స్పీకర్‌! న్యూస్‌ మేకర్‌!!

Telakapalli-Raviరంగా హత్యకేసుకు సంబంధించి జగన్‌ స్పీకర్‌ కోడెల శివప్రసాదరావుపై తీవ్ర ఆరోపణ చేయడం, దానికి ఆయన అంతే తీవ్రంగా సమాధానమివ్వడం రాజకీయ దుమారం రేపాయి. జగన్‌ జాగ్రత్త పాటించలేదని నేను నిన్ననే 360లో రాశాను. తర్వాత కోడెల కూడా అంతే తీవ్రంగా స్పందించారు. సామాన్యంగా స్పీకర్లు రాజకీయ వివాదాలపై స్పందించరు గనక ఇది చర్చనీయమైంది. “స్పీకింగ్‌కు అవకాశం లేని పీఠాన్ని ఆలంకరించే వ్యక్తిని స్పీకర్‌ అని ఎందుకంటారో అర్థం కాదు” అని ఒకసారి కోడెలతో ఆంటే సరదాగా నవ్వేశారు. అయితే ఎవరు మాట్లాడాలన్నా అనుమతి ఇచ్చే అధికారం వుంటుంది. క్రియాశీల రాజకీయాల్లోనూ అందులోనూ..క్రిమినల్‌ వివాదాల్లోనూ కూడా ఢక్కాముక్కీలు తిన్న కోడెల వంటి వ్యక్తి రాజకీయాలు మాట్లాడకుండా స్పీకర్‌ స్థానంలో నిగ్రహంగా వుండటం పెద్ద సవాలే. అయితే చంద్రబాబు నాయుడు ఆయనను కేబినెట్‌లోకి తీసుకోకపోవడంతో, ఒక ప్రముఖ వ్యక్తి కూడా గట్టిగా చెప్పిన తర్వాత స్పీకర్‌ స్థానంలోకి తీసుకున్నట్టు చెబుతారు. సభలో ఒక్కటే ప్రతిపక్షం వుండటం, దానికి ప్రభుత్వ పక్షానికీ మధ్యన నిరంతర ఘర్షణ వీటి మధ్య స్పీకర్‌ స్థానం పెద్ద ఉద్రిక్త పీఠంగా మారిపోయింది. అయితే కోడెల సీనియారిటీని బట్టి చూస్తే జగన్మోహన రెడ్డిని ప్రస్తావిస్తూ పదే పదే మాట్లాడ్డంలో కొంత సంయమనం చూపిస్తుంటారనే చెప్పాలి. తను అవకాశమిచ్చినప్పుడు జగన్‌ ఉపయోగించుకోలేకపోతున్నారని ఆయన అంటుంటారు. జ్యోతుల నెహ్రూ, శ్రీకాంత్‌ రెడ్డి వంటి వైసీపీ నేతలతో ఆయన మధ్య మధ్య మాట్లాడి సర్దుబాటు చేస్తుంటారు కూడా. ఏమైనా తెలుగుదేశం వైసీపీల మధ్య రోజువారి కుంపటి చల్లారే ప్రసక్తి లేదు గనక కోడెల కూడా అందుకు అనుగుణంగానే వ్యవహరించడంలో ఆశ్చర్యం లేదు. ప్రస్తుతం వైసీపీ ఆయనపై అవిశ్వాస తీర్మానం నోటీసు ఇచ్చింది కూడా. ఈ నేపథ్యంలో జగన్‌ వ్యాఖ్యలు కోడెల ప్రతిస్పందన మరింత వివాదగ్రస్తమవుతున్నాయి. వీటి ప్రభావం సభలో ప్రతిబింబించకూడదని ఆశించాలి. గతంలో ఇచ్చిన అవిశ్వాస తీర్మానం తీసుకునే అవకాశం తక్కువ. ఎందుకంటే ఆ సభతో పాటే ఆ నోటీసు కూడా వెనక్కుపోతుందని ఒక వివరణ ఇస్తున్నారు. కాకుండా దాన్ని చర్చకు చేపట్టేమాటయితే సమావేశాలలో మొదటే తీసుకోవచ్చు. నిర్ణయం కూడా సభాపతి తీసుకోవలసిందే.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

వైసీపీలో “వన్ ఇయర్” మార్పు..! సజ్జలే నెంబర్ టూ..!?

వైఎస్ఆర్ కాంగ్రెస్ పార్టీలో నెంబర్ టూ ఎవరు అంటే.. అందరూ.. ఎంపీ విజయసాయిరెడ్డి పేరును మొదటి ఆప్షన్‌గా పెడతారు. ఎందుకంటే.. అంత క్రియాశీలకంగా ఉంటారు ఆయన. అటు ఢిల్లీలో పరిస్థితుల్ని...

బీజేపీ గవర్నరేగా సంతకం పెట్టింది..! ఎలా స్వాగతిస్తున్నారు..?

ఎస్‌ఈసీగా రమేష్‌కుమార్‌ను తొలగిస్తూ.. తీసుకు వచ్చిన ఆర్డినెన్స్ చెల్లదని..హైకోర్టు తీర్పు ఇచ్చిన తర్వాత భారతీయ జనతా పార్టీ నేతలు కూడా.. పోటీలు పడి స్వాగతించారు. ఢిల్లీలో జీవీఎల్ నరసింహారావు దగ్గర నుంచి...

ఫిరాయించిన ఆ ఇద్దరు టీడీపీ ఎమ్మెల్సీలపై అనర్హతా వేటు..!?

మూడు రాజధానులు, సీఆర్డీఏ బిల్లు విషయంలో మండలిలో టీడీపీకి అనుకూలంగా ఓటు వేయకుండా.. వైసీపీ గూటికి చేరిపోయిన ఎమ్మెల్సీలు పోతుల సునీత, శివనాథరెడ్డిలపై అనర్హతా వేటు వేయడానికి టీడీపీ రంగం సిద్ధం చేసుకుంది....

ఏడాది యాత్ర 11 : అంచనాలు ఎక్కువ… ఆచరణ తక్కువ..!

ఇంత ఓవర్ ఎక్స్‌పెక్టేషన్స్ తట్టులేకపోతున్నాను భయ్యా..! .. అంటాడు ఓ సినిమాలో హీరో. నిజంగానే ఆ సినిమాకు హైప్ ఓ రేంజ్‌లో వచ్చింది. ఎంతగా అంటే.. సినిమా ఎంత అద్భుతంగా తీసినా .....

HOT NEWS

[X] Close
[X] Close