కోట్లకు కోట్ల కరెంట్ పనులు..! ఎవరా వీవీఐపీలు..?

ఓ ఇల్లు కడితే ఎంత అవుతుంది..?
సామాన్యుడు డబుల్ బెడ్ రూం ఇల్లుని లగ్జరీగా కట్టుకుంటే రూ. 50 లక్షలు అవుతుంది. ధనవంతుడు విల్లాలా కట్టుకుంటే.. రెండు, మూడు కోట్లు అవుతుంది. కుబేరుడు వంద కోట్లు పెట్టి అయినా ఇల్లు కట్టుకోవచ్చు.

ఎంత కట్టుకున్నా.. ఒక్క కరెంట్ పనుల కోసమే… కోట్లకు కోట్లు ఖర్చు పెట్టరు. కానీ ఆంధ్రప్రదేశ్ ప్రభుత్వం వీవీఐపీ ఇళ్లలో ఖర్చుల కోసం అంటూ.. ఏకంగా రూ. ఆరు కోట్ల పదమూడు లక్షలు విడుదల చేసింది. చేయమని కాదు.. చేసేశారని.. డబ్బులు చెల్లించారు. గత మూడు నెలల కాలంలో వీవీఐపీ భవనాలు, వీవీఐపీ ఏరియాల్లో ఎలక్ట్రికల్‌, ఎలక్ట్రో-మెకానికల్‌ పనులకు సంబంధించి రూ.6.13 కోట్లకుపైనే బిల్లులు చెల్లించేందుకు ఆర్‌అండ్‌బీ ఎలక్ట్రికల్‌ విభాగానికి అనుమతి ఇస్తూ జీవో 157ని విడుదల చేశారు. దీంతో… ఆ వీవీఐపీలు ఎవరు..? అసలు వీవీఐపీ ఏరియాలు ఎక్కడ ఉన్నాయి..? అన్న చర్చ ప్రారంభమయింది.

ఆంధ్రప్రదేశ్ రాజధాని ఏదో క్లారిటీ లేదు. ప్రభుత్వం అమరావతి నుంచి తరలించాలనుకుంటోంది. గత ప్రభుత్వం కట్టిన క్వార్టర్స్ అందుబాటులోకి రాలేదు. ఒక్క సీఎం మాత్రమే సొంత ఇంటిలో ఉంటున్నారు. మంత్రులు సహా.. ప్రభుత్వ ప్రధాన కార్యదర్శి సహా.. అందరికీ.. అద్దె భవనాలను క్వార్టర్లుగా కేటాయించి… అద్దె ప్రభుత్వం భరిస్తోంది. అద్దె భవనాలకు… ఇలా కోట్లు పెట్టి… ఎలక్ట్రికల్ పనులు చేయించరు. మరి వీవీఐపీ ఏరియా ఎక్కడ ఉంది..? ఎ వీవీఐపీ భవనాల్లో ఎలక్ట్రికల్ పనులు చేశారనేది.. మిస్టరీగా మారింది. గవర్నర్ నివాసం రాజ్‌భవన్‌ వీవీఐపీ భవనం కేటగిరీలోకి వస్తుంది. కానీ.. రాజ్‌భవన్‌లో చేపట్టే పనులు, వాటికి నిధు లు కేటాయిస్తే రహస్యంగా ఉంచరు.

పారదర్శకతే తమ విధానమని ప్రభుత్వం చెబుతూ ఉంటుంది. కానీ.. జీవోల్లో మాత్రం అది కనిపించడం లేదు. ప్రజాధనం రూ. ఆరు కోట్లకుపైగా ఖర్చు పెట్టి.. ఎక్కడ ఖర్చు పెట్టారో కూడా తెలియకుండా నిధుల మంజూరుకు జీవోలిస్తే.. ప్రజలకు అనేక సందేహాలు.. అనుమానాలు వస్తాయి. అవి ఊహాగానాలకు దారి తీస్తాయి. వాటిపై ప్రభుత్వం క్లారిటీ ఇవ్వాల్సి ఉంది. అసలు వీవీఐపీ కేటగిరిలోకి ఎవరు వస్తారు..? ఆ వీవీఐపీ ఏరియాల్లో ఉంటున్న వీవీఐపీలు ఎవరు..? వీటన్నింటిపై వివరణ ఇస్తేనే… ప్రజలకు తెలుస్తుంది. లేకపోతే.. పరిపరివిధాలుగా అనుకునే ప్రమాదం ఉంది.

