“కలిసిన ప్రతీ సారి ప్రధాని మోడీని ప్రత్యేకహోదా అడుగుతా..! ఎప్పుడో ఓ సారి హోదా వస్తుంది..” ఇదీ .. గెలిచిన వెంటనే ఢిల్లీకి వెళ్లి వైఎస్ జగన్మోహన్ రెడ్డి ఇచ్చిన స్టేట్‌మెంట్. అయితే.. ఆయన… ప్రధాని మోదీని రెండో సారి కలిశారు. ఈ సారి ఢిల్లీకి వెళ్లలేదు. నేరుగా ప్రధానమంత్రినే ఏపీకి వచ్చారు. వచ్చింది.. శ్రీవారిని దర్శించుకోవడానికే అయినా… పార్టీ కార్యక్రమాన్ని ఏర్పాటు చేసుకున్నారు. మాట్లాడారు. ముఖ్యమంత్రి ప్రోటోకాల్ ప్రకారం స్వాగతం చెప్పారు … వారి పార్టీ కార్యక్రమంలో తప్ప… అన్ని చోట్లా జగన్మోహన్ రెడ్డి… మోడీ వెంటే ఉన్నారు. కానీ… అసలు విషయం మాత్రం మర్చిపోయార.ు
ఆంధ్రప్రదేశ్‌కు రావాల్సిన నిధులు, ప్రయోజనాలు… అన్నింటికీ మించి ప్రత్యేకహోదా విషయంలో.. ప్రధాని నరేంద్రమోడీని… ముఖ్యమంత్రి జగన్మోహన్ రెడ్డి అడగడం మర్చిపోయారు. తిరుమలలో… ఆలయంలోకి వెళ్తున్న సమయంలో… వాళ్లిద్దరూ చాలా సేపు మాట్లాడుకున్నట్లుగా కనిపించినా… అదేమీ రాష్ట్ర ప్రయోజనాలకు సంబంధించిన అంశం కాదని తేలిపోయింది. ఎలాంటి నివేదికలు కానీ… ఆర్థిక సాయం చేయాలనే ప్రతిపాదనలు కానీ… అడుగుతానని… చెప్పిన ప్రత్యేకహోదాను… కానీ జగన్మోహన్ రెడ్డి అడగలేదు.
నిజానికి… ప్రధాని మోడీ ఏపీ పర్యటన ఖరారయిన తర్వాత.. ఆర్థిక శాఖ అధికారులు ఓ వినతి పత్రాన్ని రూపొందించినట్లు ప్రచారం జరిగింది. దాని ప్రకారం.. దాదాపుగా.. రూ 75వేల కోట్లు.. కేంద్రం నుంచి ఏపీకి రావాల్సి ఉందని.. వాటిని తక్షణం మంజూరు చేయాలనే ప్రతిపాదనతో.. ఆ వినతి పత్రం తయారు చేసినట్లు మీడియాలో ప్రచారం జరిగింది. కానీ.. దాన్ని ప్రధానికి ఇచ్చినట్లుగా.. ఎక్కడా లేదు. నిజానికి మోడీతో.. జగన్ భేటీ ఉంటుందన్న ప్రచారం జరిగింది. అధికారికంగా ఎలాంటి భేటీ ఏర్పాటు చేయలేదు. బహుశా వినతిపత్రాన్ని అందుకే ఇవ్వలేదు కావొచ్చంటున్నారు. మొత్తానికి .. జగన్మోహన్ రెడ్డి… మోడీ పర్యటనలో… అధికార మర్యాల ప్రకారమే పాల్గొన్నారు కానీ… వచ్చిన అవకాశాన్ని ఏపీ ప్రయోజనాల కోసం వెచ్చించలేకపోయారు.
