వ ఉద్యోగులు ‘మరి మా పరిస్థితి ఏమిటి’ అని అడుగుతున్నారు.

ముఖ్యంగా ఆర్టీసీ కార్మికులకు రిటైర్మెంటు వయసు పెంచడం కేసీఆర్‌ ఇచ్చిన అతి పెద్ద వరం. ఇదే ఇప్పుడు ప్రభుత్వ ఉద్యోగులను ఆకర్షిస్తోంది. ఏవో ఆశలు రేపుతోంది. నిజానికి ఆర్టీసిని ప్రభుత్వంలో విలీనం చేస్తానని కేసీఆర్‌ గతంలో హామీ ఇచ్చాడు. ఆంధ్రాలో సీఎం జగన్మోహన్‌ రెడ్డి తాను ఇచ్చిన హామీ ప్రకారం ఆర్‌టీసీని ప్రభుత్వంలో విలీనం చేసేందుకు కసరత్తు ప్రారంభించడంతో తెలంగాణ ఆర్టీసీ కార్మికుల్లో ఆశలు చెలరేగాయి. దీంతో తమ 26 డిమాండ్లలో దాన్నీ చేర్చారు. దీంతో కేసీఆర్‌ అగ్గిమీద గుగ్గిలమయ్యాడు. ఆ ఎపిసోడ్‌ ఎంత రసవత్తరంగా సాగిందో చూశాం.

ఆర్టీసీని ప్రభుత్వంలో విలీనం చేయాలనే డిమాండ్‌ను నిర్దాక్షిణ్యంగా తిరస్కరించిన ముఖ్యమంత్రి కార్మికులు ఊహించనివిధంగా రిటైర్మెంట్‌ వయసు పెంచి వారి నెత్తిన పాలు పోశాడు. వారు జీవితంలో యూనియన్ల ఊసెత్తకుండా, సమ్మెల ఆలోచన చేయకుండా ఉండేందుకు అనేక వరాలు ఇచ్చేశాడు. ఆర్టీసీని విలీనం చేస్తే అనేక కార్పొరేషన్లు అదే డిమాండ్‌ చేస్తాయని సమ్మె సమయంలో కేసీఆర్‌ చెప్పాడు. అందుకే విలీనం చేసే ప్రసక్తే లేదన్నాడు. ఆర్టీసీ ఖతం అన్నాడు. మరి ఆర్టీసీ కార్మికులకు రిటైర్మెంటు వయసు పెంచితే ప్రభుత్వోద్యోగులు, ఉపాధ్యాయులు ఆశ పడతారని, వారూ డిమాండ్‌ చేస్తారని తెలియదా? ఇప్పుడు వారికి కూడా జవాబు చెప్పాలి కదా.

ప్రభుత్వ ఉద్యోగులు, ఉపాధ్యాయులు రిటైర్మెంటు వయసు పెంపుపై ఎప్పటినుంచో ఆశలు పెట్టుకున్నారు. ఎందుకంటే వీరికి వేతన సవరణ చేయడంతోపాటు ఉద్యోగ విరమణ వయసు కూడా పెంచుతామని టీఆర్‌ఎస్‌ ఎన్నికల ప్రణాళికలో హామీ ఇచ్చింది. ఇప్పుడు ఆర్టీసీ కార్మికులకు బెనిఫిట్‌ చేయడంతో ఉద్యోగులు తమ సంగతి ఏమిటని ఆలోచిస్తున్నారు. ఆర్‌టీసీ కార్మికులు సమ్మెలో ఉన్నప్పుడే సీఎం కేసీఆర్‌ ఉద్యోగ సంఘాల నాయకులను పిలిపించి వారితో కలిసి లంచ్‌ చేసి, మాట్లాడి వారు ఆర్‌టీసీ కార్మికులకు మద్దతుగా సమ్మె చేయకుండా చూశాడు.

ప్రభుత్వ ఉద్యోగుల రిటైర్మెంటు వయసు పెంపు అంశం ప్రభుత్వ పరిశీలనలో ఉందని అధికార వర్గాలు చెబుతున్నాయి. మున్సిపల్‌ ఎన్నికలు దగ్గర పడుతున్నాయి కాబట్టి ముఖ్యమంత్రి ఆ వ్యవహారంలో బిజీగా ఉంటాడు కాబట్టి, ఉన్నికలు ముగిశాక తమ గురించి ఆలోచించవచ్చని ప్రభుత్వ ఉద్యోగులు ఆశపడుతున్నారు. చూడాలి మరి సీఎం వీరి విషయంలో ఎలా వ్యవహరిస్తాడో…!

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

ఆ విషయంలో విచారణకు ఆదేశించిన నిమ్మగడ్డ..!

స్టేట్ ఎలక్షన్ కమిషన్ కార్యాలయంలో చేసిన వాస్తు మార్పులపై ఎస్ఈసీ నిమ్మగడ్డ రమేష్‌కుమార్ సీరియస్ అయ్యారు. ఎవరు చెబితే ఆ మార్పులు చేశారో తనకు తెలియాలంటూ..విచారణకు ఆదేశించారు. నిమ్మగడ్డ తన ఆఫీసులో జరిగిన...

అమరావతిని కొనసాగిస్తే పదవుల్ని ఇచ్చేస్తాం..! జగన్‌గు చంద్రబాబు ఆఫర్..!

అమరావతిని ఏకైక రాజధాని కొనసాగిస్తూ... ప్రభుత్వం నిర్ణయం తీసుకుంటే... తెలుగుదేశం పార్టీ ఎమ్మెల్యేలు, ఎమ్మెల్సీలు తమ పదవులను వదిలేస్తామని ప్రతిపక్ష నేత చంద్రబాబునాయుడు.. ముఖ్యమంత్రి జగన్‌కు బంపర్ ఆఫర్ ఇచ్చారు. ఎన్నికలకు ముందు...

జేసీ ప్రభాకర్ రెడ్డికి ఎట్టకేలకు బెయిల్..!

జేసీ ప్రభాకర్ రెడ్డి, ఆయన కుమారుడు అస్మిత్ రెడ్డికి ఎట్టకేలకు బెయిల్ లభించింది. అచ్చెన్నాయుడుని అరెస్ట్ చేసిన తర్వాతి రోజే...అంటే జూన్ 13న హైదరాబాద్‌లో వారిని అరెస్టు చేసిన పోలీసులు అనంతపురంకు తరలించారు....
video

క‌ల‌ర్ ఫొటో టీజ‌ర్‌: బ్లాక్ అండ్ వైట్ కాంబో

https://www.youtube.com/watch?v=T-R3h9va2j4&feature=emb_title ప్రేమ గుడ్డిది. చెవిటిది. మూగ‌ది కూడా. దానికి ప్రేమించ‌డం త‌ప్ప బేధాలు తెలీవు. న‌ల్ల‌ని అబ్బాయి.. తెల్ల‌ని అమ్మాయి ప్రేమించుకోవ‌డం కూడా వింతేం కాదు. కానీ.. మ‌ధ్య‌లోకి ఓ పులి వ‌చ్చింది....

HOT NEWS

[X] Close
[X] Close