విశాఖ ప్రజలే చంద్రబాబును అడ్డుకుంటున్నారని వైసీపీ నేతలు చేస్తున్న ప్రచారానికి బయటకు వస్తున్న దృశ్యాలకు పొంతన లేకుండా పోయింది. అక్కడ వివిధ జిల్లాల నుంచి వైసీపీ కార్యకర్తలు సోషల్ మీడియాలో వైరల్ అయ్యారు. అందులో ఎక్కువ మంది క్రిమినల్స్ ఉన్నారు. వీరిలో ఒంగోలు నుంచి వచ్చిన ఓ నేత.. వైసీపీ యూత్ వింగ్ అనే పోస్టర్ పట్టుకుని నిలబడి… ట్రోలింగ్ కు గురవుతున్నారు. ఇక గుంటూరు జిల్లా వేమూరు ఎమ్మెల్యే మెరుగు నాగార్జున కుమారుడు కూడా… చంద్రబాబును అడ్డుకున్న వారిలో ఉన్నారు. అలాగే.. పెందుర్తి, అనకాపల్లి ఎమ్మెల్యేల కుటుంబసభ్యులు రచ్చ చేశారు. కేకే రాజు అనే వైసీపీ నేత పోలీసుల్ని దుర్భాషలాడుతూ.. నెట్టి వేస్తున్న దృశ్యాలు బయటకు వచ్చాయి.
ఇక జేటీ రామారావు అనే వ్యక్తి చంద్రబాబు విశాఖలో అడుగుపెడితే.. పెట్రోల్ పోసుకుంటానంటూ.. హంగామా చేశారు. ఆ జేటీ రామారావుపై పదుల సంఖ్యలో కేసులున్నాయి. బ్లాక్ మెయిల్ చేసి డబ్బులు వసూలు చేసిన కేసుల్లో … మహిళ అక్రమ రవాణా కేసుల్లోనూ అరెస్టయ్యారు. ఈయన పోలీస్ వ్యాన్ పై ఎక్కి మరీ.. హంగామా చేశారు. కానీ పోలీసులు పట్టించుకోలేదు. ప్రస్తుతం అవంతి శ్రీనివాస్ అనుచరుడిగా ఉన్నారు. ఎయిర్ పోర్టులో పోలీసు ఎదుటే .. చంద్రబాబుకు చెప్పులు చూపిస్తున్న ఇష్టం వచ్చినట్లు మాట్లాడుతున్న ఫక్త్ అనే యువకుడు మూడు రేప్ కేసుల్లో నిందితుడు. విశాఖ పోలీసులకు ఆ వ్యక్తి గురించి బాగా తెలుసు.
ఫక్త్ అనే వ్యక్తి ఎదురుగా పోలీసులు ఉన్నా.. చెప్పులతో హంగామా చేస్తున్నా… ఏమీ అనలేకపోయారు. మరో వైపు.. చంద్రబాబును అడ్డుకునేందుకు తీసుకు వచ్చిన కార్యకర్తలుక డబ్బులు, బిర్యానీ ప్యాకెట్లను పంచుతున్న దశ్యాలు కూడా సోషల్ మీడియాలో వైరలయ్యాయి. అందరూ విశాఖ ప్రజలేనని వైసీపీ నేతలు చెబుతున్నదానికి…వారంతా వైసీపీ కార్యకర్తలేనని టీడీపీ నేతలు కౌంటర్ ఇస్తున్నారు. పోలీసులు కేసులు నమోదు చేయకపోవడంపై కూడా.. టీడీపీ నేతలు మండిపడుతున్నారు.
