హైదరాబాద్: తెలుగుదేశం జాతీయ కార్యదర్శి నారా లోకేష్ ముఖ్య అనుచరుడు, ఓటుకు నోటు కేసులో ఏసీబీ ముందు హాజరైన తెలుగు యువత నేత ప్రదీప్ చౌదరి గ్రేటర్ హైదరాబాద్ కార్పొరేషన్ ఎన్నిల బరిలో దిగారు. లోకేష్ ఆశీస్సులతో వెంగళరావు నగర్ డివిజన్ నుంచి టీడీపీ తరపున నామినేషన్ దాఖలు చేశారు. ఇతను జూబ్లీహిల్స్ ఎమ్మెల్యే మాగంటి గోపీనాథ్‌కు కూడా ప్రధాన అనుచరుడు. గ్రేటర్ హైదరాబాద్ తెలుగు యువత విభాగానికి ఉపాధ్యక్షుడిగా ఉన్నారు. ఈ స్థానానికి టీడీపీలోనే తీవ్ర పోటీ ఏర్పడటంతోపాటు, బీజేపీ ఈ డివిజన్‌ను తమకు కేటాయించాలని కోరినప్పటికీ, లోకేష్ ఆదేశాల మేరకు టికెట్‌ను ప్రదీప్‌కు కేటాయించినట్లు చెబుతున్నారు. ఓటుకు నోటు కేసు విచారణ సమయంలో కాల్ లిస్ట్‌లలో ప్రదీప్ చౌదరి నంబర్ పలుసార్లు కనబడటంతో తెలంగాణ ఏసీబీ పోలీసులు అతనికి నోటీసులు పంపి పిలిపించుకుని అనేకసార్లు విచారణ చేశారు. అయితే అరెస్ట్ చేయలేదు.
‘ఓటుకు నోటు’ ప్రదీప్‌కు టీడీపీ టికెట్
