మ‌హాన‌టి సినిమాతో ద‌ర్శ‌కుడిగా ప‌ది మెట్లెక్కాడు నాగ అశ్విన్. ఇప్పుడు ఎవ్వ‌రూ ఊహించ‌ని రీతిలో ప్రభాస్ తో సినిమా చేసే అవ‌కాశాన్ని అందుకున్నాడు. వైజ‌యంతీ మూవీస్ ఈ చిత్రాన్ని తెర‌కెక్కించనుంది. ఈ సినిమాని పాన్ ఇండియా స్థాయిలో తీర్చిదిద్ద‌నున్నారు. ప్ర‌స్తుతం న‌టీన‌టులు, ఇత‌ర సాంకేతిక నిపుణుల ఎంపిక జ‌రుగుతోంది.
ఈ సినిమా విష‌యంలో రాజ‌మౌళి ఫార్ములాని ఫాలో అవ్వ‌బోతున్నాడ‌ట నాగ అశ్విన్. సినిమా ప్రారంభానికి ముందు క‌థ చూచాయిగా చెప్పి, ప్రేక్ష‌కుల్ని ప్రిపేర్ చేయ‌డం రాజ‌మౌళికి అల‌వాటు. మ‌గ‌ధీర నుంచి ఇదే ఫార్ములా పాటిస్తున్నాడు. ఇప్పుడు నాగ అశ్విన్ కూడా అదే చేయ‌బోతున్న‌ట్టు టాక్‌. చిత్ర ప్రారంభోత్స‌వ స‌మ‌యంలో క‌థా విష‌యాన్ని చూచాయిగా చెప్పాల‌నుకుంటున్నాడు నాగ అశ్విన్. దీని వ‌ల్ల రెండు లాభాలున్నాయి. ఒక‌టి,.. ప్రేక్ష‌కుల్ని ముందే ప్రిపేర్ చేయ‌డం, రెండోది ఈ సినిమా క‌థ‌పై వ‌స్తున్న రూమ‌ర్ల‌కు చెక్ పెట్ట‌డం. నాగ అశ్విన్ క‌థ ఇదంటూ… ప్ర‌స్తుతం కొన్ని వార్త‌లు హ‌ల్ చ‌ల్ చేస్తున్నాయి. ఆ పుకార్ల‌కు పుల్ స్టాప్ పెట్ట‌డం చాలా ముఖ్య‌మ‌ని భావిస్తున్నాడు నాగ అశ్విన్. ఈ చిత్రంలోని పాత్ర‌ల్ని ప్రేక్ష‌కుల‌కు ప‌రిచ‌యం చేయ‌డంలోనూ ఓ వినూత్న శైలిని ఫాలో అవ్వ‌బోతున్నాడ‌ట. అదేమిట‌న్న‌ది త్వ‌ర‌లో తెలుస్తుంది.
