సినిమా వసూళ్ల ప్రభావితం చూపుతున్న ఈ తరుణంలో స్టార్ హీరో అడిగినంత ఇచ్చి సినిమాలను చేస్తున్నారు దర్శక నిర్మాతలు. హీరోలకున్న క్రేజ్ ని క్యాష్ తో కొట్టి వారు సినిమాలు చేసే ప్రయత్నం చేస్తున్నారు. అయితే ప్రస్తుతం టాలీవుడ్ హీరోల్లో పారితోషికం ఎక్కువ తీసుకునే వారిలో పవన్ కళ్యాణ్, మహేష్ బాబు ముందు వరుసలో ఉంటారు. మొన్నటిదాకా 15 కోట్లు తీసుకుంటున్న వీరు చేస్తున్న సినిమాలకు 5 కోట్లు పెంచారని తెలుస్తుంది.
కొద్దికాలంగా సరైన హిట్లు లేక కాస్త వెనుకపడ్డ ఎన్టీఆర్ టెంపర్ సినిమాతో హిట్ కొట్టాడు. ఈమధ్య ఓ సినిమాకు భారీ పారితోషికం ఇస్తామని చెప్పి అవకాశం వచ్చినా కాదని చెప్పాడట. ఈ దీపావళికి తమిళంలో విడుదలైన ‘వేదళం’ సినిమా అజిత్ కెరియర్ లోనే బిగ్గెస్ట్ హిట్ గా నిలిచింది. అయితే ఆ సినిమాను తెలుగులో ఎన్టీఆర్ చేత చేయించేందుకు విశ్వ ప్రయత్నాలు చేస్తున్నాడట తమిళ సినిమా నిర్మాత ఏ.ఎం.రత్నం. ముందు ఈ సినిమా చిరంజీవితో చేయిద్దామనుకుంటే ఆయన ఏం మాట్లాడకపోయేసరికి ఎన్టీఆర్ తో తప్పకుండా చేయాలని జూనియర్ కు 20 కోట్ల పారితోషికం ఇస్తానని అన్నాడట.
పారితోషికం బాగానే ఉన్నా సినిమా చేస్తే మళ్లీ ‘రాఖి’, ‘ఊసరవెల్లి’ లాంటి ఇమేజ్ వచ్చి పడుతుందని కాదన్నాడట. వేదళం దర్శకుడు శివ తెలుగులో కూడా మంచి సినిమాలే తీశాడు. ఇప్పుడు ఆయనే ఎన్టీఆర్ తో తెలుగులో వేదళం చేద్దామనుకుంటే ఎన్టీఆర్ ఏమో ససేమీరా అంటున్నాడట. మరి వేదళం కోసం అంత ఇస్తానన్న వద్దన్నఎన్టీఆర్ ని చూస్తుంటే తీసే సినిమాలన్ని చాలా జాగ్రత్తగా ప్లాన్ చేస్తున్నాడనిపిస్తుంది. ప్రస్తుతం నాన్నకు ప్రేమతో సినిమా చేస్తున్న యంగ్ టైగర్ ఆ సినిమా షూటింగ్ ని త్వరలో పూర్తి చేసుకుని త్వరలో హైదరాబాద్ చేరనున్నారు.
