రాజీనామాలు చేసి జీరోలయ్యారు..! ఢిల్లీ రాజకీయంలో వైసీపీ హిట్ వికెట్ ..!

విభజన హామీలు, ప్రత్యేకహోదా కోసం.. తామే అవిశ్రాంతంగా పోరాడుతున్నామని నిన్నామొన్నటిదాకా చెప్పుకున్న వైఎస్ఆర్ కాంగ్రెస్ పార్టీ.. ఇప్పుడంతా కుట్ర అంటూ… జరుగుతున్న పరిణామాల నుంచి సానుభూతి పొందేందుకు ప్రయత్నం చేస్తోంది. ప్రత్యేకహోదా కోసం రాజీనామాలు చేసేస్తున్నామని ప్రకటించారు. ఉపఎన్నికలు రాని తేదీలను చూసి ఆమోదించుకున్నారు. ఈ పరిణామంతో… అసలు బీజేపీతో పూర్తి స్థాయిలో కుమ్మక్కయ్యారన్న భావన ప్రజల్లోకి వెళ్లిపోయింది. ఇప్పుడు… పార్లమెంట్ లో ఆంధ్రప్రదేశ్ విభజన సమస్యలపైనే అవిశ్వాసం చర్చకు వస్తోంది. ఇలాంటి సమయంలోనే.. వైసీపీ ఎంపీలు సభలో లేకుండా పోయారు. వారు సభలో లేకపోవడం.. కచ్చితంగా ప్రజల్లోకి వెళ్తుంది. రాజీనామాలు చేయడం వల్ల వారు సాధించిందేమిటన్న చర్చ ప్రజల్లో వస్తుంది. అదే సమయంలో… తెలుగుదేశం పార్టీ ఎంపీలు కూడా రాజీనామాలు చేయాలన్న డిమాండ్ కూడా… సహజంగా చర్చకు వస్తుంది. టీడీపీ ఎంపీలపై ఒత్తిడి చేసి.. వారితోనూ రాజీనామాలు చేయిస్తే.. ఇలాంటి పరిస్థితుల్లో కేంద్రంపై ఒత్తిడి తేవడానికి ఏపీ తరపున పార్లమెంట్ లో ఎవరుండేవారున్న ఆలోచన.. ప్రజల్లోకి రావడం ఖాయమే. వైసీపీ వ్యూహాలన్నీ బీజేపీని గట్టెక్కించడానికేనన్న భావన తెచ్చేందుకు టీడీపీ సాధ్యమైనంతగా ప్రయత్నిస్తోంది. ఇది వైసీపీని మరింతగా కార్నర్ చేయనుంది.

రాజీనామా చేసిన ఎంపీలు.. పార్లమెంట్ లో తెలుగుదేశం ఎంపీలు… పోరాటంతో.. దేశ ప్రజల దృష్టిని ఆకర్షించబోతున్నారని.. ముందుగానే గ్రహించారు. అందుకే … మాజీ ఎంపీలనే హోదాతో … తొలి రోజే పార్లమెంట్ కు వచ్చారు. గాందీ విగ్రహం వద్ద ధర్నాకు దిగబోయారు. కానీ మార్షల్స్ అడ్డుచెప్పడంతో.. ధర్నా చేయడానికి కూడా అవకాశం లేకుండా పోయింది. రాజ్యసభలో ఉన్న ఇద్దరు సభ్యులు గాంధీ విగ్రహం వద్ద ప్లకార్డులు పట్టుకుని నిలబడితే.. వారికి సంఘిభావం తెలియజేయడం మినహా మరేమీ చేయలేకపోయారు. రాజీనామాలు చేసి ఏమి కోల్పోయామో.. వారికి అప్పుడు అర్థమై ఉంటుంది. కానీ తప్పు చేశామని వారు అంగీకరిస్తే…అంత కంటే… రాజకీయ తప్పిదం ఉండదు కాబట్టి… కాంగ్రెస్, బీజేపీ, టీడీపీ కుమ్మక్కయ్యాయనే వాదన వినిపించేందుకు కూడా వెనుకాడటం లేదు.

