నందమూరి నట సింహం బాలకృష్ణ ఎంతటి స్టార్ హీరోనో అందరికి తెలిసిందే.. నందమూరి నట వారసత్వాన్ని తన భుజస్కంధాల మీద మోస్తూ నందమూరి నట కౌశల్యాన్ని కాపాడుతూ వచ్చిన ఆయన అటు రాజకీయంలో కూడా అంతే ఇన్వాల్వ్ మెంట్ తో ముందుకెళ్తున్నారు. అయితే బాలయ్య సెట్స్ లో ఎలా ఉంటాడు స్టార్ హీరోగానా.. ఎమ్మెల్యేగానా.. ఇలా చాలా డౌట్స్ ఉంటాయ్.. తెర మీద ఉగ్రనరసింహుడిలా కనిపించే బాలయ్య తెర వెనుక ఎలా ఉంటాడు. సెట్స్ మీద బాలయ్య బాబు ఎలాంటి ప్రవర్తనతో ఉంటాడు అన్నది కనుక్కోవాలని కుతూహలంగా ఉండేది నందమూరి అభిమానులకు.
అయితే అదే విషయాన్ని చెప్పుకొచ్చింది డిక్టేటర్ లో మెరుపులా మెరిసిన చిన్నది అక్ష. బాలయ్యతో మొదటిసారి స్క్రీన్ షేర్ చేసుకున్న అమ్మడు బాలయ్య ఓ స్టార్ హీరోగా కాకుండా చాలా కోపరేటివ్ గా ఉంటారని అంటుంది. అంతేకాదు బాలయ్యను మొదటిసారి సార్ అని పిలిస్తే.. అలా పిలిచే ఉద్దేశం ఉంటే తనతో మాట్లాడాల్సిన అవసరం లేదు అన్నారని చెప్పింది. ముద్దుగా బాల అని పిలవమని చెప్పాడట.
సాటి కళాకారులకు విలువ ఇవ్వడంతో పాటుగా వారితో పెద్ద చిన్నా అనే తేడాలేకుండా ప్రవర్తించడం బాలయ్యకే చెందిందేమో.. ప్రస్తుతం డిక్టేటర్ హిట్ తో ఫుల్ ఖుషీలో ఉన్న బాలయ్య తన 100వ సినిమా ‘ఆదిత్య 369’కు సీక్వెల్ గా ‘ఆదిత్య 999’ చేస్తానని అంటున్నాడు. అంతేకాదు ఆ సినిమాతో తన వారసుడు మోక్షజ్నను కూడా తెరంగేట్రం చేసే ఆలోచనల్లో ఉన్నట్టు తెలుస్తుంది.
