ప్రపంచంలో అత్యంత పాపులర్ అయిన బిగ్ బాస్ రియాల్టీ షో తెలుగులో కూడా ఒక సీజన్ ను నుంచి మరొక సీజన్ సూపర్ హిట్ అయిన విషయం తెలిసిందే. ఇప్పుడు 4వ సీజన్ కోసం సన్నాహాలు జోరుగా కొనసాగుతున్నాయి. వివరాల్లోకి వెళితే..
సీజన్ 1 తో పోలిస్తే మూడవ సీజన్ కల్లా మూడు రెట్లు వ్యూయర్ షిప్ పెంచుకున్న బిగ్ బాస్ నాలుగో సీజన్ లో కూడా ఇదే జోరు కొనసాగించే అవకాశముంది. సాధారణంగా జూన్ జూలై లోపు ప్రారంభం అవ్వాల్సిన బిగ్ బాస్ ఈసారి కరోనా కారణంగా వాయిదా పడిన సంగతి తెలిసిందే. ప్రస్తుతం అన్ లాక్ కొనసాగుతుండడంతో షో లో పాల్గొనే కంటెస్టెంట్స్ కోసం బిగ్ బాస్ టీం జోరుగా ప్రయత్నాలు చేస్తోంది. వ్యాఖ్యాతగా నాగార్జున తిరిగి కొనసాగుతున్నారు. మొదట్లో నాలుగవ సీజన్ కి నాగార్జున స్థానంలో ఇతరులు వస్తారని రూమర్లు వినిపించాయి. విజయ్ దేవరకొండ పేరు, సమంత పేరు కూడా వినిపించింది. అయితే ఫైనల్ గా నాగార్జునే సీజన్ 4 కూడా హోస్ట్ చేయబోతున్నాడని కన్ఫామ్ అయ్యింది.
ఇక కంటెస్టెంట్స్ విషయానికి వస్తే ఆర్య 2 సినిమాలో సెకండ్ హీరోయిన్ గా నటించిన శ్రద్ధా దాస్ 4వ సీజన్లో కన్ఫామ్ అయినట్లు తెలుస్తోంది. నిజానికి ఇంతకుమునుపు సీజన్లలో కూడా ఆవిడ పేరు వినిపించింది. యాంకర్ లాస్య, వర్షిణి లలో ఒకరు పాల్గొనే అవకాశం ఉన్నట్లు తెలుస్తోంది. వీరిద్దరి ని సంప్రదించి నప్పటికీ, వీరిలో ఒకరు మాత్రమే ఫైనల్ అవుతారని సమాచారం. ఇక టీవీ9 ని నమ్ముకొని v6 ఛానల్ వదిలేసి వచ్చిన బిత్తిరి సత్తి కి ఇక్కడికి వచ్చాక పరిస్థితులు తారుమారు అయిన సంగతి తెలిసిందే. బిత్తిరి సత్తి కూడా బిగ్ బాస్ సీజన్ 4 లో కనిపించే అవకాశం ఉంది. బిత్తిరి సత్తి విషయంలో చర్చలు జరుగుతూఉన్నప్పటికీ ఫైనల్ డిసిషన్ పెండింగ్లో ఉన్నట్లు తెలుస్తోంది.
ఆగస్టు లో సీజన్ 4 ప్రసారమయ్యేలా చేయడం కోసం బిగ్ బాస్ నిర్వాహకులు సన్నాహాలు చేస్తున్నారు. మరి మిగతా మూడు సీజన్ ల కంటే మించి నాలుగో సీజన్ హిట్ అవుతుందా అన్నది వేచి చూడాలి.
