వైసీపీలో రాజీనామాల విప్లవం ప్రారంభమయింది. ఆ పార్టీకి రాజ్యసభ సభ్యులు, ఎమ్మెల్సీలు రాజీనామాలు చేస్తున్నారు. తాజాగా ఎంపీ మోపిదేవి వెంకటరమణతో పాటు.. ఎమ్మెల్సీ పోతుల సునీత రాజీనామా చేశారు. మోపిదేవి ఢిల్లీ వెళ్లి స్పీకర్ కు రాజ్యసభ సభ్యత్వానికి రాజీనామా లేఖ ఇచ్చి ఆ తర్వాత వైసీపీకి రాజీనామా చేసినట్లుగా అధికారికంగా ప్రకటిస్తారు. ఆయన గత ఆదివారం మరో ఎంపీతో కలిసి వెళ్లి చంద్రబాబును కలిశారని చెబుతున్నారు.
ఎమ్మెల్సీ పోతుల సునీత కూడా ఎమ్మెల్సీ పదవికి.. వైసీపీకి రాజీనామా చేశారు. ఏ పార్టీలో చేరుతారని చెప్పలేదు కానీ భవిష్యత్ కార్యాచరణ త్వరలో ప్రకటిస్తామన్నారు. టీడీపీ అధినేత చంద్రబాబునాయుడు కేబినెట్ భేటీ తర్వాత మంత్రి వర్గ సహచరులతో పిచ్చాపాటిగా మాట్లాడినప్పుడు ఎవరు టీడీపీలోకి వచ్చినా రాజీనామాలు చేసి రావాల్సిందేనన్నారు. అంటే ఇప్పుడు వైసీపీకి రాజీనామా చేసిన వాళ్లంతా టీడీపీలోకి వస్తారా అన్న చర్చలు ప్రారంభమయ్యాయి.
పోతుల సునీత కుటుంబానికి చంద్రబాబు చేసిన సాయం గురించి టీడీపీలో అందిరకీ తెలుసు. అలాంటి మహిళా నేత.. టీడీపీ ఓడిపోయాక వైసీపీలో చేరి.. చంద్రబాబు కుటుంబంపై వ్యక్తిగత విమర్శలు చేశారు. భువనేశ్వరి, బ్రాహ్మణిపై నోరు పారేసుకున్నారు. ఈ వ్యాఖ్యలపై నారా లోకేష్ కోర్టులో కేసు కూడా ఫైల్ చేశారు. ఇప్పుడు ఆమె ఎమ్మెల్సీ పదవికి.. వైసీపీకి రాజీనామా చేయడంతో టీడీపీలోకి తీసుకుంటారా అన్న చర్చ ప్రారంభమయింది. కానీ ఆమెకు వ్యతిరేకంగా టీడీపీలో బలమైన వాయిస్ వినిపిస్తోంది. అలాంటి అవకాశ వాదుల్ని పార్టీలోకి తీసుకోవద్దని డిమాండ్లు గట్టిగానే వినిపిస్తోంది.
గత ఐదేళ్లుగా వైసీపీలో ఉండి.. చంద్రబాబు కుటుంబాన్ని… టీడీపీని నానా మాటలన్న వారు.. అనేక రకాల వేధింపులకు పాల్పడినన ఇప్పుడు టీడీపీలోకి వచ్చేందుకు ప్రయత్నిస్తే తీసుకోకపోవడం మంచిదని.. అలా తీసుకుంటే.. కార్యకర్తల్లో అసహనం పెరుగుతుందని పార్టీ నేతలంటున్నారు. మరి పార్టీ హైకమాండ్ ఎంత మేల ఆలకిస్తుందో చూడాల్సి ఉంది.
