[X] Close




[X] Close




వైకాపా ప్రత్యేక పోరు ఏ మలుపు తిరుగుతుందో?

ప్రత్యేక హోదా కోరుతూ జగన్ చేసిన నిరాహార దీక్ష ఎటువంటి ఫలితం లేకుండానే ముగియడంతో వైకాపా నేతలు అయోమయంలో పడ్డారు. ఎందుకంటే జగన్ చేత దీక్షను విరమింపజేసేందుకు కేంద్రం లేదా రాష్ట్ర ప్రభుత్వం ప్రత్యేక హోదాపై ఏదో ఒక హామీ ఇస్తుందని ఆశించిన వైకాపా నేతలకు వాటి స్పందన చూసి షాక్ అయ్యారు. ముఖ్యమంత్రి చంద్రబాబు నాయుడుతో సహా మంత్రులు, తెదేపా నేతలు జగన్మోహన్ రెడ్డిపై విమర్శలతో ఎదురుదాడి చేయగా, కేంద్ర మంత్రి వెంకయ్య నాయుడు జగన్ రాష్ట్ర అభివృద్ధికి ఆటంకం కలిగిస్తున్నారన్నట్లు మాట్లాడారు.

ప్రత్యేక హోదాపై గ్రామస్థాయి నుండి పోరాటం మొదలుపెట్టి, పరిస్థితులను, ప్రజల స్పందనను ఎప్పటికప్పుడు అంచనా వేసుకొంటూ వాటిని బట్టి తమ పోరాటం ఉదృతం చేయడమో వెనక్కి తగ్గడమో చేసి ఉండి ఉంటే ఇటువంటి దుస్థితి ఎదురయ్యేది కాదు. కానీ జగన్ తొందరపాటు వలననో లేక ఆయనకి పార్టీలో సరయిన సలహా ఇచ్చేవాళ్ళు లేకనో, ఆయన ఎవరి సలహాలు సూచనలు తీసుకోకపోవడం చేతనో అకస్మాత్తుగా నిరాహార దీక్షకు కూర్చొని భంగపడ్డారు. ఇంతవరకు వచ్చిన తరువాత ఇప్పుడు వెనక్కి తగ్గాలంటే అందుకు చాలా బలమయిన కారణం కావాలి లేకుంటే నవ్వుల పాలవుతారు. అందుకే వైకాపా తన పోరాటాన్ని మళ్ళీ మొదటి నుండి కొనసాగించవలసి వస్తోంది.

అందులో భాగంగానే ఇవ్వాళ్ళ విజయవాడలోని పి.డబ్ల్యూ.డి. గ్రౌండ్స్ నుండి ముఖ్యమంత్రి క్యాంప్ కార్యాలయం వరకు వైకాపా నేతలు, ఎమ్మెల్యేలు, ఎంపీలు అందరూ ర్యాలీ కార్యక్రమం పెట్టుకొన్నారు. కానీ దానికి పోలీసులు అనుమతి ఇవ్వలేదు. ముఖ్యమంత్రి క్యాంప్ కార్యాలయానికి వేలమంది ర్యాలీగా వెళ్లేందుకు ఏ రాష్ట్రంలోను పోలీసులు అనుమతించరనే సంగతి వైకాపా నేతలకి తెలియదనుకోలేము. అయినా వాళ్ళు భారీ ర్యాలీ నిర్వహించడానికి ప్రయత్నించడంతో పోలీసులు వారిని అడ్డుకొని వ్యానుల్లో పోలీస్ స్టేషన్లకు తరలించారు. సహజంగానే వైకాపా నేతలు రాష్ట్ర ప్రభుత్వంపై విరుచుకు పడ్డారు. శాంతియుతంగా, ప్రజాస్వామ్యబద్దంగా ర్యాలీ నిర్వహించేందుకు కూడా రాష్ట్ర ప్రభుత్వం అనుమతించకుండా ప్రజాస్వామ్యాన్ని ఖూనీ చేస్తోందని విమర్శించారు. బహుశః తెదేపా నేతలు కూడా అందుకు ధీటుగానే జవాబు చెప్పవచ్చును. అయితే వైకాపా మొదలుపెట్టిన ఈ పోరాటం చివరికి ఏమలుపు తిరుగబోతోంది? ఏవిధంగా ముగుస్తుంది? అసలు ప్రత్యేక హోదా సాధించగలదా లేదా? అనే ప్రశ్నలకు కాలమే జవాబు చెప్పాలి.

Telugu360 is always open for the best and bright journalists. If you are interested in full-time or freelance, email us at Krishna@telugu360.com

Most Popular

న‌టుడు న‌ర్సింగ్ యాద‌వ్ ప‌రిస్థితి విష‌మం

సినీ న‌టుడు న‌ర్సింగ్ యాద‌వ్ ప‌రిస్థితి విష‌మంగా ఉంది. ఆయ‌న కొంత‌కాలంగా అనారోగ్యంతో బాధ‌ప‌డుతున్నారు. ఈరోజు సాయంత్రం ఆయ‌న కోమాలోకి వెళ్లిపోయారు. ప్ర‌స్తుతం హైద‌రాబాద్ లోని య‌శోదా ఆసుప‌త్రిలో చికిత్స పొందుతున్నారు. ఆయ‌న...

కోమటి జయరాం కి మాతృ వియోగం, పలువురి సంతాపం

తానా (ఉత్తర అమెరికా తెలుగు సంఘం) మాజీ అధ్యక్షుడు, ఆంధ్ర ప్రదేశ్ ప్రభుత్వ మాజీ ప్రతినిధి, కోమటి జయరాం తల్లి కోమటి కమలమ్మ ఏప్రిల్ 9, గురువారం తెల్లవారుజామున(భారత కాలమానం) 2:15లకు కన్నుమూశారు....

పేదలకు ప్యాకేజీ ప్రకటించాలని టీడీపీ డిమాండ్..!

పేదలందరికి కుటుంబానికి రూ. ఐదు వేలు చొప్పున పంపిణీ చేయాలని తెలుగు దేశం పార్టీ డిమాండ్ చేసింది. కేంద్రం ఈ మేరకు రాష్ట్రాలకు సూచనలు చేసినా పట్టించుకోవడం లేదని మండి పడింది.రాష్ట్రంలో ప్రస్తుత...

లారెన్స్ విరాళం 3 కోట్లు

డాన్సర్ గా, నటుడిగా, దర్శ‌కుడిగా త‌న‌కంటూ ఓ ప్ర‌త్యేక‌మైన గుర్తింపు సంపాదించుకున్నాడు లారెన్స్‌. ప్ర‌జా సేవ‌లోనూ ముందుంటాడు. ఓ చారిట‌బుల్ ట్ర‌స్ట్ స్థాపించి విక‌లాంగుల‌కు స‌హాయం చేస్తున్నాడు. ఇప్పుడు కరోనాపై పోరాటంలో త‌న...

HOT NEWS