మోడల్‌గా ఎంటర్‌ అయి 2013లో ఫెమినా మిస్‌ ఇండియా ఫస్ట్‌ రన్నర్‌ అప్‌గా ఎంపికై, డెయిరీ మిల్క్‌ యాడ్‌తో లక్షల మంది ఫ్యాన్స్‌ని సంపాదించుకున్న బ్యూటీ దిశా పటాని. ఇప్పటివరకు ఏ సినిమాలోనూ నటించని దిశా ఫస్ట్‌ టైమ్‌ ‘లోఫర్‌’ చిత్రం ద్వారా హీరోయిన్‌గా పరిచయమైంది. ఈ సినిమాలో ఆమె పెర్‌ఫార్మెన్స్‌ని యూనిట్‌ అంతా అప్రిషియేట్‌ చేశారు. దిశా పెద్ద హీరోయిన్‌ అయిపోతుందని అంతా అనుకున్నారు. తీరా సినిమా రిలీజ్‌ అయిన తర్వాత సినిమాలో ఆమె క్యారెక్టర్‌ గురించిగానీ, ఆమె పెర్‌ఫార్మెన్స్‌ గురించిగానీ ఎవరూ మాట్లాడలేదు. ఈ సినిమా రిలీజ్‌ అయి నెల దాటుతున్నా టాలీవుడ్‌లోగానీ, కోలీవుడ్‌లోగానీ ఏ సినిమాలోనూ ఆమెను బుక్‌ చేసుకోలేదు. ‘లోఫర్‌’ మీద ఎన్నో ఆశలు పెట్టుకున్నప్పటికీ ఆ సినిమా తన దశ మార్చలేకపోయిందని తెగ ఫీల్‌ అయిపోతోందట దిశా.
మోడల్‌గా ఎంతో పేరు తెచ్చుకున్నప్పటికీ బాలీవుడ్‌లో కూడా ఆమెకు అవకాశాలు రాలేదు. కానీ, పూరికి మాత్రం ఆమెలో మంచి పెర్‌ఫార్మర్‌ కనిపించిందట. అందుకే ఏరి కోరి ఆమెను తన సినిమాలో హీరోయిన్‌గా పెట్టుకున్నాడు. ఇప్పుడు దిశా ఒక బాలీవుడ్ సినిమాకి సైన్‌ చేసిందట. నీరజ్‌ పాండే దర్శకత్వంలో ఎం.ఎస్‌.ధోని జీవిత కథ ఆధారంగా రూపొందనున్న ‘ఎం.ఎస్‌.ధోని’ చిత్రంలో ధోనీ మాజీ ప్రియరాలుగా నటించబోతోంది దిశా. మరి ఈ సినిమాతో అయినా బాలీవుడ్ దర్శకనిర్మాతల దృష్టిని తనవైపు తిప్పుకోవాలి అనుకుంటోంది దిశా పటాని.