ఓ వైపు ఎంపీలు మాజీలయ్యారు.. రాజ్యసభలో ఉన్న ఇద్దరు ఎంపీలకూ నోరు లేదు. విజయసాయిరెడ్డి ..బీజేపీకి, మోదీకి వ్యతిరేకంగా ఒక్క మాట మాట్లడలేరు. ఇక వేమిరెడ్డి… నిన్నమొన్న ఎంపీ అయిన వ్యక్తి. ఆయనకు అంత టాకింగ్ పవర్ కూడా లేదు. అంటే.. వైసీపీ తరపున అటు లోక్ సభలో కానీ.. ఇటు రాజ్యసభలో కానీ వాయిస్ వినిపించేవారే లేరు. పార్లమెంట్ బయట వాదన వినిపిద్దామన్నా.. వారికి ఏ వాదన వినిపించాలో కూడా అర్థం కాని పరిస్థితుల్లో పడిపోయారు. ఓ సారి బీజేపీతో టీడీపీ కుమ్మక్కయిందంటారు.. మరో సారి కాంగ్రెస్ తో కుమ్మక్కయిందంటారు.. చివరికి తాము ఏం చెబుతున్నారో తమకే అర్థం కాని పరిస్థితుల్లో పడిపోయారు. రాజకీయ వ్యూహలేమితనంతో.. వైసీపీ.. ఒక్క బంతి కూడా ఆడకుండానే ఢిల్లీ రాజకీయంలో క్లీన్ బౌల్డ్ అయిపోయింది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

నీల‌కంఠ‌తో రాజ‌శేఖ‌ర్‌

షో సినిమాతో ఆక‌ట్టుకున్నాడు నీల‌కంఠ‌. మిస్స‌మ్మ త‌న‌కు మంచి గుర్తింపు తెచ్చింది. ప‌లు అవార్డులు అందించింది. దాంతో క్లాస్ ద‌ర్శ‌కుడిగా గుర్తింపు తెచ్చుకున్నాడు. చాలా కాలంగా నీల‌కంఠ ఖాళీగా ఉన్నాడు. అయితే.. ఇప్పుడు...

అపెక్స్ భేటీలో ఏపీ, కేంద్రం నోళ్లు మూయిస్తాం: కేసీఆర్

ఆంధ్రప్రదేశ్ ప్రభుత్వంపై కేసీఆర్ అసహనం వ్యక్తం చేశారు. స్నేహహస్తం చాచినా.. కావాలని కయ్యం పెట్టుకుంటోందని మండిపడ్డారు. ఈ విషయంలో కేంద్ర విధానాలు కూడా సరిగ్గా లేవన్నారు. అపెక్స్ కౌన్సిల్ సమావేశంలో అనుసరించాల్సిన వైఖరిని...

13 నెలల్లో 13 జిల్లాలకు ఏం చేశారో చెబుతారా..?: చంద్రబాబు

ఐదేళ్ల పాలనలో 13 జిల్లాలకు తెలుగు దేశం హయాంలో ఏం చేశామో.. ఎలా అభివృద్ది వికేంద్రీకరణ చేశామో... టీడీపీ అధినేత చంద్రబాబు మీడియాకు వివరించారు. పదమూడు నెలల్లో...వైసీపీ సర్కార్ ఏం చేసిందో...

మీడియా వాచ్‌: తీవ్ర సంక్షోభంలో ‘ఈనాడు’

తెలుగులో అగ్ర‌గామి దిన‌ప‌త్రిక ఈనాడు. ద‌శాబ్దాలుగా నెంబ‌ర్ వ‌న్‌గా చ‌లామణీ అవుతోంది. అయితే... క‌రోనా నేప‌థ్యంలో నెంబ‌ర్ వ‌న్ సంస్థ సైతం తీవ్ర సంక్షోభాన్ని ఎదుర్కొంటోంది. క‌రోనా ఉప‌ద్ర‌వానికి ముందు ఈనాడు...

HOT NEWS

[X] Close
[X] Close