‘ఆర్‌.ఎక్స్ 100’తో ఓ సూప‌ర్ హిట్ కొట్టాడుకార్తికేయ. ఆ త‌ర‌వాత త‌న‌కు చాలామంచి అవ‌కాశాలొచ్చాయి. కానీ.. ఆ ఫామ్ కి కొన‌సాగించ‌లేక‌పోయాడు. అయితే ఇప్ప‌టికీ త‌న‌కు అవ‌కాశాల‌కు కొద‌వ‌లేదు. తాజాగా త‌మిళ ప‌రిశ్ర‌మ నుంచి కూడా ఆఫ‌ర్లు వ‌స్తున్నాయి. అజిత్ సినిమాలో కార్తికేయ‌కు ఓ సూప‌ర్ ఛాన్స్ వ‌చ్చిన‌ట్టు స‌మాచారం అందుతోంది. అజిత్ హీరోగా ‘వలిమై’ అనే చిత్రం తెర‌కెక్కుతోంది. ఇందులో ప్ర‌తినాయ‌కుడి పాత్ర కార్తికేయ ద‌క్కించుకున్న‌ట్టు టాక్. అజిత్ సినిమా అంటే.. ఎవ‌రూ వ‌దులుకోరు. పైగా త‌మిళంలో పాతుకుపోయే గొప్ప స‌ద‌వ‌కాశం ఇది. అందుకే కార్తికేయ ఏమాత్రం ఆలోచించ‌కుండా ఓకే అనేశాడ‌ని టాక్.
‘గ్యాంగ్ లీడ‌ర్‌’లో నూ కార్తికేయ విల‌న్‌గా న‌టించాడు. అందులో కార్తికేయ‌న న‌ట‌న, హావ‌భావాలూ బాగున్న‌ప్ప‌టికీ, కార్తికేయ క‌ష్ట‌ప‌డిన‌ప్ప‌టికీ ఫ‌లితం రాలేదు. కానీ అజిత్ పై న‌మ్మ‌కంతో మ‌రోసారి ఆరిస్క్ నెత్తిమీద వేసుకున్నాడు. ఫ‌లితం ఎలా ఉంటుందో చూడాలి. ప్ర‌స్తుతం `చావు క‌బురు చ‌ల్ల‌గా`లో హీరోగా న‌టిస్తున్నాడు కార్తికేయ. త‌మిళ సినిమాకి సంబంధించిన అధికారిక ప్ర‌క‌ట‌న రావాల్సివుంది.
