ఇవ్వాళ్ళ ఉదయం 9 గంటలకు విజయవాడలోని కనకదుర్గ గుడి వద్ద ఫ్లై ఓవర్ నిర్మాణానికి కేంద్ర మంత్రి నితిన్ గడ్కారి శంఖుస్థాపన చేయనున్నారు. ఈ కార్యక్రమంలో ముఖ్యమంత్రి చంద్రబాబు నాయుడు, కేంద్ర మంత్రి వెంకయ్య నాయుడు, రాష్ట్ర బీజేపీ మంత్రులు మాణిక్యాల రావు, డా. కామినేని శ్రీనివాస్, రాష్ట్ర బీజేపీ అధ్యక్షుడు కంబంపాటి హరిబాబు, ఇతర మంత్రులు, ప్రజా ప్రతినిధులు హాజరు కాబోతున్నారు. ఈ ఫ్లై ఓవర్ నిర్మాణానికి కేంద్రప్రభుత్వం రూ.350 కోట్లు మంజూరు చేసింది. రాష్ట్ర ప్రభుత్వం మరో రూ.115 కోట్లు కేటాయిస్తుంది. దీని నిర్మాణం ఏడాదిలోగానే పూర్తి చేయాలని ముఖ్యమంత్రి చంద్రబాబు నాయుడు అధికారులను ఆదేశించారు. ఈ శంఖుస్థాపన కార్యక్రమానికి చాలా మంది ప్రముఖులు తరలి వస్తున్నందున విజయవాడలో కనకదుర్గ గుడి వద్ద ట్రాఫిక్ ని వేరే మార్గాలలోకి పోలీసులు మళ్ళించారు.
నేడు విజయవాడ దుర్గ గుడి ఫ్లై ఓవర్ కి శంఖుస్థాపన
