హోళీ రోజున నితిన్ – చంద్ర శేఖ‌ర్ ఏలేటి కాంబినేష‌న్ గురించిన వార్త బ‌య‌ట‌కు వ‌చ్చింది. ఈ కాంబో నిజంగానే అంద‌రినీ ఆశ్చ‌ర్య‌ప‌రిచింది. ఎందుకంటే.. యేడాదిగా చంద్ర‌శేఖ‌ర్ యేలేటి మైత్రీ మూవీస్ లోనే ఉన్నాడు. ఓ క‌థ త‌యారు చేసుకుని… అందుకు త‌గిన హీరో కోసం అన్వేషిస్తున్నాడు. ఎన్టీఆర్ మొద‌లుకుని నాని వ‌ర‌కూ… దాదాపు అయిదుగురు హీరోల‌కు ఈ క‌థ చెప్పాడు. క‌థ విన్న వారిలో సాయిధ‌ర‌మ్ తేజ్‌, వ‌రుణ్‌తేజ్‌, గోపీచంద్‌లు కూడా ఉన్నారు. వాళ్లంతా ఈ క‌థ‌ని తిప్పికొడితే అది నితిన్ ద‌గ్గ‌ర‌కు వెళ్లి ఆగింది. పైగా ఈ సినిమా కోసం మైత్రీ మూవీస్ ద‌గ్గ‌ర అడ్వాన్సు తీసుకున్న చంద్ర‌శేఖ‌ర్ ఏలేటి, ఆ అడ్వాన్సు సైతం వెన‌క్కి ఇచ్చేసి భ‌వ్య ఆర్ట్స్ తో చేతులు క‌లిపారు. ఏప్రిల్ నుంచి ఈ సినిమా మొద‌లెడ‌తార‌ని చిత్ర‌బృందం తెలిపినా…. అది అంత ఈజీ వ్య‌వ‌హారం కాద‌ని గుస‌గుస‌లు వినిపిస్తున్నాయి. ఎందుకంటే ఈ సినిమాకి సంబంధించి సెకండాఫ్ ఇంకా పూర్తి స్థాయిలో రెడీ కాలేద‌ట. నిజానికి సెకండాఫ్, క్లైమాక్స్‌లు న‌చ్చ‌కే… ఆ అయిదుగురు హీరోలూ ఈ క‌థ‌ని తిప్పి పంపించార‌ని తెలుస్తోంది. నితిన్ ద‌గ్గ‌ర‌కు వెళ్లినా… ఆ స‌మ‌స్య తీర‌లేదు. అయినా స‌రే – నితిన్ అధికారికంగా ఈ సినిమాకి గ్రీన్ సిగ్న‌ల్ ఇచ్చేశాడు. చంద్ర‌శేఖ‌ర్ ఏలేటి చెప్పిన సెకండాఫ్ న‌చ్చేసిందా? లేదంటే.. ఈలోగా మార్పులు చేర్పుల‌తో మెప్పిస్తాడ‌న్న ధీమానా?? ఈ సంగ‌తి నితిన్‌కే తెలియాలి.
అయిదుగురు హీరోలు రిజ‌క్ట్ చేసిన క‌థ అది!
