మెగా కుటుంబానికి, రాజకీయాలకు దగ్గర సంబంధం వుంది. ఒకప్పుడు చిరంజీవి రాజకీయాల్లో దిగితే ఫ్యామిలీ ఫ్యామిలీ అంతా ఆయన వెనుక ప్రచారం చేశారు. తరవాత ఏం జరిగిందో అందరికీ తెలుసు. ఇప్పుడు పవన్ కల్యాణ్ రాజకీయాల్లో హల్చల్ చేస్తున్నారు. సినిమా నటీనటులు రాజకీయాల్లో హల్చల్ చేయడమే కాదు… సినిమాల్లో రాజకీయాలు కూడా హల్చల్ చేస్తున్నాయి. రాజకీయ నేపథ్యంలో వచ్చిన ‘భరత్ అనే నేను’ హిట్ అయ్యింది. ఎన్నికలకు సమయం దగ్గర పడుతుండటంతో పలువురు హీరోలు రాజకీయ నేపథ్యంలో సినిమా చేయడానికి ఆసక్తి కనబరుస్తున్నారని వార్తలు వస్తున్నాయి. మరి, రామ్చరణ్కి కూడా రాజకీయ రంగులతో కూడిన సినిమా చేసే ఆలోచన వుందా? ఇదే ప్రశ్న ఆయన్ను అడిగితే “పొలిటికల్ మూవీస్ ఆ? ఇప్పుడే మహేశ్ చేశాడుగా… మళ్లీ నేను చేస్తే బోర్ కొడుతుంది. ప్రస్తుతానికి నేనేమీ అలాంటి ప్లాన్స్ చేయడం లేదు” అని చెప్పాడు. రాజకీయ నేపథ్యంలో సినిమా చేయడానికి మీ లుక్స్ బాగుంటాయని ఓ మహిళా విలేకరి చెప్పగా “ప్రస్తుతం నా వయసుకు అంత బరువైన పాత్రలు చేయగలుగుతానో? లేదో? తెలీదు. మహేశ్ బాబు సీనియర్ హీరో. ‘భరత్ అనే నేను’లో అందంగా చేశాడు. భవిష్యత్తులో చూద్దాం. అలాంటి సినిమాలు చేయకూడదని ఏమీ అనుకోవడం లేదు. ప్లాన్స్ కూడా చేయడం లేదు. ఓపెన్ మైండ్తో వుంటా. ఏం జరుగుతుందో? చూద్దాం” అని స్పందించారు.