మూడు వారాలు దేశం మొత్తం లాక్‌డౌన్ : మోడీ

ఈ అర్థరాత్రి నుంచి దేశం మొత్తం మూడు వారాల పాటు లాక్‌డౌన్ ప్రకటించారు ప్రధానమంత్రి నరేంద్రమోదీ. ప్రజలందరూ ఇంట్లోనే ఉండాలని.. ఇల్లు విడిచి బయటకు రావడం నిషేధమని..మోడీ స్పష్టం చేశారు. కరోనాను నిరోధించడానికి ఇంతకు మించిన మార్గం లేదన్నారు. కరోనా సోకిన వ్యక్తి సాధారణంగానే ఉంటాడని.. అతనిలో లక్షణాలు బయటపడటానికి కొంత సమయం పడుతుందన్నారు. ఆ లోపు ఇతరులకు.. వైరస్‌ను అంటించే ప్రమాదం ఉందన్నారు. దాన్ని నిరోధించాలంటే… లాక్‌డౌన్ తప్పదని పేర్కొన్నారు. ఈ ఇరవై ఒక్క రోజులు మనకు చాలా కీలకమని .. ఇది ఓ రకంగా కర్ఫ్యూ లాంటిదేనని.. ఉల్లంఘిస్తే కఠిన చర్యలు ఉంటాయని స్పష్టం చేశారు.

ఈ ఇరవై ఒక్క రోజుల్ని మనం సమర్థంగా డీల్ చేయలేకపోతే.. ఇరవై ఒక్క ఏళ్లు వెనుకబడిపోతామని మోడీ హెచ్చరించారు. కరోనా చాలా వేగంగా వ్యాప్తి చెందుతోందని.. మోడీ ఆందోళన వ్యక్తం చేశారు. చేతులు కాలిన తర్వాత ఆకులు పట్టుకోవడం కన్ా.. ముందుగానే మేలుకుని చర్యలు తీసుకోవడం మంచిదన్న అభిప్రాయాన్ని ప్రధాని వ్యక్తం చేశారు. లాక్‌డౌన్ సమయంలో.. అత్యవసర సేవలు మినహా అన్నీ ఆగిపోనున్నాయి. ప్రజలకు నిత్యావసర వస్తువులు అందించేందుకు కేంద్ర, రాష్ట్ర ప్రభుత్వాలు నిరంతరం శ్రమిస్తాయని స్పష్టం చేశారు. కరోనాను ఎదుర్కోవడానికి ఆరోగ్య రంగానికి తక్షణం రూ. పదిహేను వేల కోట్లను మోడీ ప్రకటించారు.

ఇండియాలో కరోనా పాజిటివ్ కేసులు రాపిడ్‌గా పెరుగుతున్నాయి. ఇప్పటికి సంఖ్య 519కి చేరింది. గతంలో విదేశాల నుంచి వచ్చిన వాళ్ల ద్వారా ఇతరులకు సోకాయని..వారి ద్వారా శరవేగంగా వ్యాప్తి చెందుతోందని ప్రభుత్వానికి నిర్ణయానికి వచ్చింది. ఈ వ్యాప్తిని నిలిపివేయాలంటే.. ఖచ్చితంగా ఇరవై ఒక్క రోజులు లాక్ డౌన్ చేయాల్సిందేనని నిర్ణయానికి వచ్చినట్లుగా తెలుస్తోంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

ఆ ఎమ్మెల్యే కూడా పార్టీ మారడం లేదని క్లారిటీ ఇచ్చేశారు..!

వైసీపీలో చేరబోతున్నారని ప్రచారం జరిగిన రేపల్లె ఎమ్మెల్యే అనగాని సత్యప్రసాద్ కూడా..ఖండించారు. తాను పార్టీ మారబోవడం లేదని ప్రకటించారు. ఎప్పటిలాగే తనపై తప్పుడు ప్రచారం జరుగుతోందన్నారు. పార్టీలోని కొంత మంది వ్యక్తులు కూడా...

ఎస్ఈసీ ఆర్డినెన్స్‌పై హైకోర్టు తీర్పును సవాల్ చేసిన ఏపీ సర్కార్..!

ఎస్ఈసీ అర్హతలు మార్చుతూ తెచ్చిన ఆర్డినెన్స్‌పై హైకోర్టు ఇచ్చిన తీర్పుపై స్టే ఇవ్వాలని కోరుతూ.. ఏపీ సర్కార్ సుప్రీంకోర్టులో స్పెషల్ లీవ్ పిటిషన్ దాఖలు చేసింది. సుప్రీంకోర్టుకు వేసవి సెలవులు కొనసాగుతున్నప్పటికీ...ఎస్ఎల్పీ దాఖలు...

శంకించొద్దు.. జగన్‌కు విధేయుడినే : విజయసాయిరెడ్డి 

తాను చనిపోయేవరకు జగన్‌కు, ఆయన కుటుంబానికి విధేయుడిగానే ఉంటానని.. నన్ను శంకించాల్సిన అవసరం లేదని ఎంపీ విజయసాయిరెడ్డి మీడియా ముఖంగా వెల్లడించారు. వైఎస్ జగన్ కు... అత్యంత ఆప్తునిగా పేరు తెచ్చుకున్న ఆయన...

అమిత్‌షాతో భేటీకి మంగళవారం ఢిల్లీకి జగన్..!?

ఆంధ్రప్రదేశ్ ముఖ్యమంత్రి జగన్మోహన్ రెడ్డి మంగళవారం అత్యవసరంగా ఢిల్లీకి వెళ్తున్నట్లుగా తెలుస్తోంది. ఈ మేరకు మీడియా ప్రతినిధులకు అనధికారిక సమాచారం అందింది. జగన్మోహన్ రెడ్డి ఢిల్లీకి వెళ్తారని.. కేంద్ర హోంమంత్రి అమిత్...

HOT NEWS

[X] Close
[X] Close