అయితే.. ఈ వీవీఐపీ ముఖ్యమంత్రి కాదని మనం అంచనా వేసుకోవచ్చు. ఎందుకంటే.. సీఎంకు చెందిన తాడేపల్లి ఇంటికి గతంలో రూ.3.63 కోట్ల వ్యయంతో ఎలక్ట్రికల్‌ పనులు, భవనం వార్షిక నిర్వహణకు రూ.1.20 కోట్లు, అల్యూమినియం కిటీకీల ఏర్పాటుకు రూ.73 లక్షలు మంజూరయ్యాయి. కానీ తర్వాత రాజధానిని తరలించాలని నిర్ణయం తీసుకునే ముందుగానే ఆ జీవోలను రద్దు చేశారు. ఇప్పుడు కొత్తగా ఎవరి ఇళ్లకు ఈ మొత్తం ఖర్చు చేశారన్నది క్లారిటీ రావాల్సి ఉంది..!

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

మీడియా వాచ్‌: ఈనాడులో గంద‌ర‌గోళం

తెలుగు మీడియా రంగంలో రారాజు.. ఈనాడు. భ‌విష్య‌త్ అవ‌స‌రాల్ని దృష్టిలో ఉంచుకుని, త‌న‌ని తాను మ‌ల‌చుకోవ‌డంలో ఈనాడుకి తిరుగులేదు. ప‌దేళ్ల ముందుకెళ్లి ఆలోచించుకుని, అందుకు త‌గ్గ‌ట్టుగా స‌ర్వ‌స‌న్న‌ద్ధం అవ్వ‌డం ఈనాడు ప్ర‌త్యేక‌త‌. అయితే...

ట్రావెన్‌కోర్ రాజకుటుంబానికే ” అనంత పద్మనాభుని” బాధ్యతలు..!

దేశంలో అత్యంత ధనిక ఆలయంగా పేరు తెచ్చుకున్న కేరళలోని అనంతపద్మనాభ స్వామి ఆలయం బాధ్యత ట్రావెన్‌కోర్ రాజ కుటుంబానిదేనని.. సుప్రీంకోర్టు స్పష్టం చేసింది. ఈ మేరకు తుది తీర్పు వెలువరించింది. అలాగే త్రివేండ్రం...

జగన్ పార్టీకి ” వైఎస్ఆర్” నోటీసులొచ్చాయ్..!

జగన్మోహన్ రెడ్డి సారధ్యంలోని యువజన శ్రామిత రైతు కాంగ్రెస్ పార్టీకి కొత్త చిక్కులు వచ్చిపడ్డాయి. వైఎస్ఆర్ కాంగ్రెస్ పార్టీ అనే పేరును ఎలా వాడుకుంటున్నారంటూ.. ఢిల్లీ హైకోర్టు నోటీసులు జారీ చేసింది. అలా...

పవన్ కి మద్దతివ్వను, జగన్ ని ప్రశ్నించను, కేంద్రంపై నెట్టేస్తా, తప్పుకుంటా: ముద్రగడ లేఖ

ముద్రగడ పద్మనాభం తమ జాతిని ఉద్దేశించి మరొకసారి సుదీర్ఘమైన లేఖ రాశారు. 2 వారాల క్రితం ముద్రగడ ముఖ్యమంత్రి గారిని ఉద్దేశించి రాసిన లేఖ సొంత సామాజిక వర్గం నుండే విమర్శలు పొందడం...

HOT NEWS

[X] Close
[X] Close