వైజ‌యంతీకి అచ్చొచ్చిన డేట్‌లో.. ‘దేవ‌దాస్‌’

సినిమా ప‌రిశ్ర‌మ‌లో సెంటిమెంట్లు ఎక్కువ‌. ఓ సినిమా హిట్ట‌యితే దాని చుట్టూ కొత్త కొత్త సెంటిమెంట్లు పుట్టుకొస్తుంటాయి. వైజ‌యంతీ మూవీస్‌కి సెప్టెంబ‌రు సెంటిమెంట్ ఉంది. సెప్టెంబ‌రు 27న ఎన్టీఆర్ ‘స్టూడెంట్ నెం.1’ విడుద‌లై సూప‌ర్ హిట్ కొట్టింది. సెప్టెంబ‌రు 28న చిరుత‌ని విడుద‌ల చేశారు. అదీ హిట్టే. వైజ‌యంతీ మూవీస్ అందించిన మ‌రో సూప‌ర్ హిట్‌.. `శుభ‌ల‌గ్నం` కూడా సెప్టెంబ‌రు 30నే విడుద‌లైంది. అందుకే ఇప్పుడు ‘దేవ‌దాస్‌’ని కూడా సెప్టెంబ‌రులోనే విడుద‌ల చేస్తున్నారు. నాగార్జున‌, నాని క‌థానాయ‌కులుగా న‌టిస్తున్న సినిమా ఇది. శ్రీ‌రామ్ ఆదిత్య దర్శ‌కత్వం వ‌హిస్తున్నారు. ఇటీవ‌లే టైటిల్ లోగోని విడుద‌ల చేశారు. ఇప్పుడు రిలీజ్ డేట్ అఫీషియ‌ల్‌గా ఫిక్స్ చేశారు. సెప్టెంబ‌రు 27న ఈచిత్రాన్ని విడుద‌ల చేస్తున్న‌ట్టు చిత్ర‌బృందం ప్ర‌క‌టించింది. నాని ఓ డాక్ట‌ర్‌గా, నాగ్ మాఫియా డాన్‌గా కనిపిస్తున్నారు. వీరిద్ద‌రి మ‌ధ్య ఉన్న లింకేమిట‌న్న‌ది స‌స్పెన్స్‌. ఇటీవ‌ల ‘మ‌హాన‌టి’తో ఓ సూప‌ర్ హిట్ కొట్టింది వైజ‌యంతీ మూవీస్‌. మ‌రి ఈ ‘దేవ‌దాస్‌’ ఏం చేస్తాడో చూడాలి.