తెదేపాతో కటీఫ్ గురించి కిషన్ రెడ్డి ఏమన్నారంటే…

గ్రేటర్ ఎన్నికలలో తెదేపా-బీజేపీ కూటమి ఓడిపోగానే, తెదేపాతో స్నేహం కారణంగానే బీజేపీ కూడా మునిగిందని ఆ రాష్ట్ర బీజేపీ నేతలు కొందరు అభిప్రాయపడినట్లు, కనుక ఇకనయినా తెదేపా నుండి తమకు విముక్తి కల్పించాలని వారు త్వరలో తమ పార్టీ అధిష్టానాన్ని కోరబోతున్నట్లు మీడియాలో వార్తలు వచ్చేయి. ఆ వార్తలను బీజేపీ రాష్ట్ర అధ్యక్షుడు కిషన్ రెడ్డి వెంటనే నిన్న ఖండించారు.

“తెదేపాతో పొత్తు వలన ఈ ఎన్నికలలో ఓడిపోయామని మేము భావించడం లేదు. అందుకు వేరే కారణాలు చాలా ఉన్నాయి. కనుక అందుకు తెదేపాను నిందించడం సరికాదు,” అని అన్నారు.

సాధారణంగా ఇటువంటి ఘోర పరాజయాల తరువాత అంతవరకు మిత్రపక్షాలుగా మెలిగిన పార్టీలు ఒకదానినొకటి నిందించుకోవడం సహజమే. మొదటి నుంచి తెదేపాతో పొత్తులు వ్యతిరేకిస్తున్న తెలంగాణా బీజేపీ నేతలు ఈ ఘోర పరాజయానికి తమ అధిష్టానానికి సంజాయిషీ చెప్పుకోవలసి ఉంటుంది కనుక అందుకు బలమయిన కారణం ఏదో ఒకటి కనుగొనవలసి ఉంటుంది. బహుశః అందుకే వారు ఈ అపజయాన్ని తెదేపా ఖాతాలో వ్రాసే ప్రయత్నం చేస్తే అందులో ఆశ్చర్యమేమీ లేదు. కానీ ఈ పరిస్థితులలో మీడియా వార్తలపై కిషన్ రెడ్డి వెంటనే స్పందించి తెదేపాను వెనకేసుకు రావడమే ఆశ్చర్యం కలిగిస్తోంది.

సాధారణ పరిస్థితులలో అయితే కిషన్ రెడ్డి ఇటువంటి వార్తలను వెంటనే ఖండించవలసి ఉండేది కానీ ఇటువంటి పరిస్థితులలో వాటిని ఖండించకపోయినా కొత్తగా జరిగే నష్టం ఏమీ లేదు. అయినా కిషన్ రెడ్డి ఖండించడం గమనిస్తే బహుశః ఆయన వాస్తవ పరిస్థితులను దృష్టిలో ఉంచుకొని తెదేపాతో స్నేహం కొనసాగించడమే మంచిదని అభిప్రాయపడుతున్నారనుకోవలసి ఉంటుంది.

ఏపిలో తెదేపాతో బీజేపీకి ఉన్న అవసరాల దృష్ట్యా తెలంగాణాలోనూ దానితో పొత్తులు కొనసాగించక తప్పదు. ఏపిలో మిత్రపక్షాలుగా ఉంటూ పొరుగునే ఉన్న తెలంగాణాలో శత్రువులుగా మెలగడం సాధ్యం కాదు కూడా. కనుక ఒకవేళ తాము తెదేపాతో పొత్తులు వ్యతిరేకించినా తమ అధిష్టానం అంగీకరించదని కిషన్ రెడ్డి గ్రహించే ఉంటారు. పైగా తెలంగాణాలో బలంగా ఉన్న తెదేపా-బీజేపీలు కలిసి పోటీ చేస్తేనే తెరాసను ఓడించలేకపోయినప్పుడు, ఇక ఒంటరిగా దానిని డ్డీ కొనడం అసాధ్యమనే విషయం ఆయన గ్రహించి ఉండవచ్చును.

ఒకవేళ తెదేపాతో పొత్తులు వద్దనుకొంటే అప్పుడు తెదేపాను కూడా ప్రతీ ఎన్నికలలో డ్డీ కొనవలసి ఉంటుంది. ఇవికాక రాష్ట్రంలో తెరాసకు అనుకూల వాతావరణం కలిగి ఉండటం, దాని దూకుడు, ప్రతిపక్ష పార్టీల నేతలను కార్యకర్తలను ఆకర్షించి వాటిని క్రమంగా అది నిర్వీర్యం చేస్తుండటం వంటి అనేక కారణాల చేత ఈ ఎన్నికలలో తమకు ఓటమి ఎదురయిందనే విషయం కిషన్ రెడ్డికి కూడా తెలుసు. బహుశః అందుకే కిషన్ రెడ్డి తెదేపాను వెనకేసుకు వచ్చి ఉండవచ్చును.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

అమెరికాలో విస్తరిస్తున్న  “రేసిజం వైరస్..!”

కరోనా దెబ్బకు అమెరికా వణికిపోతూంటే.. తాజాగా... పోలీసుల ఆకృత్యం వల్ల ఆఫ్రికన్ అమెరికన్ మరణించడం.. మరింతగా ఇబ్బంది పెడుతోంది. నల్ల జాతీయుడిని పోలీసుల అకారణంగా చంపడంపై నిరసనలు హింసకు దారి తీసేలా జరుగుతున్నాయి....

మీడియా వాచ్ :  సాక్షికి ఫుల్ పేజీ యాడ్స్ కిక్..!

వైరస్ దెబ్బకు ఆదాయం లేక మనుగడ సమస్య ఎదుర్కొంటున్న న్యూస్ పేపర్ ఇండస్ట్రీలో సాక్షి సంచలనాలు సృష్టించడం ఖాయంగా కనిపిస్తోంది. ఆ పత్రికకు దేశంలో ఇతర ఏ పత్రికకు లేనంత ఆదాయం కనిపించనుంది....

హైకోర్టు తీర్పుకే వక్రభాష్యం..! ప్రభుత్వం తప్పు మీద తప్పు చేస్తోందా..?

నిమ్మగడ్డ రమేష్‌కుమార్ విషయంలో ప్రభుత్వం తప్పు మీద తప్పు చేస్తోందా.. అన్న అభిప్రాయం న్యాయనిపుణుల్లో వినిపిస్తోంది. ఇప్పటి వరకూ వివిధ కేసుల్లో హైకోర్టు తీర్పును అమలు చేయకుండా.. దొడ్డిదారి ప్రయత్నాలు చేశారు... కానీ...

ప్రభుత్వం సుప్రీంకోర్టుకు వెళ్లే వరకూ రమేష్‌కుమార్ బాధ్యతలు తీసుకోకూడదట..!

స్టేట్ ఎలక్షన్ కమిషనర్‌గా నిమ్మగడ్డ రమేష్‌కుమార్ బాధ్యతలు తీసుకున్నట్లుగా ప్రకటించుకుని.. సిబ్బందికి ఆదేశాలు జారీ చేయడం చట్ట విరుద్ధమని తాజాగా ఏపీ ప్రభుత్వం వాదన వినిపించడం ప్రారంభించింది. సోమవారం.. ఎస్‌ఈసీగా రమేష్...

HOT NEWS

[X] Close
[X] Close