కొర‌టాల శివ.. టాలీవుడ్‌లో టాప్ 3 ద‌ర్శ‌కుల్లో త‌నొక‌డు. వ‌రుస‌గా నాలుగు బ్లాక్ బ‌స్ట‌ర్లు కొట్టాడు. మిర్చి ద‌గ్గ‌రి నుంచే అగ్ర హీరోల దృష్టిలో ప‌డిపోయాడు కొర‌టాల. శ్రీ‌మంతుడు, జ‌న‌తా గ్యారేజ్‌ల‌తో టాప్ ఛైర్ సంపాదించుకున్నాడు. భ‌ర‌త్ అనే నేనుతో మ‌రో మెట్టు పైకి ఎక్కాడు. ఓ మంచి పాయింట్‌కి కమర్షియల్ ట‌చ్ జోడించి సినిమాలు తీసి స‌క్సెస్ కొట్టాడు. కొర‌టాల శివ సినిమా అంటే.. క‌చ్చితంగా అందులో సోష‌ల్ ఎలిమెంట్ ఏదో ఒక‌టి ఉండి తీరుతుంద‌ని జ‌నాలు ఫిక్స‌యిపోతున్నారు. అయితే ఈసారి కొర‌టాల రూటు మార్చ‌బోతున్నాడు. సోష‌ల్ మెసేజీల జోలికి పోకుండా పూర్తి స్థాయి కమర్షియల్ సినిమా తీయ‌బోతున్నాడ‌ట. ”ఈసారి ఎలాంటి మెసేజీలూ లేని ఓ పూర్తి స్థాయి కమర్షియల్ సినిమా తీస్తా. ఆ త‌ర‌హా జోన‌ర్ కూడా ఓసారి ట్రై చేయాల‌ని వుంది. ఎలాంటి క‌థ చేయాలి? ఎవ‌రితో చేయాలి? అనేవి ఇంకా ఆలోచించ‌లేదు. ఒక్క‌టి మాత్రం నిజం.. ఈసారి ప‌క్కా కమర్షియల్ సినిమా రాబోతోంది” అని హింట్ ఇచ్చేశాడు.కొర‌టాల త‌దుప‌రి సినిమా అల్లు అర్జున్‌తో ఖాయ‌మైంద‌ని న్యూస్‌. దీనిపై కొర‌టాల స్పందించాడు. ”ఇప్పుడిప్పుడే భ‌ర‌త్ నుంచి కాస్త రిలీఫ్ దొరికింది. ముందు కొన్ని రోజులు హాలీడే తీసుకుంటా. ఆ త‌ర‌వాతే కొత్త సినిమా గురించి ఆలోచిస్తా” అంటున్నాడు కొర‌టాల.
కొర‌టాల ఈసారి రూటు మారుస్తున్నాడా?
