ద‌ర్శ‌కులు మ‌రో సినిమాకి క‌థ‌లు ఇవ్వ‌డం తెలుగు చిత్ర‌సీమ‌లో త‌ర‌చూ క‌నిపించే విష‌య‌మే. మారుతి, పూరి, క్రిష్ లాంటి ద‌ర్శ‌కులు కొన్ని చిత్రాల‌కు క‌థ‌లు అందించారు. ఇప్పుడు త్రివిక్ర‌మ్ కూడా ఓ క‌థ రాస్తున్నాడు. ఓ చిన్న సినిమా కోసం.
అవును… త్రివిక్ర‌మ్ లాంటివాళ్ల ద‌గ్గ‌ర చాలా ఐడియాలు ఉంటాయి. అయితే అవన్నీ సినిమాలుగా మార‌క‌పోవొచ్చు. త‌మ‌కున్న క్రేజ్‌కీ, త‌మ‌పై ఉన్న అంచ‌నాల‌కూ… ఆ క‌థ‌లు సూట్ కాక‌పోవచ్చు. కాక‌పోతే ఆ క‌థ‌ల్ని మ‌రో ద‌ర్శ‌కుడికి ఇచ్చి సినిమాలుగా రూపొందించే అవ‌కాశ‌మైతే ఉంది. ఇప్పుడు త్రివిక్ర‌మ్ కూడా అదే చేస్తున్నాడు. ఓ సినిమాకి తన క‌థ అందివ్వ‌బోతున్నాడ‌ని టాక్‌. హారిక హాసిని సంస్థ త్వ‌ర‌లో తెర‌కెక్కించే ఓ కొత్త చిత్రానికి త్రివిక్ర‌మ్ క‌థ అందిస్తార‌ని, ఈ సినిమాలో అంతా కొత్త‌వాళ్లే న‌టిస్తార‌ని, ద‌ర్శ‌కుడిగా కూడా కొత్త‌వారికే అవ‌కాశం ఇస్తార‌ని టాక్‌. హారిక హాసిని అంటే త్రివిక్ర‌మ్ సొంత సంస్థ లాంటిదే. కాబ‌ట్టే క‌థ‌ని ఇస్తున్నార‌న్న‌మాట. త్రివిక్ర‌మ్ క‌థ‌తో సినిమా అంటే… క్రేజీగానే ఉంటుంది. మ‌రి… ఆ క‌బురు ఎప్పుడు చెబుతారో..?
