మ‌ద్య‌పానం – ధూమ‌పానం ఆరోగ్యానికి హానిక‌రం, క్యాన్స‌ర్‌కు కార‌కం అంటూ సినిమా మొద‌ట్లో మైకు ప‌ట్టి అరుస్తుంటారు హీరోలు. కానీ వాళ్లే మ‌ద్యానికి బాసిన అవుతున్నారు. తాగ‌డ‌మే కాదు. తాగి… డ్రైవ్ చేస్తున్నారు కూడా. ఇలా డ్రంక్ అండ్ డ్రైవ్‌లో దొరికిన న‌టీన‌టులు ఎంతోమంది. ఇప్పుడు ప్రిన్స్ కూడా ఆ లిస్టులో చేరిపోయాడు. తేజ `నీకు నాకు డాష్ డాష్` సినిమాతో ఎంట్రీ ఇచ్చాడు ప్రిన్స్. బ‌స్ స్టాప్ లాంటి సినిమాల్లో న‌టించాడు. నేను శైల‌జ‌లో ఓ కీల‌క పాత్ర పోషించాడు. బిగ్ బాస్ 1కి కూడా వెళ్లొచ్చాడు. ఇప్పుడు త‌నే డ్రంక్ అండ్ డ్రైవ్‌లో దొరికిపోయాడు. సోమ‌వారం రాత్రి కూక‌ట్ ప‌ల్లిలో నిర్వ‌హించిన డ్రంక్ అండ్ డ్రైవ్ లో పోలీసుల‌కు దొరికాడు ప్రిన్స్. పోలీసులు కారుని సీజ్ చేసి ప్రిన్స్‌పై కేసు న‌మోదు చేశారు. మంగ‌ళ‌వారం ఉద‌యం కూక‌ట్ ప‌ల్లి కోర్టుకి ప్రిన్స్ హాజ‌ర‌య్యాడు కూడా. ఎవ‌రూ త‌న‌ని గుర్తు ప‌ట్ట‌కుండా వుడీ ధ‌రించి వ‌చ్చి, మొహాన్ని క‌వ‌ర్ చేసుకుందామ‌నుకున్నా.. కెమెరా క‌ళ్లు అత‌న్ని ప‌ట్టేశాయి.
డ్రంక్ అండ్ డ్రైవ్‌లో దొరికేసిన హీరో
