టాలీవుడ్‌లో హీరోలే దేవుళ్లు. ఓ క‌థానాయ‌కుడ్ని అభిమానించారంటే.. . అభిమానులు నెత్తిన పెట్టుకుని చూసుకుంటారు. వాళ్ల అభిమానాన్ని ర‌క‌ర‌కాల రూపాల్లో చూపిస్తారు. అఖిల్ కోసం ముగ్గురు అభిమానులు కూడా అదే చేశారు. విజయవాడ నుంచి తిరుప‌తి వ‌ర‌కూ కాలి న‌డ‌కన వెళ్లారు. ఈ విష‌యం అఖిల్ కీ తెలిసింది. అందుకే `మిస్ట‌ర్ మ‌జ్ను` ప్రీ రిలీజ్ వేడుక‌లో… త‌న అభిమానుల‌కు ఓ సందేశం అందించాదు.
”ఈమ‌ధ్య ఓ విష‌యం తెలుసుకున్నాను. రెడ్డి అనే ఓ అభిమాని మ‌రో ఇద్దరితో క‌లిసి విజయవాడ నుంచి తిరుప‌తి 450 కిలో మీట‌ర్లు కాలిన‌డ‌క‌న వెళ్లార‌ట. ఈ విష‌యం తెలుసుకున్న వెంట‌నే నా కంట్లోంచి నీళ్లొచ్చాయి. ఇదంతా అవసరం లేదు. మీ అభిమానం మాతో ఉంది. అది చాలు. ఇలాంటి సాహ‌సాలు చేయ‌కండి. మీ కుటుంబ స‌భ్యులు మీపై చాలా ఆశ‌లు పెట్టుకుంటారు. వాళ్లంతా బాధ‌ప‌డుతుంటారు. ఇంకెప్పుడూ ఇలాంటి సాహ‌సాలు చేయ‌కండి” అని అభిమానుల్ని కోరాడు అఖిల్.
ఇదే వేదిక‌పై ఎన్టీఆర్‌ని పొగ‌డ్త‌ల‌తో ముంచెత్తాడు. త‌న‌ని ప్రేమ‌గా టైట‌ర్ అని పిలుస్తాన‌ని, త‌న ఎన‌ర్జీని ఎవ్వ‌రూ మ్యాచ్ చేయ‌లేర‌ని కితాబు ఇచ్చాడు. ”తార‌క్ గారూ… అంటే త‌ట్టుకోలేడు. ఏట్రా బ‌లిసిందా.. ఫార్మ‌ల్‌గా అయిపోతున్నావు అని అడుగుతాడు. క‌లిసిన నిమిషంలో కుటుంబ స‌భ్యుడిలా చూసేసుకుంటాడు. ట్విట్ట‌ర్‌లో థ్యాంక్స్ అని పెడితే.. అలా పెట్ట‌కు, అది నా బాధ్య‌త అన్నాడు” అంటూ ఎన్టీఆర్ పై ప్రేమ కురిపించాడు అఖిల్.
